小松鼠 (恒勝樓) (已結業)

.去到九龍城咁多良心小店💛緊係逐間搵慢慢揀啦今次呢間我覺得幾抵食👍🏻兩個人有湯有主菜有小食有野飲黎講算幾平.二人套餐A $178本身有餐湯 蒜蓉包 🥪小食一個🌯主菜兩個🍜🍚基本上飲左湯食左包已經開始飽🤣.🥢手打安格斯牛肉漢堡🍔個牛肉好正 完全唔硬有啲牛肉汁出黎🐮但個包相對黎講唔夠甜同少少硬.🥢 西西里炸魚配墨汁扁意粉🐠我覺得茄汁配墨汁意粉有啲奇怪唔太夾不過冇茄汁既意粉都幾好食🍝個炸魚就幾正 不過叫得太多炸野好熱氣.🥢黑松露薯條🍟好好食既薯條夠粗之餘又夠大條🥔但黑松露略嫌少左啲啲

二人餐Set A ($178)🔸精選餐湯+蒜蓉包菠菜忌廉湯味道有啲怪，同平時其他餐廳加咗菜嘅西餐湯唔同，飲咗兩啖就冇再飲；至於黑松露南瓜忌廉湯都幾香，不過就要加$20先享用到兩款餐湯都偏稀身，溝咗好多水，有少少失望🥗凱撒沙律作為前菜份量比想像中多，撒左啲碎芝士喺面加埋啲番茄仔同麵包糠令到成個沙律好豐富，呢碟沙律多到食完主菜仲可以返轉頭再食🍝卡邦尼意大利粉卡邦尼要煮得岀色係難，但係要煮得難食仲難第一次食啲汁咁稀嘅意粉，碟意粉waiter上到枱嗰陣啲汁稀同多到瀉咗落枱面，意粉質地偏硬，味道無乜，同個汁分開咗，而且面頭加咗太多碎芝士，令到個意粉好膩 (一個標準嘅卡帮尼係唔應該加碎芝士) 😞🍔手打安格斯牛肉漢堡漢堡質素中規中矩，都算合格，不過食完碟意粉已經冇乜胃口，唯一要讚嘅係漢堡麵包幾鬆軟餐飲嗌咗凍檸茶，不過檸檬就唔太新鮮，篤完檸檬之後檸檬茶顏色變得比較污濁雖然係黃店，但小店食物質素有待改善，不過疫情期間每一枱都有放置搓手液供客人隨時使用，值得一讚

📍🇭🇰 Squirrel Burger小松鼠 @九龍城.我們兩個人專誠入來到九龍城食好西！我們第二次來呢間餐廳共進晚餐！自從屯馬線開通後，令來九龍城交通都變得再方便了！.今次我們點左個Set B {HK$238 連加一服務費}，分別有：.餐前 Appetizers:▶️ 精選餐湯及蒜包▶️ 凱撒沙律.主菜 Main course:▶️ 玉子芝士手打牛肉丼▶️ 海鮮薄餅.飲品 Drinks:🍹 凍檸茶🥤 凍朱古力.送 黑松露薯條🍟 ［只要follow及like餐廳Instagram 就獲得一份薯條］.📄 整體食得好飽😇！蒜蓉包好香脆配上忌廉蘑菇餐湯，玉子芝士手打牛肉丼的牛肉好好食，好有肉汁配上流心玉子😋😋😋。海鮮薄餅都材料十足！店員態度很好，雖然細細間店，但坐得舒適！下次又再來吃先！.香港人加油💪🏻

原本淨係喺元朗先可以食到小松鼠🐿️，依家喺九龍城都可以食到😚。小松鼠主要提供西式餐飲，價格偏向親民，食物質素屬中上等🙂。🏷吉利炸魚柳漢堡（$68）沙律🥗菜好新鮮，沙律醬調味啱啱好，帶有芝麻香。吉利炸魚柳漢堡🍔好大個，漢堡夾住魚柳🐟、芝士🧀、生菜🥬、蕃茄🍅和沙律醬，食到我舐舐脷😋，食完都已經好飽😛。值得一提嘅係餐廳提供嘅餐刀🍴好夠利，可以好輕易將漢堡切得好細，啱晒我個櫻桃小嘴😂🤣。跟餐仲有薯條🍟同埋一杯野飲。野飲我揀咗熱奶茶，奶茶又醇又滑，唔加糖同加咗糖都係甘好飲☺️。另外like同share 餐廳社交平台 仲有黑松露薯條🍟送😍。*另有加一服務費

