小松鼠 (已易手)

一向都非常喜歡開放式既食野環境，好似外國個啲露天咖啡甜品店禁，真係好正！今次呢間半開放式，雖然係元朗呢啲地方都無咩景可言架啦，不過呢度附近都係低密度既住宅，感覺都ok，算寧靜悠閒，唔會有太多匆忙既人行過！少位，不過禁岩一入去就有張台，keep住有人入，滿座！食物方面，個蘑菇湯，蘑菇味夠濃，岩哂蘑菇控！安格斯牛肉漢堡，件牛肉好嫩口，夠肉汁得黎唔會流到四圍係（個人好怕流哂出黎，好呢hea），呢個好似鎖住左啲肉汁禁，醬料都好夾，沙律菜新鮮！忌廉三文魚意粉～個汁有啲乾，無咩味，無特別，食到尾段個底啲意粉好似油浸禁，啲魚油沈哂底成口油，不過乾玫瑰花伴碟就靚靚有心思！同一個價錢，漢堡抵食好多，好食又有沙律同薯條，不過咩都試下麻，再去一定會揀哂漢堡！有加一服務費，不過連一向無要求既老公都話無服務，以為無加一！p.s. 黎緊搬鋪，要食既朋友注意啦！…查看更多

行完街經過見到呢間餐廳好抵食，所以就試下啦。雖然lunch同tea time 都係同一個menu , 但都有九個選擇，全部都只係$45咋！！😳有埋餐飲！(加一）我同朋友揀左lunch set既8同9，大家睇到個賣相 一d都吾頹，仲要幾好味！😋 沙律菜夠新鮮，薯蓉夠熱又有調味，德國腸juicy,炸魚就不過不失啦 。呢間餐廳既食物質素比想像中好，性價比相當高！！要推介比大家！😁…查看更多

星期五晚同男友去元朗食飯，本想去隔離果兩間西餐廳，但因為要等位，又太肚餓，於是決定試新野！一入去就有得坐，間餐廳面積好細，只要兩張台有客人，其實一開始都幾驚係伏。。。餐廳環境比較暗，有點浪漫氣氛，適知情侶黎，可以靜靜談心～我其實係比個ＢＵＲＧＥＲ吸引入去既，於是就叫左個＂招牌手打安格斯牛肉漢堡＂同埋"巴馬火腿PIZZA"，由於廚師即叫即整，都等左十五分鐘，但估唔到有意外驚喜！！伴碟既薯條都好香好脆，好有薯味，值得一試，大力推介！！！小本經營的餐廳真係好有心思，為左比客人嚐到最新鮮最香口的食物，都係即叫即整！！雖然呢間餐廳唔算出名，但係小店都有佢既特點，同埋好既服務態度，而且價錢唔貴，值得一去！…查看更多

同朋友行行下見到間cafe裝修唔錯就亂入左, 有好有壞. 點左個野菌蟹肉忌廉汁長通粉, 汁份量剛剛好, 不多不少, 蟹肉份量都足夠, 蟹香菌都帶到出黎, 依幾日食左唔少紅肉黎, 所以食下蟹肉感覺係唔錯:) 朋友點左個招牌手打安格斯牛肉漢堡, 我都試左少少, 牛肉好香, 配合適當份量蔬菜, 係開胃ge! 仲有薯條做配菜, 真係幾好食, 見隔離枱小朋友都食得好滋味, 狂追擊薯條食物質素係唔錯, 但等候時間真係太耐, 所有食物等超過30分鐘, 近乎45分鐘, 漢堡包需時較久我是理解的, 但意粉有少少超出預算時間. 雖然係咁, 服務態度都不錯, 會同講番唔好意思, 久候左. 所以, 趕時間揾食野真係唔好諗依間喇, 我見其他枱都等得幾耐 有時間慢食者可以考慮…查看更多

68蚊burger,性價比超高今次嗌左手打安格斯牛肉漢堡。一上枱，廚房好細心，知2個人食，佢切左一半上枱。個餡好香，食得出好香好真既牛肉味。 肉質無流失之餘，牛肉係好嫩。薯條就係原隻薯仔切條，食得出間舖好用心。…查看更多

