小明珠 (已搬遷) 新店位置

今朝返完早12點到返到觀塘 好想食小小辣野其實呢間前身我都食過不過普通，依家應該轉左手所以試一試本身想食擔擔面，但老闆話炸醬面係乾撈所以揀左後者 第一眼感覺唔錯但條形青瓜唔係配合撈面，如果可以短身少少更好味道夠香辣，面條都彈牙，肉碎唔夠香，不過唔會太油係幾好整體味道都唔錯算係合格作品42蚊黎講我自己覺得有少貴 下次都會再食既

同事推介的小明珠，忘了他推介的菜式但又不便打擾，便舜自己吧。店內古裝的裝潢配置平面電視，同朕check吓。餐牌上有辣椒仔的湯底款式繁多，計有酸辣，炸醬，香辣及擔擔，令有選擇迅雷症的我也一時腦塞。最後點了重慶香辣豬扒麵，麵是類似上海麵的那種，麵質爽滑掛湯，並沒有一般家中淥上海麵因過火而引致的糊，麵條很好，配以湯底那嗆嗆的辛辣味，好吃。但奈何容易得分的豬扒便完全失敗，豬扒沒有被醃過的痕跡，室溫奉上又炸得不脆，幸瀨有兩行錦鹵雲吞汁算有點味道吧。連餐飲冬瓜茶一共四十二元，如能避開豬扒，計及那未試的三個辣味湯底，還是可以有下次的。

今晚官塘朋友聚會，地點訂在這家餐廳。餐廳環境古樸, 模擬古代青青灰灰的磚頭呢!暗紅色的枱椅, 好有古董傢具FEEL.唔知那些叫酸枝定係花梨了!由於他們早到，已經點好菜了。當中有個特別的魚，令我印象深刻。柚子黃花魚做法有點似東北菜<火龍魚>。都是先將原條大魚2側魚肉界花後，沾粉油炸, 魚肉成松子狀，再配上酸酸甜甜的芡汁。東北菜火龍魚上桌時，魚身更會燃點火焰。這個則用上身形較細小的黃花魚，每邊起4刀，炸至金黃色。色水較淺色，看來炸得剛剛好。魚皮剛炸至起卜卜, 脆脆的表面, 很方便沾上柚子醬汁呢!但中間魚肉仍很滑, 亦較少魚骨.(東北火龍魚炸到魚肉硬掘掘, 又多骨) 以柚子肉調制的少少酸少少辣芡汁，口味清新得來亦醒胃，比較適合香港人的口味。就當做fusion菜吧！

第二次到。今次兩個人，叫了北京水餃、火腿津白、蠔仔煎蛋。水餃完全是意料之外的多汁鮮味！至於蠔仔煎蛋，唔駛多講，一個字，超Juicy!至於睇落去水汪汪的火腿津白，哇，啖湯陣陣火腿甘香，果然不惜工本，好多火腿片！我會再嚟，再再嚟😋😋

星期六晚去完Event後,朋友帶我到附近開餐,牛頭角下村都是粉粉麵麵店居多,因為人多所以選了一間中菜館落腳,其實都不知應該食什麼才好,所以就請店員提議後,再作選擇!三杯雞這個不是店員建議,是我們看到隔離桌點的煙霧迷漫感而決定來一客,等了大概十分鐘就上台,當然都是一貫的香味四濺~以食香味來說,的確先聲奪人!打開蓋再拌勻,香味就更加濃郁,令人食指大動!試了一件雞,雞件夠嫩滑,雪味不太明顯,不過味道過濃,而且台式三杯雞是以三種不同的醬油去調味,味道該是帶甜美,這兒不知就裡的加了九層塔,香是夠香,但把甜味都遮光光了,打著三杯雞的招牌,卻是其他味道,感覺就是有點落差~~柚子黃花魚賣相靚,魚身沾了薄身粉漿脆炸,魚肉早已起骨,黃花魚魚骨明顯,就算怕鯁骨的朋友都可以放心食用!柚子醬汁用上新鮮的柚子肉,多汁味道帶點微酸甜夠開胃,夏天享用也是非常適合,魚肉軟滑,外層夠脆身,整體來說清淡又有特式,正!家鄉炒飯加入了芥藍粒,蛋粒與飯粒一起炒,飯粒被炒至粒粒分明,屬於比較濕的炒飯~睇到上台的樣子,我覺得會好難食,因本人是不愛吃濕笠笠之物,吃了一口,竟然覺得不錯,並不如想像中難食,確實有點難以置信之感,炒飯的調味

今晚路經觀塘，發現有間新開餐廳。見到裡面都幾寬敞，燈光火猛。而且門口有餐牌，睇完就決定入去試吓自家三杯雞，一打開煲蓋超香，好想即刻食。一食落口，好正，雞肉嫩滑，唔鞋口。而且個汁好野味。有乾蔥，五層答，彊。芥末蝦球，芥末醬第一啖食落口有少少供鼻。但再食第二啖，你會愛上佢，因為脆皮薄，蝦肉有彈牙感覺，好足料。招牌柚子黃花魚，係我今晚最鐘意嘅一道餸。酸汁好開胃，加上用咗新鮮柚子，整條魚好有fresh感覺。魚骨炸到好脆，骨都可以食埋。今日因為只有2個人，所以叫唔到好多嘢食。因為有太多嘢想食了，下次要叫多d人一齊食先得。

o個日經過, 見到有間新餐廳開左, 本住入去一試既心態啦, 點知一試難忘!! 小明珠入面裝修古色古香, 好有傳統味道, 地方幾闊落, 坐得夠舒適, 一打開個餐牌, 原來好fusion架, 有台灣野食, 四川, 北京, 上海, 我地幾乎試晒咁多種不同的菜式, 一次過滿足晒幾個願望!!!至喜歡它的酸辣湯和三杯雞, 還有京蔥炒牛肉, 肉質非常嫩, 仲好有牛肉味!! 價錢方面, 還算合理吧!! I will be back!

價錢公道，最重要係Ｄ嘢好開胃，搞到我食到停唔到口，果日係我生日，仲送我甜品添！一定會再來食我最鐘意水煮魚同抄手，超級開胃，仲有珍珠奶茶，珍珠好Q,好彈牙，奶茶好香口，搞到我食完又再叫多杯外賣帶返屋企慢慢嘆