今日去九龍城買野，順便黎試試呢間鋪頭，下午茶時間人少少唔洗逼，叫左個牛角包黑松露炒蛋配沙律。沙律好新鮮，醬汁岩岩好，牛角包配左煙肉芝士，實在太過份，黑松露唔係俾少少，突然好感動，口感好配合，食咁多好東西返去要好好減減。慢慢食完再聽小小直播，過左一個悠閑下午茶，係香港都幾難得，推介大家黎九龍城要黎呢間朝聖。附近交通又方便，性價比都好高，唔洗排隊，舒舒服服仲可以聽周董的歌，慢慢嘆埋杯熱奶茶就起程返屋企。

「小松鼠」店面裝修唔似西式餐廳，但食物有質素👍🏻🍔手打安格斯牛肉漢堡 $⁷⁸牛肉好厚又juicy，但煙肉好咸，覺得唔要煙肉都得，太多肉同芝士感覺好膩，不過有沙律菜平衡番。$78有埋薯條飲品沙律，抵食！

就快quit hall離開九龍城呢頭了🙈有一次經過發現平時元朗最熟悉既小松鼠🐿️竟然開左黎九龍城！今次試埋九龍城分店質素如何🤩最平晚市$178💰起就食到2人套餐喇👫⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬🐿️松鼠2人套餐($178)價錢包餐湯蒜蓉包、1個前菜、2個主菜🙈🍗炸香辣雞翼🍔手打安格斯牛肉漢堡🍝玉子芝士燒雞扒丼雞翼有2隻，炸到好脆又唔會太油～仲有法津菜伴碟🥗牛肉漢堡不嬲係冇得輸必點🥳但份量比係元朗食既細左🥺另一個主菜嗌左玉子芝士燒雞扒丼，同我想像中好唔同😂上菜係一塊芝士+荷包蛋+雞扒，hea左少少🥲味道正常啦～可能叫意粉會比較好🙈👧🏻：感覺上九龍城分店都比元朗既份量細份～同埋元朗分店好似好食啲😂可能係新開既關係，質素尚有改進空間🥺加油💪

嗰日我去我朋友度食飯，佢話去嗌Burger。我話好吖，都好耐冇食過( ´▽` )ﾉ 入到嗰間舖，發覺佢係黃店，周圍貼滿「香港人加油」💪🏻，結果我嗌咗個深海蝦肉burger($98)，佢哋就嗌左安格斯牛肉burger($78)。 全部都係餐，會跟一個沙律或者薯條🍟，再加一杯飲品，熱飲就唔使加錢，凍飲就要加$4。結果我哋全部都放棄個飲品，因為要去佢舖頭飲啤酒🍻。 之後仲嗌多咗個炸雞翼($88/8隻)。 都等咗幾耐，可能因為全部都係即刻整，雞翼炸得好Juicy。我個人覺得我個蝦肉burger幾好，好大個好夠份量，冇雪藏嘅feel。 我冇試過佢哋嘅安格斯牛，但係佢哋話好正。成日都幫襯㗎喇。

選擇都幾多，不論飯或意粉，漢堡定薄餅，小食定沙律。選了個炸魚柳拼香腸 配 薯條 ($58)新鮮炸好既魚柳同薯條，都好香口，但又無話炸到好乾身，可惜魚柳既一邊炸到黑哂😂另外，有配埋沙律，加左芝麻醬，食完炸野再食埋個沙律，正👍

店子小小，從店外看來，感覺光猛。唔睇門口menu，覺得有d茶餐廳feel。食lunch，價錢多數以$68同$98為準。以九龍城來計，並不太便宜，仲有主要問題，係佢裝修出嚟嘅感覺，同食物ask for 嘅價錢有d唔平衡。呢日係星期六，叫咗兩份午餐。唔知係咪唔夠chef，出菜速度好慢。不過，星期六嘛，有時間可以等。做出嚟嘅食物又唔錯喎，感覺到係用心去準備。好難評整體好唔好，但裝修、店舖面積同食物價錢，令人未必會立即吸引顧客進舖嘗試。不過，繼續努力吧！

