小曼谷海鮮燒烤屋

营业中

休息中

今日請朋友生日去食晚飯，我同朋友都好喜歡食泰國菜，就請佢去九龍城太子道西嘅小曼谷海鮮燒烤屋泰國餐廳食晚飯，這間泰國餐廳係我嘅同事介紹我哋嚟食，佢話食物質素好，食物款式又多，店員服務態度又好，價錢又唔貴，佢仲推介優惠套餐叫我哋來食，仲有優惠免加一，咁我哋當然來食美味泰國優惠套餐。我哋入到餐廳都見到有好多優惠嘅餐牌，尤其是星期一至星期四先有優惠套餐，我哋今日來食都係想叫二人A優惠套餐，食物款式有泰式煲仔翅、香熱辣椒豬肉碎燴飯（配荷包蛋）、豬肉串燒、牛肉串燒、雞肉串燒、泰式馬拉盞炒通菜、是日甜品，價錢又唔貴，所以我哋仲叫多一款粟米沙嗲串燒及飲品嘅芒果沙冰同椰汁冰，真係款款菜式都好吸引，來這裏食真係不錯。泰式煲仔翅份量不少，材料十足，有魚翅、冬菇、雞絲、小鮑魚，鮮味爽滑，材料彈牙爽口，令口感豐富，加入醋更有香惹味，感受到泰國地道風味，足料又好味，簡直色香味俱全。沙爹牛肉串、豬肉串、雞肉串嘅肉粒都大粒，亦燒到岩岩好，外面香脆，肉質嫰滑多汁，加上香濃嘅沙爹醬，食落十分惹味。粟米沙嗲串燒味道鮮甜，粟米唔乾唔柴，識落好爽口香甜。飲品嘅芒果沙冰香氣濃郁，沙冰打得細滑，令口感綿密，好味香甜。椰汁冰嘅椰子味

今晚夜晚要加班到已經好晏，所以去到九龍城食飯，已經好晏呢邊食店又會開晏d ,去左呢間好出名嘅小曼谷海鮮燒烤屋。入到去，地方大，坐位又舒適，仲有個台比人表演，氣氛好，店員都是泰國人，我地嗌了個$398二人餐，超抵食，因為全部都大大碟，好正啊，應該可以三人食都得。先來咖哩雞，大大碟，吾太辣，好送飯，雞香滑又入味，仲有豬牛雞同泰式臘腸串，香口惹味，泰北木瓜椿鳳爪，超大碟，鳳爪爽口冇骨，辣辣地很開胃。除咗白飯，其實仲可以揀蒜蓉包同泰式烤酥餅，最後仲揀咗個泰式鹹魚炒椰菜苗，我都係第一次食椰菜苗，佢嘅醬汁好嘢味，椰菜苗好爽口新鮮，又係大大碟啊，正，食到好飽。最後原來仲送埋芒果糯米飯，賣相好靚，有個心嘅，芒果份量又多又香又甜，滿足的一餐，抵食又好味。

小曼谷海鮮燒烤屋，這個充滿異國情調的餐廳。海鮮孖寶A+B首先，我點了海鮮孖寶A和B，這道套餐的價格為$258.00，以牛油蒜蓉燒蟶子皇和燒脆皮白鱔為主角。當我將蟶子皇端上桌時，陣陣香味撲鼻而來。它們的外表金黃誘人，表面均勻塗抹著濃郁的牛油和蒜蓉，讓人垂涎欲滴。一口咬下，蟶子的鮮甜與蒜香交融，口感滑嫩，讓人印象深刻。接下來是燒脆皮白鱔，這道菜的外皮烤得酥脆，內裡卻保持著魚肉的鮮嫩。搭配特製的醬汁，味道更是升華，讓人一口接著一口，停不下來。這兩道菜的搭配無疑是海鮮的完美組合，讓我感受到小曼谷的用心和創意。接著，我點了明爐香檸汁蒸桂花魚，價格為$268.00。這道菜以其清新的香檸汁為特色，桂花魚本身肉質鮮嫩，加上蒸煮的方式，保留了魚的原汁原味。香檸汁的酸甜滋味讓整道菜更加提味，清新的口感讓人感到無比舒爽。每一口都像是在享受大海的鮮美，讓人忍不住想再來一碗白飯來搭配。此外，我還嘗試了火山排骨，優惠價格為$38。幾抵食，分量又多，酸酸辣辣的，幾開胃。