一個人想鋸扒，找到這家小店，服務感覺很家庭式，侍應親切但服務水準有待改善，要反覆提問和重覆講述三次要點的餐。磨菇湯很香，但不夠滑，不過仍然合格，如果做得更好就一級棒。蒜蓉多士熱熱的，很香脆，好吃。主菜客格斯肉眼（１０安士）要了5成熟，肉香得很，完全冇失望，沙律配菜好好味，份量多，再加上意粉煙靱，吃清光完全無難度，非常滿足。＄１８８可以吃到大大碟的安格斯肉眼跟沙律和意粉，簡直是超值啦。唯一要提的小這小店因為四邊打開通風，感覺和坐在室外差不多，冬天坐有點點冷，但我想如果太冷，應該可以要求店子把趟門拉上的吧。…查看更多

星期一到元朗搵食確實有點難度,因為多數餐廳都以星期一為休息日而不做生意.不過知道一間開業不太耐的小西餐廳在星期一都還有開,所以友人不多好肉食的友人都提議一試.難為她了,因為這店主打都是漢堡,她只可以在副選的意粉,PIZZA,ALL DAY BREAKFAST 之中選擇.我基本上沒有太偏食,所以點任何食品都可以,那我選了招牌手打安格斯漢堡,友人點了忌廉野菌板燒雞胸意粉晚餐都可以加$30轉套餐,包括餐湯及餐飲各一.不過餐湯就無得選擇了,只有一款磨菇湯.磨菇湯不是常見打到很幼滑的款式,這家的磨菇都打成粗粒,就外觀看到很多磨菇顆粒混入了香草碎.侍者送上之時菇氣四溢,像我鼻子不靈的傢伙都清楚聞到陣陣菇香.可是,喝下去就另當一回事了,一來可能太多顆粒,并不似一般喝湯的感覺.反而更像吃磨菇做的粥,而菇粒的質感又做不了像米煮溶了般,帶來綿密的感覺,水溜溜,淡淡的感覺很強烈.個人覺得調湯水的質感稠濃點會較好,不論味道及質感.先到的是友人點的意粉,我試了點.首先,粉還是煮得差點點,覺得師父想煮那種剛好的感覺,但是時間控制有點過早,偏向硬身.雜菌是比較細條的本菇,還好調味未有太搶去菇味.雞扒我試了一塊較為邊沿的,我覺得煎得太乾,友人則說中間的煎得剛好之餘還夠泿潤.不過大家都認同那股焦香十分惹味!為此雞扒畫龍點睛!但當友人吃下去的時候出現了一大問題.就是那碟深中間都是油......我看得咋舌.....足足有大半個茶樓小碗的油份,星期日師傅的馬仔很不生性?我點的招牌手打安格斯漢堡也到了,同一份附有少量沙律菜及無鹽的薯條.以小木板上枱的賣相不錯,友人看著沙律菜中橙色的大塊,以為是水蜜桃,但甫一吃下頓覺驚喜,原來是南瓜來的!很不錯呢,是焗得有點軟軟的南瓜,雖不是很甜但少有西餐廳小店會這樣制作.炸薯條以少量味粉代替以鹽調味值得一讚,要吃那巨型的漢堡多少都會覺得帶點膩,薯條可以減輕點味道更易吃.而且都炸得剛好吧,不會太硬,枱面的茄汁亦自已任加呢.來到主打的漢堡,是用黑白芝麻包做包底的,經烤焗過後只可以用四個字形容:外脆內軟!包芯鬆化吸汁效能不俗,從漢堡扒滲出的肉汁都一滴不漏吸盡,特別是最底層的,都已吸汁吸得半透明了.中間生菜份量不少算是中規中矩,用上紫生菜,很是爽口.蕃茄及芝士簡簡單單薄切一片,主角漢堡扒煎得較久,我想是為了配合麵包的外脆內軟的感覺吧,所以外層都較硬身的.中間免治肉是比較熟的類型,但依然十分富肉汁!不但汁多,而且也頗有肉香!有一點我個人則不太喜歡,就是這醬料只是熱狗醬,雖然也很配合,但覺得太搶味了.最後來的是炸洋蔥圈,這個來得意外地細份,一眼看過去不足十圈,也不知夠不夠半個.外層炸得脆偏向硬身,以定形的角度講這可以說是很成功地做到一個圈形,味道方面,在洋蔥圈上有點點辣椒粉調味,內在的洋蔥都頗香的,不得不讚那個芝士汁,我覺得用來伴薯條吃可都很可口!不太鹹,芝士味有點內歛,但正好顯出洋蔥及薯條本身的味道.細滑濃稠的醬汁與炸物香脆成一大對比感覺良好!店方不妨考慮跟薯條也送一個芝士醬吧.最後不得不提服務,點餐時侍者主動對比散叫及套餐的價錢,提議那一個價格較為相宜.看到友人意粉碗中半碗油,我們都未及出聲已經主動送上小碗方便我們隔開油....不過值得改進的地方,恐怕是要改善廚師手藝吧.雖然服務值得一讚,但還有更多可以改進的空間,像是枱面任加的茄汁,我枱的那一支已經所餘無幾了,如果可以在客人就坐前先查看一下,主動添加或替換那就盡善盡美了.…查看更多

