小李車仔麵

深水埗出名平民美食眾多！今晚和好友來到黃竹街的「小李車仔麵」用晚餐。餐廳裝修相當新淨，似是剛開業不久。筆者的一碗選了和風叉燒、自家秘製豬手和自家製酸齋。豬手2隻大大隻，份量十足，好抵食！肉質炆至軟腍入味，一咬骨肉分離，滿滿的膠質口感。而叉燒更是用心製作，以70度低溫慢煮，再經炙燒。入口有微微焦脆的口感，豚肉味濃，還帶點炭燒香。湯底是餐廳秘傳清湯，以豬骨、雞殼、雞爪熬製而成，再加入古法辣汁。不過酸齋味道太強了，導致整碗湯底都滲透它的酸，嚐不到辣感。麵底就選了河粉，質地滑溜帶少許彈牙感，非常索湯。好友那碗分別有雲吞、牛雜和自家製咖哩齋。雲吞人手包製，內餡有1隻半份量鮮蝦，鮮味彈牙。牛雜據悉也是由師傅每早製作，炆足數小時，每一件都很香很入味。這碗湯底加了終極全汁，集合了腩汁、鹵水汁、辣汁等，一次過試勻，濃郁惹味。本來是配雞鎚，但因售罄關係，改為雞翼。雞翼炸至外皮香脆，雞肉就保持juicy。沾上蒜酥、辣粉，味道鹹中帶辣，辣感更是越食越勁，香口過癮。…查看更多

「小李車仔麵」聽個名就正，講歪啲就會變成香港人最愛嘅粗口🤣，車仔麵店坐落於深水埗黃竹街，新開張冇幾耐，車仔麵食材超多選擇，而且好有創意，例如必試「70度慢煮火焰和風豚肉叉燒」、「想再食牛腩」、「濃香沙嗲豬頸肉」等等，而且辣菜脯、芫荽、蔥加唔加自己話事🫰🫰另外絕不能錯過呢度嘅特色小食，少有車仔麵店有咁多炸物小食，「椒鹽魚蛋 」、「椒鹽燒賣 」、「避風塘雞翼尖」炸得超香口；都係必食推介，另外有一款店舖名物「黃金魚手指 」香口酥脆魚肉鮮嫩，超爆好食，平民嘢都可以好好味😋▪️椒鹽魚蛋 ▪️黃金魚手指 ▪️避風塘雞翼尖 ▪️椒鹽燒賣 ▪️涼拌皮蛋 我哋分別點咗四餸和五餸車仔麵，試多啲不同款式，首先最鍾意係佢哋嘅古法辣汁，香辣惹味越食越上癮，「70度慢煮火焰和風豚肉叉燒」軟腍入味醬汁類似日式燒汁，令人好開胃，「想再食牛腩」炆得超腍，而且肥瘦相間超正，「自家製必食溏心蛋」做得好有水準，多款自家製嘅美食不能錯過👍▪️自家製雲吞、豬大腸、開心芥末貢丸、濃香沙嗲豬頸肉、70度慢煮火焰和風豚肉叉燒 、米粉、古法辣汁▪️想再食牛腩、豬軟骨、真係自家製酸齋、自家製必食溏心蛋、油面▪️六花茶、凍奶茶六花茶原來係五花茶，再加上夏枯草更加清熱呢度嘅港式凍奶茶做得非常唔錯，茶味超濃香…查看更多

小李令我諗起起小李飛刀😂除咗飛刀之外，深水埗有間小李車仔麵都好好食，細細個讀書嘅年代我就好鍾意食車仔麵，呢間就令我諗起想當年🧐下午茶2:30至5:30落單，送熱飲或者汽水，麵底都可以揀粗麵、幼麵、油麵等…四餸麵揀咗米線，我都係好鍾意食米線，湯底揀咗秘製滷水汁，有啲色水冇咁寡，都好濃味！可能係深海巨型蟹柳，平時食開嘅蟹柳都係正常size，呢個超大好有蟹柳味；豬大腸差唔多每次食車仔麵都會叫，整得好淋好入味；自家製雲吞係鮮蝦雲吞，整到大大粒好足料；自家秘製豬手，呢個超好食，味道我覺得有少少似南乳豬手，好夠味，而且又充滿骨膠原！可樂：天氣咁熱，解暑一流…查看更多