黎親九龍城就自然會想食泰國菜依間小曼谷啲泰菜以前食過都幾正，今日黎九龍城附近做野，即刻去encore下先見到餐廳推出左泰北小火鍋二人餐，好似幾抵食就同朋友叫黎試下一上菜都真係嚇親！因為佢個份量都幾多，有齊牛、豬、魷魚、蝦同雜菜，啲蝦仲要係剝好殼既，正😆牛肉食落都幾軟嫩同幾有牛味，質素都幾好！湯底方面有三款選擇，我地揀左冬蔭功湯底，只能說果然係做泰菜既餐廳！個冬蔭功湯底調味岩岩好，唔會過酸又唔會太淡，同海鮮超級夾！！除左二人餐，我地仲叫左優惠串燒，有一串豬肉一串雞肉$29兩串真心抵！個沙嗲醬甜甜地又好香花生味～另外仲叫左半隻海南雞，個雞都幾滑，而且份量十足，另外佢跟既海南雞醬仲有蒜蓉，配雞食好惹味！最尾一定要飲埋杯泰奶，成餐泰國菜就perfect！

食泰國嘢嘅天堂，真係講都講到口水流。細細個就跟阿媽嚟呢度捐窿捐罅，搵好嘢食。嗰陣時啲舖頭仔仲係好隱蔽，唔似而家咁，間間都裝修到金碧輝煌。泰國菜即刻諗起冬蔭功、青木瓜沙律、芒果糯米飯？呢啲嘢係基本啦！但係，九龍城嘅泰國菜，好食嘅地方在於佢哋夠地道，夠鑊氣，夠人情味。小曼谷九龍城抵食泰國菜 日日有荀野冬陰功/火山骨/木瓜捧鳳爪 樣樣$38蚊九龍城泰菜自然唔伏菜品樣樣大兜價錢公道！黃咖喱雞肉 $108你哋有冇試過啲黃咖喱，啲雞肉柴到好似咬緊樹皮咁？嗰下真係，人生嘅意義都冇埋！Menu寫到天花龍鳳，乜嘢「秘製醬汁」、「祖傳配方」，點知食落咪又係味精溝水？嗰下真係覺得自己好似俾人擺上枱咁，慘過食檸檬但呢度就唔會，你睇到相同片，真係大大兜一啲都唔稀！咖喱濃又唔好味精泰式飛天炒通菜 $108其實呢個名嘅由來，係因為啲廚師炒嘅時候，會將啲通菜拋鑊拋到好高，好似識飛咁，所以就叫做「飛天通菜」囉。咁點解要拋到咁高呢？唔係為咗表演㗎！而係為咗等啲通菜可以均勻咁沾到啲醬汁，等佢哋可以喺最短嘅時間之內熟透，保持爽脆嘅口感。呢個就係「鑊氣」嘅精髓喇！如果啲通菜炒到軟趴趴，濕濕碎碎咁，仲有乜嘢好食？正宗嘅泰式飛天通

本土化的泰國菜，木瓜沙律好味道，木瓜夠清爽，咖喱蟹，蟹肉新鮮，加個蒜蓉包，可以領略最佳的咖喱汁味道，燒烤，中規中矩不太難吃，唯獨是燒雞，為真店滋補，但係肉質偏硬，而且比較乾身，亦都係沒有什麼雞肉味，比較失色，要留意飲品，一般價錢較貴又30多元至40多元，可樂最抵飲$19.1罐，買市揀餐可以考慮一下