同朋友聚餐，朋友介紹了這間食burger的店，又不用排長龍故一試。磨菇湯: 口感好鞋，一d都唔滑，雖然磨菇味好重，但做得不夠好味道 (蒜蓉餐包倒是不錯，幾好味的)燒雞凱撒沙律: 燒雞要另加$20，不過覺得都值得。燒雞燒得唔錯而沙律整體味道好好，比較出色的一道頭盤。招牌菜burger: 老實說只值70分。薯條炸得不夠脆而且分量唔多。burger醬汁可以再多一dd。(題外話，原本想叫店家幫忙把burger cut成4份，但他們說只能cut一半。講真，加多一刀有幾難???)牛仔骨 肉質唔會太un太鞋，配上醬汁味道甜甜酸酸的很不錯。蕃茄三文魚意粉:份量比較少、三文魚亦只有2片、味道正常。整體不算一道很出色的菜式。…查看更多

第二次光顧，餐牌似乎有收進，選擇也多了。點了2號餐和7號餐。餐湯南瓜湯，口感非常不滑，一粒粒的南瓜肉破壞了口感。Cappuccino不知所謂的咖啡，奶泡薄得過份，啡味帶苦，層次單一。一飲就知道係全自動啡機出品。。。上次單左black coffee又走去加奶，我覺得一啲都唔尊重杯啡呀！雞肉凱撒沙律雞肉做得不錯，沙律菜尚算新鮮，份量不大。芝士磨菇牛肉漢堡我無食所以不評價，但看起來不錯。…查看更多

南瓜湯用忌廉點綴 食到南瓜蓉 真材實料蒜蓉包好特別 送上時飄來陣陣蒜香牛油香 切成薄片 焗過之後展現岀彎曲誘人既線條 有啲似薯片😂😂 超級脆又香口脆炸美式香辣雞翼熱辣辣送上 唔係kfc厚炸皮 反而係小妹較討好既金黃色 皮邊有小小脆位 對小妹來說剛剛好 肉嫩肉汁多 辣味後來居上 澳洲和牛藍芝士醬漢堡blue cheese wagyu從橫切面睇佢真係好有內涵嫁 包身微微脆內軟熟 底面都有脆口芝麻 漢堡扒好厚好juicy 一啲都唔韌又冇根 芝士醬濃濃令成個burger一啲都唔dry 仲有蕃茄片同菜食落唔會膩 睇番相都好令人回味薯條炸得剛好唔熱氣 唔油膩兼好有薯味 m字頭果啲邊有得比 如果再灑啲鹽花更係錦上添花💞💞辣肉腸薄餅👅肉腸薄片唔係辣既源頭 反而係面頭既辣味粉 不太好辣既我挑剔地夾開左小小... 不過食落係幾刺激既👻👻👅中間芝士仲係半溶狀態 有别於一般雖可以牽絲但食落好似無味既香口膠 👾佢芝士味幾濃 綿綿又有啲奶味 既帶點鹹香 👻薄身餅底 批邊算脆likeeee爆BBQ醬燒豬肋骨👅至愛濃味BBQ醬塗滿喺肋骨上👅有兩份肋排 約有6,7個骨位 加埋份量都幾足嫁💪💪特别既係用木砧板上 又有幾片茄子翠玉瓜同薯條伴碟蕃茄醬煙三文魚意粉smoked salmon spaghetti with tomato sause香草灑喺碟邊 芝士碎刨喺面 火箭菜伴碟 擺碟有心思 賣相攞爆分 叫人食指大動!! 幼身意粉 軟硬適中 可以掛到醬汁 蕃茄醬未算濃但勝在夠多 亦不時食到茄蓉 撈意粉足夠有餘 餵食貓緊係忍唔住要不埋淨低既汁黎食hehee餐飲轉左特飲乳酪藍莓汁😋 果汁係是日會定期轉嫁 酸酸地好開胃🙌🙌 佢仲特登將兩杯變做三杯俾我地開心shareeeset dinner $288×2西餐廳係開放式廚房 幸好油煙味唔大 女侍應仲會同你搭訕 難得有質素既小店 價錢又合理 值得支持!!😆😆…查看更多

