影片
港铁香港站 A2 出口, 步行约10分钟
继续阅读
开饭介绍
小忌廉餐厅顾名思义是主卖一系列以小忌廉为主题的少女系甜食和饮品，包括小忌廉蘑菇肉粒饭和公主咖啡，购买套餐更有限量纪念杯送，粉丝们记得一定要到店前影相！
继续阅读
营业时间
星期一至日
11:00 - 23:00
以上资料只供参考，请与餐厅确认详情
相关文章
上星期六衬荔园开幕第二日即刻去买小忌廉杯。今日真系晒到溶左……😵😵晕陀陀问收银个女仔三个纪念杯餐边个最好食，佢话未食过，咁唯有叫左个最隐阵嘅姜汁牛肉饭餐$180 另+蓝莓smoothies 。唔知点解睇住个好似系话事人嘅女人鸡手鸭脚咁一边睇住客人买左食物嘅飞一边教旁边又系鸡手鸭脚嘅新人，佢地好似睇唔明张机单上面写咩，我忍无可忍开口讲我买左咩食……𠮶刻我已经feel到唔对路，应该好食有限……好在我有带风扇仔，企喺度望住佢地鸡手鸭脚足足十分钟。等到啦，揾个位映张映相先。哗！！！ 姜汁牛肉饭真系难食到无得顶 😨😨😨牛肉斋滚鞋到爆，个姜汁好杰一pat嘢，完全唔match。睇住个制作过程，一包包急冻切片「肥牛」放左喺洗手盆边，肥牛系平时超市买到打边炉用𠮶只，滚完就直接倒落个胶饭兜 + 一pat杰达达「姜汁」，最后放白饭喺旁边…………我当然明白快餐嘅意思就系-------快…………但谂都谂到𠮶d肥牛斋滚熟+汁，煮得咁求其，牛肉系又鞋又雪味 😩😩 好在个饭系新鲜先爬到几啖饭，其实我好肚饿😭😭个「蓝莓smoothies」仲离谱，睇住佢将一pat 蓝莓果酱+冰粒……就开搅拌机……因为天气太热，我一边食饭一边睇住杯「沙冰」个蓝色向下跌……不出5分钟上半杯全系冰……饮落只有冰冻糖水味，完全唔系smoothies应有嘅材料㖞老板😠😠！！！老板，不如你改返个名叫「蓝莓沙冰」算啦！唉，最后揽住个安慰奖杯离开餐厅😡…………好失望！呢间嘢真系唔应该叫小忌廉餐厅，咁马虎嘅煮食都收咁贵，一来影衰晒之前喺九龙湾嘅小忌廉主题餐厅，二来影响晒一心黎荔园集体回忆嘅心情！！！
继续阅读
在荔园游乐场中，除了小食滩档之外，见到一间以怀旧卡通的小忌廉作主题餐厅，入夜时份，小休期间点了杯饮品及甜食。主题餐厅的枱上都有小忌廉logo，虽然我不是她的fans，但吸引了我拍下不少照片留念。店中的食物都未见以小忌廉的卡通造型食物，店中的食物都是以小食、 甜品、套餐的饭面类为主，店中有三款套餐是$108，如客人俾多少少钱点个套餐$180，也会多了一只小忌廉限量纪念杯，歇脚中来一些甜品及一杯奶昔。 小忌廉蛋卷(三件)($20)-----好冰冻的蛋卷，蛋卷的蛋糕不算好软熟，也是刚从好冰冷的雪柜拿出来， 所以忌廉质感不够滑溜香软，甜度都适中。 小忌廉奶昔($40)-----其实是一杯vanilla 奶昔，又晤够碎冰，有少少vanilla 味，可是冇奶香，饮了两啖都放弃了。食物方面已经选择少，但质素真是较差。
继续阅读