呢間小曼谷海鮮燒烤店門面好大，裝潢亦好有特色。首先，我地叫咗個「泰皇咖哩法包軟殼蟹」，原隻軟殼蟹炸到卜卜脆，浸喺金黃咖哩汁度，個汁椰香勁濃，最正係用脆卜卜嘅法包點汁食，索晒啲咖哩真係邪惡到爆！跟住個「香葉肉碎炸蝦膠皮蛋」玩層次玩到盡，外層蝦膠炸得香口，中間流心皮蛋鹹香爆漿，仲有肉碎同金不換提味，一啖有四重口感，如果送啤酒就一流！杯「菠蘿沙冰」更加係賞心悅目，冰沙打得綿密，菠蘿甜味天然，解辣一流。至於「冬蔭公湯」就真係落足料，大頭蝦好大隻又鮮味，酸辣度啱啱好唔嗆喉，飲完成身暖粒粒。最後個「串燒拼盤B」有齊豬牛雞，炭火味香，點埋個沙嗲醬，啖啖肉超滿足！而且道道菜份量都好大，兩個人食到個肚都圓晒！環境有泰式大排檔風味，總括嚟講，呢度嘅菜式夠晒「玩味」，將傳統泰菜加咗新搞作，啱晒一班後生仔女嚟chill住食，下次一定要再嚟試埋佢地嘅泰式火鍋先得！

今日中午去咗食泰國嘢，真係好抵食！叫咗兩個lunch set，飽到捧住個肚走🤭首先要推介嘅係泰皇咖哩軟殼蟹🍛🦀配蒜蓉包，個咖哩真係好香。濃郁嘅咖哩汁，配埋炸到金黃色嘅軟殼蟹！軟殼蟹外脆內軟，蒜蓉包索晒啲咖哩汁，真係食到停唔到口！另一個set係魚翅撈飯套餐：泰式煲仔翅配白飯，配豬+雞串燒各1串🍢。雖然係lunch set，但個煲仔翅都幾足料，湯底濃郁，撈飯一流！豬肉串同雞肉串都燒得唔錯，夠晒惹味。飲品方面，叫咗個椰青同咸檸七。

九龍城一直係食泰國菜的最佳選擇地，所以我地經常都會聚埋一齊去九龍城食泰菜。呢間鋪頭係時間比較長，味道都算正宗的了。然後我地到左先發現泰國菜竟然都有打邊爐，原係冬季限定2人198算係好抵了，睇距又有蝦又有牛甘，我地就點左。一上來覺得OK喔，牛肉睇落新鮮，其他肉都一樣新鮮，好驚喜！唯一五好的係，我地本身想要辣湯底，結果上了九層塔湯底，但係其實呢個湯底五差，都好好味的。要推薦一下呢個生菜肉包，係我摯愛，距滴肉碎整得好好味，生菜又清甜。無骨鳳爪應該係我食過甘多間，最多鳳爪的一間，都好好味，停五到口。飛天通菜，比較辣，味道都足夠泰式燒烤係經典泰菜搭配，不過不失。距地個啤酒我第一次試，其實打邊爐飲呢個啤酒，真係覺得好配。好好味。