至鍾意食burger o既我...尋日行過見到新開...今日即刻去試!!!!星期日午市好多人!!! 間鋪唔大...等o左15分鐘先有檯...叫o左兩個Burger set...安格斯 ($68) 同蝦堡 ($78)...我地叫店員幫我切開一半方便share~ 等食物都唔算好耐...食物上檯真係熱辣辣~ 安格斯Burger都尚算juicy~ 唔韌~ 不過調味可以多返少少...同埋入面塊煙肉唔夠脆...不過兩塊包都好軟熟~ 整體都唔錯~ 蝦堡d蝦好彈牙~ 而且都算厚~ 配埋千島汁真係一流~ 薯條真係好脆同熱辣辣...不過可以落返多兩粒鹽...飲品方面...我點o左熱咖啡...好香好正~ 以呢個價錢...真係唔錯~ 好開心元朗有間burger house~遲o下會嚟試埋另外o個d款~ …查看更多

早陣子相約舊同事共進午膳...才發現這間被玻璃包圍著的西式餐廳...雖然不遠處是一條溝渠...但其位處於寬闊的行人路當中...視野尚算廣闊...絕對是西方人的悠閒口味...餐廳應該是新開業不久...因為在人氣熱爆的＜開飯＞中...並沒有查詢結果...店內一眼掃清...簡單的木枱櫈整齊的排著...座位不過30...小角落廚房有著3位男廚師...1位女侍應在店內忙過不停...幾乎不為意有客人拉門進來...店員有著整齊的黑色制服...配上耀眼的紅色圍裙...還可見到圍裙上綉上生招牌＜squirrel＞字樣...餐牌只是幾塊過膠咭紙...剛好迎合西方人簡約樸實的文化...午市選擇並不多...只有set..以及潮興的all day breakfast...飲品選擇也不多...只是簡單的咖啡奶茶之類...朱古力相信是唂咕粉配少量錬奶而開的...附上一小包沙糖調味...個人口味比較喜歡濃朱多奶...檸茶是用另一種花紋的杯子...厚切檸檬有3塊...茶味一般...同事點選的意粉…碟子大大…主菜少少…還有那未經烹調的煙三文魚…縱使蕃茄汁是多麼出色…同事也大打折扣…只因同事胃口大…set已經不包餐湯麵包…加上吃不慣生冷食物…實在是錯誤的選擇…反觀這個漢堡…簡直是天淵之別吧…一隻手掌還可勉強的緊緊捉實…相信男士也不能一口吃下去…正當我猶疑怎樣動手之際…女侍應已為我遞上刀义…對於優雅的女士來說…實在有必要解剖來吃吧…由基層來看…包底>生菜>蕃茄汁>蕃茄>安格斯牛肉>煙肉>車打芝士>旦王醬>包面…包面一般都比包底鬆軟…所以我率先吃下…依稀還感覺到那半燶的芝士碎依附在包面上…當然遠遠不及車打芝士來得更有口感…加上甜甜的旦王醬煎乾了的煙肉…一點也不覺得會造肥人…至於主菜…安格斯牛肉變成了漢堡…總覺得有點浪費…牛肉雖有1cm的厚度…還不是要八,九成熟…雖然肉碎不韌…但或多或少總會失掉牛肉本身的味道吧…盡管如此…由蕃茄溶製成的蕃茄醬也是我熱愛之選…可惜份量不多…用餐完畢…女侍應溫馨提示…凡惠顧加$10…可換取是日精選甜品<焦糖燉旦>一客…但鑑於時間的關係…唯有下次光臨……查看更多