小川屋拉麵及日式料理

呢间系位于九龙湾工商大厦入面嘅拉面店，今日去开呢头试一试。见到有一个期间限定嘅菜式，就系呢款蟹黄拌面，忍唔住叫咗，嚟到卖相唔错，食落蟹味都浓郁。同埋呢间系自助自己整面豉汤，略嫌价钱偏贵。…查看更多

工厦拉面，本身都无期望，仲觉得会伏，不过原本想食个间无位就去左睇睇，食完觉得比想像中好但同热门拉面店都真系有距离既。不过，呢间都系要排既，但队就短啲，而且好似系唔知几点(1230? 1245? 1300)前离座有折，到咁上下时间就会大批人离座。叫左期间限定蟹皇拌面第一啖食有蟹皇味，但愈食愈无，少少鸡白汤味，面偏淋。不过不失无咩评语比到，真系好普通正常。不过呢个价钱呢个味道呢个环境同工厦黎讲仲要自己执餐盘，收紧同地舖连锁店差唔多价就觉得少贵。…查看更多

本身想食楼下另一间餐厅，但人太多就嚟左呢间食物正正常常啦，价钱贵左少少，同样价钱系同区有埋饮品最惊讶系埋单果时比店员叫返转头拎碟回收先好埋单依家餐厅系好多都会咁做嘅，但多数都系food court 同自行取餐嘅餐厅先系咁，建议舖头可以多啲提醒客人呢条规矩，比人叫返埋位都几面懵…查看更多

喺九龙湾返工嘅人，中午食饭嘅时候经常要排队等好耐，好多上班族都觉得好烦。不过，我最近发现咗间冇咁长队仲不过不失嘅拉面店？日式定食店？呢间拉面店位喺九龙湾区，系一间工厦入面唔起眼嘅小店。因为我地人数10多个人，为咗唔驶等，我地提早中午12点嚟到呢度。呢间小店嘅选择算几多，有各种唔同口味嘅沙律，拉面、饭同埋乌冬等等。满足哂唔同同事既要求(某同事要扮减肥唔食饭食拉律🥗)，而我决定试下佢哋嘅夏天期间限定柚子冷沾面🍋，好凉爽又解暑！面条有弹牙嘅口感同埋面汁嘅酸甜柠檬柚子味道好好咁融合埋一齐，真系会令人回味无穷。我下次都会再黎呢间拉面店，试下其他味嘅拉面。如果你都喺九龙湾做工，唔想浪费时间排队等食午饭，我好推荐你可以早少少黎呢间拉面店试下。一定唔会后悔！👍…查看更多

见到楼下派宣传单张，俾佢嘅好吸睛嘅宣传单张吸引住“午市1:30后入座买三送一个拉面”原来而家有拉面食？马上上去试下！好耐冇嚟食嘢，啲格局唔同哂～餐牌丰富咗好多 😳仲多咗好多猫猫画，好可爱！！ 😍 九龙湾嘅猫奴有福了！可惜净系影咗两幅画，因为有其他客人唔方便 🤣下次再去～～呢度附近都冇乜拉面选择，但呢度就有好多款拉面🍜鸡白、猪骨、盐味、麻辣、仲有黑蒜油～因为其他拉面店好似都比较少黑蒜油味，所以叫咗黑蒜油猪骨汤试吓🤤好香好浓黑蒜油味！而且只幼身拉面好挂汤 🥰💕 仲叫咗芝麻鸡翼，炸到脆卜卜好入味 🤤可惜今次一个人嚟，下次会储够四个人上嚟享用买三送一嘅优惠 🥹…查看更多