依家好多車仔麵越嚟越公式化，食完會冇乜感覺。但我最近食咗一間真係有心機、有誠意嘅車仔麵店，啲餸唔止係手工製，仲係你喺一般車仔麵檔搵唔到嘅款式，食完真係會記得‼️每日一早用雞骨慢慢熬湯，清甜得嚟唔寡，飲落去有層次感最正係佢再加滷水汁落湯底，令成碗麵多咗一份濃香，但又唔會油膩，啱晒香港人口味🔥 70度慢煮火焰和風叉燒呢個真係必食！叉燒經過慢煮再火炙，油脂香味爆棚，入口即化，唔係嗰啲死實實嘅叉燒。你會覺得自己唔係食緊車仔麵，而係日式拉麵店嘅叉燒。🌶️ 芥末貢丸第一次見芥末貢丸，心諗會唔會好奇怪？點知一咬落去，芥末味唔會太搶，反而同貢丸嘅肉香好夾🦐 自家製雲吞雲吞入面有成1隻半大蝦，唔係碎蝦膠，係真材實料嘅蝦肉，啖啖鮮甜，店主真係唔手軟，誠意爆棚車仔麵三寶之一嘅豬紅，佢做到極致*豬紅好入味，質感滑溜，一啖落去就知係滷得好…查看更多

呢度既中式主廚入廚已經30年牛雜由廚師一早響鋪頭度自己炆既湯底用上豬骨、雞殼、雞爪熬製比較鮮味連辣汁都係自家制，我地叫左一碗火焰和風叉燒呢塊食落好似日式叉燒拉麵既叉燒甘，半肥瘦再用火焰燒香外層，芥末貢丸呢個係台灣丸食落有少少辣既芥末口感又辣得過癮、牛腩大大塊又厚肉，配左腩汁更香濃湯底河粉，呢度既河粉用左低溫殺菌技術，保持彈牙滑身質地，口感無甘淋。另一碗叫左韭菜餃、沙嗲牛肉，豬頸肉米線加左辣菜脯，沙嗲牛肉同食茶餐廳既好似，估唔到車仔麵都可以有甘多變化。避風塘炸雞腿：滿滿既避風塘辣粉口感炸雞腿即炸，脆卜卜口感唔錯。咖哩三寶有豬皮，蘿蔔，魚蛋，個人鐘意佢既咖哩汁唔會好辣蘿蔔無渣軟綿綿口感。…查看更多

深水埗有好多特色小店，估唔到呢間唔起眼嘅餐廳，會有日式叉燒配港式車仔麵😍 車仔麵既餸花多眼亂，有幾款比較特別：70度慢煮火焰和風豚肉叉燒慢煮讓豚肉在低溫下充保留肉汁，上菜前更會用火槍燒一燒，叉燒外脆內嫩，同車仔麵都幾夾。咖哩玻璃魷魚咖哩味濃，醬汁的厚度適中，既不過於稠厚。魷魚新鮮，彈牙爽脆藤椒魚皮魚皮爽口彈牙，藤椒香氣撲鼻，微麻的醬汁同魚皮好match。星洲炒米車仔麵店既星米唔錯！咖喱香氣撲鼻，米粉炒得乾身，配料豐富又鮮美。…查看更多

小李車仔麵深水埗黃竹街3號地下2號舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐⭐食物推介：四送麵 $58，70度慢煮火焰和風豚肉叉燒 +$8，私房慢燉豬腩肉 +$5，牛雜 +$5，自家製雲吞 +$0，涼拌皮蛋 $24四送麵：麵底選了米線，搭配新鮮的蔥花和香氣四溢的芫茜，還加入了辣菜脯，湯底選了川風麻辣汁的調味，有濃厚的麻辣口感！😄😄😄70度慢煮火焰和風豚肉叉燒：這道叉燒肉經過70度慢煮，肉質鮮嫩多汁，入口即化。獨特的和風調味使得叉燒散發著淡淡的甜味，搭配微微的燒烤香氣，每一片叉燒都切得恰到好處，既保留了肉的原汁原味，又不失其油脂的香濃，令人回味無窮！👍👍👍私房慢燉豬腩肉：豬腩肉在低溫慢燉下，肉質變得極為軟嫩，醬汁滲入每一絲肉中，風味更加濃郁！😍😍😍牛雜：牛腩、牛肚和牛筋的口感各異，卻又和諧共融，加上湯底濃郁，香料的運用恰到好處，讓人每一口都能品味到牛雜的獨特風味！😋😋😋自家製雲吞：雲吞皮薄餡多，內餡鮮美，令人驚喜。每顆雲吞都包裹著豐富的蝦仁和肉餡，而且新鮮得很！❤️❤️❤️涼拌皮蛋：皮蛋的滑嫩與醬汁的酸辣完美結合，搭配新鮮的蔥花和香菜，讓這道小食的口感更加豐富！👏🏻👏🏻👏🏻麵店有中式主廚入廚30年，牛雜由廚師晨早到店自家炆，湯底用上豬骨、雞殼、雞爪熬製，還有自家炒辣汁，值得一試再試！…查看更多