今日老友又帶我入九龍城搵食，嚟得一定係食泰菜。今次我哋就揀最多人入席嘅餐廳，試吓係咪真係咁好食！！室內位置已經坐滿，要坐室外😖睇睇餐牌先，餐廳串燒種類比較多，咁啱有個優惠菜式 可以試吓😛-泰式冬陰公魚片湯$38（優惠菜式）冬陰公湯味道酸辣，令我食慾大增。鮮魚片數量幾多，肉質滑又無骨😛 呢個價錢估唔到幾足料，好抵食。-串燒拼盤B$188心念念乜都想食，就嗌咗個拼盤唔洗諗🤭入面有雞全翼、豬肉串、牛肉串、雞肉串、雞腎、地道燒臘腸… 串燒燒得好香，燒到啱啱好，肉質嫩滑🤭配埋沙嗲醬食一流，香濃花生味又甜甜哋！最特別係臘腸，比平時港版個隻再甜啲多汁啲，不錯嘅體驗。-香葉辣椒海鮮炒米粉$108海鮮鮮有蝦仁、魷魚🦑香葉的清香同辣椒的辛辣結合，令整體香氣濃郁。炒米粉火侯掌握得啱啱好，保持米粉的彈性，而且很夠鑊氣。 一定要叫！！-鐵板豬頸肉炒通菜（馬拉盞）$118雖則價錢唔吸引，但勝在份量夠多。通菜好幼嫩，口感好爽。豬頸肉份量都多，煎得香脆，連埋馬拉盞醬一齊食，好開胃🤤-泰式青檸梳打$42-珍多冰$42飲品正正常常，珍多冰好多粉條，口感豐富

九龍城正宗泰國菜，老字號首選，提供多款招牌菜，包括串燒、冬陰功、咖哩蟹及泰式生蝦刺身，滿滿泰國地道風味。串燒即叫即燒，勁惹味，超香燒烤風味，搭配自家制泰式沙嗲汁，焦香牛肉豬肉串燒肉質細滑，雞肉串燒充滿肉汁。燒羊架表皮金黄酥脆，肉味濃而不太羶，內層肉質粉嫩，鮮美多汁。炒米粉口感絲絲彈牙，加入大蝦、叉燒、蟹柳等配料夠鑊氣，色香味俱全。咖喱大蝦是去泰國菜必點菜式之一，咖喱汁相當惹味，送飯一流。大蝦肉質非常新鮮彈牙有蝦味，蝦頭則有蝦膏香味。煮得十分出色。

九龍城的小曼谷海鮮燒烤屋絕對是讓人彷彿置身於泰國街頭的老字號餐廳。這間餐廳屹立多年，以其濃厚的泰國風情和熱鬧的氣氛吸引了眾多顧客。尤其是週末晚上，還有現場音樂表演，讓整個用餐體驗更添一層趣味，非常適合與好友一起聚會。這次我們選擇了兩款升級午餐，泰王咖喱軟殼蟹和泰王咖喱炒蝦配上蒜蓉包。每一道菜都充滿驚喜，絕對值得一試！冬瓜湯作為開胃湯品，冬瓜湯清新天然，消暑清熱。湯底味道清甜，沒有過多的調味，凸顯了食材的原味，為這頓泰式盛宴打開了完美序幕。泰王咖喱軟殼蟹和泰王咖喱炒蝦作為主菜，這兩道咖喱菜式絕對是亮點！咖喱汁香而不膩，帶有濃郁的蛋香和香料風味，讓人一試難忘。配菜如洋蔥、青椒等為咖喱增添了層次感。軟殼蟹炸得外脆內嫩，與咖喱汁的結合堪稱絕配，每一口都讓人回味無窮。虎蝦肉質爽口彈牙，蝦頭更是濃縮了滿滿的蝦膏精華，愛海鮮的朋友絕對不能錯過。搭配的蒜蓉包更是別具一格！與一般餐廳不同，這裡的蒜蓉包使用了大量蒜蓉，香氣十足，每一口都脆口濃香，與咖喱汁一起品嚐更是絕妙的搭配！我們另點了鐵板豬頸肉芥蘭，這道菜也是焦點所在！豬頸肉煎得焦香，與芥蘭搭配得宜，還加入蝦米提味，讓整道菜充滿鑊氣。豬頸肉的油香與芥蘭