次次嚟九龍城都係食泰菜或者打邊爐，今次就幫襯下呢間嚟自元朗嘅小店。餐廳招牌菜係手打安格斯漢堡，除咗牛之外，漢堡都有豬、雞、魚、蝦揀，另外仲有多款意粉同pizza，選擇好多。一行三人叫咗一個二人餐，另加一個意粉。二人餐$178 包括兩個餐湯、蒜蓉包、一個小食、一個意粉同埋一個漢堡。餐湯點咗羅宋湯磨菇湯各一，羅宋湯睇顏色都知唔係罐頭開水嘅，飲落微酸帶少少辣。磨菇湯菇味濃郁好creamy，飲得出磨菇成份佔好多，好足料，好好味。估唔到餐湯都有驚喜二人餐小食揀咗黑松露薯條，新鮮炸起非常脆而且份量足，黑松露醬就唔算多。手打安格斯牛肉漢堡有跟薯條同沙律，配菜嚟講沙律同薯條嘅份量都幾多。漢堡包嘅麵包好鬆軟，配料有芝士、蕃茄同生菜，牛肉唔算大塊，但勝在牛肉味濃，食落夠腍咬開有肉汁！香煎帶子配墨汁扁意粉估唔到水準咁高，意粉煮得剛好軟硬適中仲有咬口，墨汁掛哂上意粉而且鮮甜。另外點咗一個手打牛肉漢堡配西西里意粉加煎蛋，西西里意粉即係茄汁意粉，上面放牛肉漢堡同煎蛋好有日本洋食feel。牛肉漢堡煎到表面少少燶食落好香口。跟餐仲包括飲品，以人均消費$100嚟講質素真係高，係值得幫襯嘅良心小店。

地方雖小 但之前同一班朋友一齊係到玩都冇咩問題 夠位玩如夠位食 唔會話太太逼 香港地小都冇計😢食物方面係好好食 雖然貴左少少 但因為好食所以都可以 而且有廁所好緊要😆😆個廁所夠大 唔似其他好逼 唔怕污糟 幾好而且員工都好有禮貌 唔會小小野就黑面個啲 之前食過其他會咁樣 尤其是夜晚 大家做左成日會攰 個樣好衰或者黑面 但佢地冇 實在太好😆總括來說我會再去 都會介紹朋友 我覺得大多數野都好好 只不過都會有啲美中不足 不過唔影響我~~~~

今日係五一黃金週第二日，一於食好啲🥰🥰呢間小松鼠喺九龍城同元朗都有分店，有各式各樣嘅意粉、意大利飯同招牌嘅漢堡😽我就叫咗個小松鼠招牌手打安格斯牛肉漢堡嚟試😽 連埋飲品 $78， 超級大份！ 除咗burger夠晒厚之外，沙律同薯條都超級多😚個漢堡除咗有生菜、番茄射等，仲有兩塊(?)溶溶哋嘅芝士添㗎，超級正超級邪惡😆 手打安格斯勁juicy，超多肉汁，好推介！同埋薯條又多又超級脆！ 呢個餐好滿意🥰🥰

食物方面冇問題、意粉好好味、店員有禮.不過店內通風方面真係好有問題! 坐近入面聞到陣陣廁所/後巷渠味, 就算開到好大冷氣陣味都好勁! 聞住陣怪味食得好唔舒服, 希望店主可以改善下呢方面啦!

經過見到呢間黃店💛就入去試下 但入面裝修比較簡陋 兩人座位好逼同坐得唔舒服 😕😕食物方面，叫咗個海鮮拿破侖意粉 🍝 $98，賣相唔錯 但食咗啖意粉，意粉硬咗啲 😥 似係未熟透就上碟🥲 總括黎講 麻麻地 😐 價錢係九龍城呢個地理位置同埋佢嘅裝修黎講係唔抵 再加上座位真係太逼 同坐得唔舒服 張枱有大gap 好容易跌嘢食落地下🥲 真係唔太方便🙅🏻‍♀️ 而且意粉仲要未熟透 雖則係黃店 但性價比確實唔太高😕😕 少少失望🥲🥲