我又捐窿捐罅搵好嘢食啦😁今次嚟到深水埗，當然搵啲小店試吓啦，我就呢間嘅火焰和風叉燒吸引咗，車仔麵喎，竟然有啲咁正嘅餸?!四餸麵都只係$58，我就貪心啲咩都想試吓所以就叫多幾個餸，咖哩玻璃魷魚好好食，爽口得嚟又有香濃咖喱味，感覺有啲似街邊車仔檔食到嘅味，豬紅 真係食車仔麵必點，滷得好入味 而且唔會一夾就散，重點推介 70度慢煮火焰和風叉燒，肥瘦分明，食落唔會好有罪惡感，仲有陣陣嘅焦香味仲有啲即炸小食，$26 六粒炸雲吞，每粒都大大粒又足料，呢個價錢真係好抵食…查看更多

呢間車仔麵由一位擁有30年深厚經驗的中式主廚掌舵，堅持傳統工藝與現代口味相結合。主廚每日清晨親赴店內，精心炆製牛雜，選用優質原料，以慢火細燉，使牛雜軟糯入味、香濃不膩，每一口都充滿匠心和時間的沉淀。湯底是美食的靈魂，採用豬骨🐷、雞殼🐔及雞爪真材實料，當日新鮮熬制，湯色醇白、滋味鮮美，層次豐富而不油膩，充分展現傳統老火湯底的精髓。此外，招牌自家炒製🌶辣汁，由主廚親自主理，選用多種香料與辣椒精心調配，香辣過癮卻不掩食材原味，為菜餚增添風味與驚喜。整體呈現出地道中式風味，誠意十足，值得細味品嘗。多款自家制特色車仔餸，小食令人目不暇給，樣樣都想試，最後決定來個淨餸🤭，招牌火焰和風豚肉义燒，慢燉豬腩肉，快樂芥末貢丸，想再食🐂牛腩，雲吞餡足足有1隻半蝦🦐，牛筋淋滑，🈵️🈵️骨膠原😍，酸齋咖哩齋，入口就知係自家制，糖心蛋🥚必定要試，實在太太太正❤️你地鍾意邊款餸？瘋狂留言話我知啦🫰…查看更多

今日隨意遊走深水埗期間，意外發現一間幾光猛嘅車仔麵店「小李車仔麵」，就入去試吓，同店員傾開先知原來新開張冇幾耐，裝修都比較簡潔，座位寬敞舒適，我地叫咗一碗麵，一碗淨餸，再加小食，好經濟實惠。四餸麵（再加餸）開心芥末貢丸，芥末味重又彈牙，牛腩同私房慢燉豬腩肉夠入味，腩汁令粗麵味道提升，加埋荷包蛋同春卷好滿足。 淨五餸 香脆炸魚皮，又脆份量幾多，70度慢煮火焰和風豚肉叉燒，肥瘦適中，肉質軟嫩，仲有深海巨型蟹柳，大大條好有份量口感，仲有豬大腸及牛筋，好豐富。炸雞翼5隻配奇異果醬果醬味幾清新特別，化解咗少少燥熱感，雞翼香脆嫩滑。…查看更多

店名：小李車仔麵地點：堔水埗黃竹街3號地下2號舖1.四餸面 $58叫了自家製雲吞，韭菜餃，芝士腸同紫菜，配上秘製鹵水汁及幼麵，雲吞同韭菜餃皮薄多餡，大大隻，入口滿足，紫菜好味量多2.四餸面$58叫了想再食牛腩（+$3），嫩滑牛筋（+$3），自家製酸齋（$2）及紫菜，配上金牌腩汁及粗麵，牛腩半肥瘦帶油脂香，還有少少爽口；牛筋煮制時間好足，q彈滑嫩，還好黏口，⻣膠原好重；酸齋好正，酸味夠又大隻，酸味夠唔夠真係好影響酸齋感口感3.涼拌皮蛋$24皮蛋味出，配料足，有大量芫茜蒜蓉，配上辣油，正4.咖哩三寶$26咖哩味重，有魚蛋，豬皮同蘿蔔，魚蛋彈牙爽口；豬皮乾淨，無毛，但會索晒咖哩汁嘅辣味，唔係咁食得辣要小心啦；蘿蔔好驚喜，無渣清甜，真心推薦好食👍👍👍5.熱菜蜜 $106.熱檸水 $10總價$194…查看更多

