小小館私房菜 (已搬遷) 新店位置

之前經過每次都好想試，但沒有泊車位所以有試過。到最近終於有機會來，嚟完又嚟。小小館呢度地方似兩三間舖位大小，枱不多，很整潔，廁所也乾淨，上次我嚟只有兩枱食客，今晚人較多，都是知己聚會。一坐下來，侍應奉上萬同的茶，有人蔘烏龍、玫瑰普里、蕎麥茶，每人選自己喜歡的。我地看餐牌，點了幾款廚師推介菜式，反正每樣都想試，有咕嚕黑豚肉、竹笙卷、牛肋骨、水煮魚。樣樣菜式精緻好味，幾位朋友一致讚賞。大家都吃辣，特別喜歡水煮魚，魚肉很滑，味道濃，配飯一流。咕嚕黑豚肉來上來有拔絲，配火炙菠蘿，好夾。其他都好味，不過忘記拍照。開瓶費不貴，建議大家帶多兩支酒來伴美食。支持本地小店，日後也要多來。

朋友介紹呢間私房菜，話喺佐敦有間叫小小館，同事餞行飯就試吓預約佢啦，特別問吓有冇夏天必食的冬瓜盅。原來可以預訂的，我哋就話幫我預訂一個。餞行朋友想食鱔，打去訂枱只係講出想食，店員便幫我地諗左炮製方法，非常貼心，對於我哋呢啲唔想用腦諗嘅人士省卻好多麻煩😆嚟到原來每人揀一個茶包飲茶的，一人一壺好特別，蕎麥桂花幾好飲，沖極都唔淡左味道。見到個黑板有是日孖寶，仲叫咗個清蒸東星班併招牌拔𢇁黑豚肉。總括嚟講呢餐晚飯非常唔錯，值得推介。

係佐敦見到間私房菜食物既味道都可以但係有幾味刀工很厲害的菜色味道卻不是太合我口味.話梅涼瓜切得好似花型咁散開好靚食落爽口但酸酸苦苦的我可能不太習慣這個味道覺得一般.白玉葡萄又一款好靚既小食好似提子咁其實係冬瓜但係味道偏酸,個人不太喜歡乳鴿炸得比較燶鴿肉亦偏淡講真有少少失望.反而個椒盬豆腐好正外脆內軟外皮好香口豆腐好香滑大家食唔停口.日乾燒八頭南非鮑至於飽魚就正常水準不過不失但係照燒汁配落去又算創新既

復活節假期前，同同事一起去咗小小館食晚餐。起初見間餐廳平平無奇，以為水準一般。一坐落，有待應招呼你飲咩茶，一人一茶壺幾特別，唔洗就人飲茶。上菜時間一般。但菜色好吸睛菠蘿拉絲，炸子雞同炒飯底鮑魚，好好味，特別炒飯底鮑魚，另一番風味。整體呢一餐，除坐位有點細之外，菜色都好有水準。好滿足的假期前哨戰。嘻嘻

這一個位置無意中又發現轉了名，生意實在太難做，每一次經過都以為自己找錯地方，其實是改名轉老闆而已，反正未嚐過，所以安排了一餐認真地品嚐品嚐四小碟之中涼瓜比較有特色，但如果不吃涼瓜的朋友，就沒有必要特別試了，因為甘苦味保留得很完整以黑豚肉製作的咕嚕肉比較腍口，原來是這裡的招牌菜式花雕蛋白蒸蟹就吃得多，大蝦球就初次品嚐，比起吃蟹方便，以全蛋蒸只是看蛋面已經知道有多滑漏這個辣子雞比想像之中辣刺激的辣感是由雞肉內滲出，慢慢口舌呈現出火辣感覺，食後向師傅了解一下，原來雞肉是以幾款辣椒泡浸過才炸甜品有兩款，這個水中花非常精緻，味道也不會太甜，剛好調和之前菜式的味道

與其去茶記食個好難食既午餐飯都要50-60蚊，仲要好都豪無誠意，倒不如去返呢度食好d，今日星期五有我既至愛的食品，籠仔荷葉蒸班頭腩飯，系即叫即蒸熱送上熱辣辣 ，送上枱的時候香氣十足，賣相又十分靚仔，再加埋用雲耳一齊蒸，簡直系夾到不得了，後尾聽到店員講一小時前呢條魚仲游緊水，一食果然新鲜好味，加埋跟餐個冇味精例湯，小食，同凍檬茶都系收$57,有此水了準，在同區都冇邊間了。希望老闆能夠保持水準，我就有口福。