喺九龍城嘅小曼谷海鮮燒烤屋，好正宗泰國料理，呢間店已經喺九龍城屹立多年，係當地人氣超高的泰菜餐廳，每次搭巴士經過九龍城都會留意到依間餐廳，今日終於一試，環境簡潔乾淨，裝修充滿泰國風情今次試咗幾樣招牌菜泰式冬陰魚片湯（2-3人份）$168湯底酸辣鮮美，魚片新鮮嫩滑，配料豐富，有菇菌、芽菜等，與香茅、檸檬葉嘅搭配相得益彰，湯中還加入了新鮮嘅香菜和紅辣椒，增添了層次感，讓人一口接一口，唔止非常開胃，仲好飽肚添呀蝦膏豬肉碎炒飯 $98蝦膏嘅獨特風味使這道炒飯更加鮮美，豬肉碎嘅加入增添了口感嘅層次小曼谷原隻芒果糯米飯 $88原個芒果好厚肉好甜，糯米嘅Q彈口感搭配上新鮮嘅芒果，甜而不膩。淋上香濃椰漿，令整體風味更加豐富香甜可口，係完美嘅飯後甜品椰青 $49椰汁清甜，椰肉爽口，解渴又解膩，仲可以為依餐增添一絲清新嘅感覺總括嚟講，小曼谷嘅食物新鮮美味，價錢實惠，服務又好，係九龍城食泰菜嘅不二之選，值得大家去試吓！📍小曼谷海鮮燒烤屋 (九龍城)🔎九龍城太子道西398號御太子地下1-3號舖

今日去咗喺九龍城嘅小曼谷海鮮燒烤屋兩個人食 嗌咗個泰北火鍋，揀咗金不換湯底個火鍋勁足料海鮮份量好多，蝦同魷魚都好新鮮同彈牙仲有肥牛同埋豬肉片，值得一讚嘅係豬肉片真係好嫩滑其實食完個火鍋已經都幾飽 佢除咗有好多海鮮同肉之外仲有大量菜同埋有個粉絲 以呢個價錢嚟講真係好抵同埋個金不換湯底清得嚟又有啲香茅味，好特別，啱晒想試泰式風味火鍋又怕辣嘅朋友食完火鍋之後我哋嗌咗啲串燒帶子沙嗲串燒好香同埋juicy, 蕃茄仔配埋帶子食估唔到會咁夾最驚喜係佢個珍寶腸沙嗲串燒，完全係外脆內軟，跑落去又係有啲肉汁流出嚟雞腎沙嗲串燒好爽口，牛肉同雞肉串燒就好嫩滑，總括嚟講所有串燒都好高質九龍城咁多間泰國嘢，呢間真係會想keep住不停去！

前幾日同老婆去咗九龍城嘅小曼谷海鮮燒烤屋食飯，真係一個字：正！🍤✨我哋叫咗咖喱炒大蝦加薄餅同埋肉片炒河，味道真係令人驚艷到飛起！咖喱炒大蝦嗰份，蝦肉彈牙得嚟汁多味濃，咖喱香辣中帶點椰奶嘅溫柔，薄餅脆卜卜，咬落去係滿口滿足感！🦐🔥🍕肉片炒河就更加係經典嘅泰式風味，河粉炒得乾身又夠鑊氣，肉片嫩滑，配上嗰啲醬汁，真係食到停唔下來！🍜😋 佢最新推出咗泰式火鍋🍲不過今次就冇試到，期待下次再去試吓🥰環境方面，餐廳氣氛夠chill，夜晚有live music加持🎶，同老婆一邊食一邊聽歌，感覺好relax又浪漫💑。服務員態度都幾好，唔會hea住招呼，點餐同上菜都快手🌟。價錢唔算平，但份量同質素絕對對得住，性價比高到AI都分析得出係「值得一試」嘅結論！💸👍整體黎講，小曼谷海鮮燒烤屋俾咗我哋一次好正嘅泰國菜體驗，食物味道同氣氛都係A級享受！下次會唔會再去？AI預測：99.9%會！😂如果有朋友問我推介泰菜，我會話：「去小曼谷啦，唔會失望㗎！」同老婆都話食得好開心，下次要試吓佢哋嘅燒烤同生蝦刺身🐟🍢，期待值爆棚啦！💖