食店地點優越，位處九龍地帶，又鄰近地鐵站，食品種類多元化，座位寬敞，光線充足，性價比高，經過小李車仔麵便入內淺嘗前菜有辣菜脯供食客隨意任取，十分滋味，酸、辣味能帶動胃口，令人食量倍增。四餸麵 $58雞翼尖入味，豬腸爽口，自家秘製豬手骨膠原十足，咖喱玻璃魷魚爽口彈牙，滑溜溜的河粉配上腩汁，使車仔麵提升一個層次70度慢煮火焰和風團圓叉燒叉燒遞上枱時，淡淡香味已散發整張食桌，另人食指大動，當咬下叉燒一刻，齒甲流香，又不黏牙，一試難忘特別一提，食完美味的車仔麵，一問之下，食店中式主廚入廚30年，牛雜由廚師晨早到店自家炆，食店湯底用上豬骨、雞殼、雞爪熬製，更有自家炒辣汁，惹味非常小李車仔麵黃竹街3號地下2號舖…查看更多

平時返工冇乜機會食車仔麵，趁住星期六去咗深水埗度食好嘢四餸麵$58今時今日食車仔麵都可以好貴㗎，$58食到四餸麵真係佛心價朋友揀咗豬大腸、豬頸肉、慢煮叉燒同牛腩慢煮叉燒同日式叉燒有得fight，只係加$8就可以食到豬大腸乾淨無味炆的又腍又好食，豬頸肉有層層脂肪喺中間，好爽脆大食妹叫咗糖心蛋同豬腩肉，糖心蛋甜甜地生熟啱啱好魚手指$32另外叫咗一份魚手指，即炸熱辣辣好好味食落有鱈魚嘅味道，唔會好似平時冰鮮嘅有雪味…查看更多

今日就同朋友去左小李車仔麵小店環境好有港式情懷，車仔麵有多款配料選擇，湯底有7款選擇，包括自家炒既辣汁我就嗌左2碗4餸麵河粉配金牌腩汁，索滿湯汁, 保持彈牙滑身質地想再食牛腩 ，份量超多，牛腩牛雜由廚師晨早到店自家炆, 燜得軟腍入味;開心芥未貢丸, 咬開d芥末味就出唒嚟, 口感彈牙70度慢煮火焰和風豚肉叉燒，肥瘦適中，經微微炙燒，肉質軟嫩米線配秘傳清湯配秘製鹵水汁，湯底用上豬骨、雞殼、雞爪熬製, 仲有d藥材香，加埋金菇，通菜，味道獨特自家製雲吞，入面有成1隻半蝦，餡料飽滿自家製必食溏心蛋，切開見到唔會過熟涼拌皮蛋皮蛋Q彈爽滑，醃到好入味咖喱三寶有齊白魚蛋+豬皮＋蘿蔔，咖喱鹹鮮微辣，超級入味椒鹽燒賣外皮炸到金黃酥脆，咬落煙韌，加上椒鹽調味更香口…查看更多

小李車仔麵今次要介紹喺深水埗黃竹街有一間車仔麵店叫「小李車仔麵」，呢間車仔麵店兩餸都只係$40起，下午茶（1430-1730）仲有優惠，跟餐免費贈送熱飲或汽水，凍飲加$3，特飲加$6，輪椅人士如果要入去食嘅話，記得要自備斜板，餐廳門口有好薄嘅一級！1.三餸麵$49（鮮製油麵，金牌腩汁，彈牙白魚蛋，嫩滑牛筋+$3，70度慢煮火焰和風團圓叉燒+$8，凍菜蜜+$3）（9/10）麵揀咗鮮製油麵，油麵質感幾彈牙，湯底揀咗金牌腩汁，三餸就揀咗彈牙白魚蛋、嫩滑牛筋就加$3同70度慢煮火焰和風團圓叉燒就加$8，牛筋勁多骨膠原，有少少黐立立嘅感覺，最好食就係慢煮火焰和風團圓叉燒，係兩塊薄切嘅叉燒，搽咗少少蜜糖，食落去好想再叫多一轉，飲品就揀咗凍菜蜜要加$3，甜度啱啱好！2.三餸麵$49（幼麵，古法辣汁，牛丸，濃香沙嗲牛肉，香脆炸魚皮，凍好立克+$3）（9.5/10）麵就揀咗幼麵，湯底就揀咗古法辣汁，三餸就揀咗牛丸、濃香沙嗲牛肉同香脆炸魚皮，三粒牛丸牛味幾濃幾彈牙，沙爹牛肉唔韌，香脆炸魚皮份量都幾多，味道唔咸好脆身，飲品就揀咗凍好立克要加$3，甜度啱啱好！2人總共價錢$115個人口味總評分：9.25/10@littleleenoodle  地址：深水埗黃竹街3號地下2號舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#hkig #hkboy #hkkol #小李車仔麵 #深水埗 #深水埗好去處 #深水埗美食 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong…查看更多