影片
招牌菜
平时午餐都是去开山林道医肚，行到街尾见到间酒店落几级楼梯有间西餐厅，我同位同事都想去试下，餐厅里面装修得好华丽有好多挂画，而画风都是中国风加少少西洋味。中午午餐可以加$食埋自助沙律吧，但我哋得一个钟食饭都是下次放假嚟慢慢享受。餐汤 - “忌廉南瓜汤”餐汤跟“蒜蓉多士”我点了“纽西兰肉眼扒配烧汁” $118肉眼都大份可跟饭、意大利粉同薯蓉肉质唔嚡鲜嫰有牛味餐饮我点了热即磨咖啡，估唔到这里是比热奶，因为而家出面好小识得用热奶或怕麻烦要加热挂，所以觉得抵赞同坐得舒服下次都会再嚟。
继续阅读
想揾一间餐厅静静地，舒舒服服食饭，昨日就去左位于佐敦华丽酒店小巴黎法国餐厅食法国餐。小巴黎法国餐厅环境清静、优雅，最岩同三五知己一边倾计，一边品尝美食。餐厅经理Ricky 就推介左烧焗纽西兰羊架 及 德国咸猪手伴木瓜沙律。纽西兰羊架，肉质幼嫩多汁，肉味浓郁，有少少膻味，但不太膻。德国咸猪手，表皮炸到脆卜卜，肉质幼滑，虽然咸猪手比人有肥腻感觉，不过配上清新的木瓜沙律完全感觉唔到肥腻，系一流配搭。 其他推介:特色沙律吧,烟三文鱼,甜品
继续阅读
拍拖纪念日: 女朋友话想食法国菜, 咁咪问下朋友有乜好介绍又唔好过千蚊落楼. 朋友就一句"好难㖞Openrice la".仲话老友,唉, 自己揾.哈,又俾我系Openrice揾到一间,D comment 写Lunch又唔算贵,咁我估Dinner 都唔会好贵,咪订枱试下.间餐厅环境唔错, 灯光悠和,有Music,墙上仲挂左D艺术画, 都几靓.好喇,坐底睇下餐牌先. Salad Bar+餐汤+前菜+主菜 (4道菜法国晚餐) OK抵wor. 计一计两个人都唔使$600蚊, 咁咪豪D, 加埋甜品都系加$20, 见到枱上有写wine promotion $180 一枝, 女朋友钟意饮白酒,即刻点埋, 刑左(自己觉得,哈哈)我地就点左,Salad Bar烟三文OK,鸭胸好嫩.好好食,酸木瓜丝,酸酸地几醒胃,沙拉菜OK新鲜,仲有三种汁,千岛汁正常无特别,法式汁唔太浓几好,油醋汁唔太酸OK餐汤: 忌廉蘑菇汤忌廉蘑菇汤一D都唔稀, 唔错,如果蘑菇味浓D更好. 蒜蓉多士真系好脆好香,一定系即焗,仲热烘烘.仲可以加添前菜:香煎鹅鸭肝烩焦糖苹果,香煎北海道带子鸭肝无落粉去煎,好香,鸭味好浓,鸭肝又够厚, 超正.带子表面煎香,切开带子,中间仲嫩,9成熟.火侯控制唔错 Good主菜:烧焗纽西兰羊架配蒜子汁,红酒烩牛面配忌廉薯蓉烧焗纽西兰羊架: 焗嘅时间同火侯好好,入面仲有少少粉红色.肉质唔韧2赢火侯. 蒜子汁好正,仲令羊架更香虽然卖相一般, 但呢个红酒烩牛面就好有惊喜, 哗,红酒汁味道好正,略带少少果甜(应该用左有果味嘅红酒煮汁), 旧牛面肉汶得好林好入味. 至靓甜品:法式炖蛋, Tiramisu蕉糖炖蛋: 蕉糖几脆,面仲热,下面炖蛋系冻, 唔太甜,都唔错Tiramisu OK, 加$20好抵食饮品: 白酒一枝$180蚊超抵,仲要系酒店法国餐厅开.咁嘅环境,无得输.埋单:$780加一(信用卡有9折, 唔使过$1000, $800蚊仲有找)女朋友收埋我送俾佢份礼物,就笑到呢,仲话非常満意今晚安排.
继续阅读
午餐时间经过柯士甸路华丽酒店，见到个lunch Menu几吸引咁（黑松露带子天使面）又好似几抵咁，咪一个人上去试下。唔驶日日茶记＄５０，＄６０又要等位又要搭枱。一入门口，个ｗａｉｔｅｒ问＂先生请问几多位？一位，我答＂我自己都觉得有Ｄ奇怪，佢一Ｄ差异都无。即刻有位又唔驶等仲可以拣位，又随即送上餐牌同暖水。真系有ｓｅｒｖｉｃｅ。睇落个场都几大，分两边，Ｄ位好阔落，可以坐到４，５０人。点菜喇，我当然叫我想食𠮶个ｓｅｔ ｌｕｎｃｈ ｌａ黑松露带子天使面。Ｗａｉｔｅｒ就问我需唔需要加ｓａｌａｄ ｂａｒ食住先做头盘，只需要加＄４０，我话唔驶。５分钟左右，西汤同蒜容多士送到上枱。饮完汤后唔驶１０分钟，碟天使面都到埋，咁咪叫埋餐饮先。Ｗａｉｔｅｒ跟住问要唔要加法式焦糖炖蛋只加＄２０。好饱无要。前后都系４５分钟左右，ｆｉｔ唒ｌｕｎｃｈ时间。埋单连加一，＄８０妏有找，抵，值得推介。埋单时位经理仲同我吹水，其实系ｓｅｌｌ我母亲节Ｄｉｎｎｅｒ，仲俾埋个Ｍｅｎｕ我睇，话早一日订有９折。睇过，个Ｍｅｎｕ又唔错，价钱系法国餐厅来讲真系超值，仲要系酒店同母亲节正日，加上红白酒一枝都系＄１８０，平过好多西餐厅，搅到我谂紧带阿妈来庆祝。
继续阅读
近日经过见到E间餐厅新开,好奇的我决定晚上和同事庆祝 birthday, 晚餐3 course$280 唔算贵,重要系酒店餐厅, 首先前菜我地叫左带子同田螺,之后每个汤各一,一个系洋葱汤,一个系龙虾汤,主菜好似每个都唔错咁,之后whiter见到我谂得咁辛苦,就推荐我食法式脆鸭腿,同法式香草牛扒配自家制薯条等左一阵前菜就上啦!第一道菜是来自日本的带子,配什菜沙律,鲜甜美味之中带点清新，但带子就略为细左D,田螺虽然有d沙,但十分鲜味.之后到洋葱汤,洋葱汤好特别有一块芝士系上面,重要焗完之后好香,真系好香又够浓.龙虾汤很浓郁，味道恰到好处，龙虾壳的味道好出,原来龙虾汤系用龙虾肉同埋虾肉烹调,所以特别香浓.到主菜啦,法式脆鸭腿成只腿上,鸭味香浓, 虽然唔算好肥, 但配上橙肉和青菜, 吃起来更加不油不腻牛扒叫左8成熟,熟度啱啱好,薯条亦好大块.d份量都唔算好多,但都食到好饱,再加上环境淸静,十分舒适,下次一定再试过.
继续阅读