小方糖甜品

营业中

休息中

5-5-2025（Mon）佛誕假期晏晝，落荃灣會合老公去買嘢，之後佢又話想坐低食甜品，呢頭嘅食肆以主食居多，甜品就冇乜，佢諗起呢間，我哋於是行嚟，嚟到唔多人，可以任坐，睇完menu，老公要$25.00嘅凍海帶陳皮綠豆沙，我就要$28.00嘅椰汁豆腐花。落完單端上嚟，店員話豆腐花好滑㗎。我哋開動喇，我嗰碗兩樣嘢嘅味道都夠又唔太甜，豆腐花係滑，唔太凍但可以，唔錯。5分老公嗰碗綠豆沙係夠腍，但唔多夠味亦唔係起沙，遜色啲。2分上次食評係2024年11月18日刊登嘅呢篇:https://www.openrice.com/zh/hongkong/review/y-%E5%8A%AA%E5%8A%9B-e5780296

唔會寫評論嘅我 都忍唔住要寫我住附近 又好中意食糖水（中式）終於等到呢間開 。過多排就同屋企人去試果時仲好熱 叫左 一人一個（冇影相）我食仙草，屋企人食有個椰子嘅都好足料 又唔會太甜 比路德圍果啲甜品鋪仲好食結果我同屋企人 一個禮拜 去左3次次次都食唔同款🤣🤣有次響媽咪屋企 叫外賣佢都指定要叫綠楊呢間小方糖同路德圍相比 我中意綠楊呢間多好多薑汁蕃薯糖水夠辣 湯丸夠新鮮綠豆沙 紅豆沙 真係夠沙🤣 杏仁糊果啲又夠滑下次再試其他🤤不過佢係商場鋪 所以啲時間比一般糖水舖都唔同

前晚（16-11-2024 Sat）同老公喺紅磡食完飯返嚟想食吓甜品， 於是走嚟呢間新開嘅分店嚟到時冇位，等咗4分鐘就有喇。睇完menu 選擇困難症出現，最後我要咗$32.00嘅凍芝麻杏仁露，老公要$42.00嘅香芒丸子。好快兩碗嘢到嚟，睇見我嘅芝麻杏仁露係黑白陰陽，食落杏仁味夠，但芝麻味唔係好夠，撈埋嚟食就只有杏仁味，但甜度啱啱好，不過質感稀咗少少。而老公嘅芒果小丸子呢？當我食完我自己嗰碗至食佢嗰碗，自然會覺得有啲酸，佢有芒果雪糕，芒果肉同西米，份量多嘅丸子煙韌，我覺得成個OK，老公話同執晒嘅許留山有得flight。抵食係2.7分