今晚搵左一間可以自帶紅酒的小店試下!日式乾燒八頭南非鮑 - 個燒汁好惹味、南非鮑好大隻, 夠厚肉, 彈牙, 好食。咸蛋黄拼卡邦尼白松露脆皮蝦球 - (前)咸蛋黃冇遮蓋咗啲蝦味，好香口，咸香味啱啱好!(後)卡邦尼白松露醬就有一種化學作用咁，好好味!冰糖鳯梨拔絲黑豚肉 - 個冰糖脆漿好脆口，黑豚肉軟腍有肉香，新鮮菠蘿燒過，食咗兩個鐘最後嗰粒都仲脆脆地。7小時低温慢煮燒汁牛肋條-大厨話呢個牛肋條係先用低温慢煮7小時，然後再炸脆外皮。個外皮真係好脆而肉夠腍，加上牛肋條本身嗰一層脂肪，餸紅酒一流!私房炸子雞半隻 - 皮脆、肉唔嚡口金磚脆豆腐 - 外皮炸到好酥脆，呢個要飲啤酒解熱氣。自帶紅酒(免開瓶費)Licenciado Reserva Rioja 2013Hillside Shiraz 2004 另外叫左支Erdinger Weiblier 人參烏龍茶 桂花喬麥茶

午餐性價比超高，仲可以彈性加餸。今日食台式肉燥雞翼飯，肉燥很惹味（份量較多女士可能吃不完😛），雞翼外趣內軟。上一次食的蛋白炒飯已經很有水準，不油膩，很好味。我另外也加了脆香單骨雞翼同樣外趣內軟。超愛喝奶茶的我本來對此類食店的奶茶沒有什麼期望，畢竟它不是茶記，但喝過也不錯，奶和茶比例恰當。很奇怪這地點很小客人，之前兩間食店都不錯但還是做不久，覺得很可惜，今次希望有多些人知道這地方，推一推吧！(也希望業主高抬貴手，令這地方可繼續營運🙏🏼，香港真的越來越小好吃的小店可以生存了😢）。

元前黎過幾次午餐，同一次晚餐後，post過上自己fb後，朋友見到又話要黎試下，今次原先一行十人，每並預先叫小小館寫定十人份量的菜單，但最後加下加下加到12人，再在原先菜單份量，只另加了一些小食，但份量足夠，味道水準保持，大部份菜式大家都满意，只是有部份朋友下太接受到豉蒸盤龍鱔的做法，但我個人接受到，另外只是因為梯底比較底，冷氣設計，一系好熱，一系好凍，值得一讚自带红酒，店家都免去開瓶費

八月生日飯局又到嘞！今次壽星女揀咗呢間位於佐敦吳松街嘅小小館私房菜。推門內進，咦有少少茶記格局，不過都叫企企理理，坐得舒服。見未齊人，侍應哥哥就熱心推介我哋叫两款小食吔住等。先嚟個話梅涼瓜($42)，酸酸甜甜中仍帶点点甘苦，無論賣相同味道，都係一道出色嘅小食。跟住上嘅係鍋貼小棠菜($58），鬆脆可口，不俗。食吓食吓就人齊，咁我哋呢班大食王就去盡咁叫。鮮人参花膠燉竹絲鷄湯($198)，清清哋，幾滋潤。惹味大澳香蝦骨($96)，熱辣辣上場，夠香脆，不過唔夠惹味。私房炸子鷄(半隻$138)，一般水準，不過不失。冰糖鳳絲黑豚肉($108)，賣相得，食落有D似咕噜肉。話梅栲肉瓜盅($108)，呢個比較有特色，D腩肉加咗話梅嚟燜，酸酸甜甜冇咁肥腻，惜周邊個南瓜盅唔夠索味，如果唔係，應該更好味。紅燒花膠豆腐($98)，一般家常小菜水準。啫啫通菜($86)，石鍋上枱，火辣辣幾惹味。美國砵酒桶蠔($188)，外層炸漿炸得酥脆，D蠔size又有番咁上下，冇欺場，味道又不俗，值得一讚。日式乾燒南非八頭鮑($544)，成晚最貴呢碟菜，五百幾蚊，鮑魚每隻$68，味道就…日式燒汁味較濃，新口味，鮑魚夠爽口彈牙，不

路過門口見到午市定食竟然有大虾伊面，包埋有小食同老火湯，只糸$58蚊，一於入去試一試先喇，一上木枱見賣相靠得住，有四隻大虾球，一試味道不錯，不是交行貨，另外加$6有個菜，再加$5有杯凍飲，佐敦少有的用心食館，睇見其他人叫改籠仔蒸飯也非常不錯，有機會一之再試

约了相識22載舊同事好朋友，大家一齊做白老鼠去試一間新開有heart的小小館私房菜，款款菜都用心去做，酒店既級數，合理的價錢，一坐底就好like個茶盅，一人一個自選桂花玄米茶，涼伴梅香涼瓜話話地，甘甘地，酸酸地，脆脆地巧巧味，預訂的冰鎮南非鲍魚浸得入味而帶鮮味，金磚脆豆腐，的的式超鬆脆而帶有豆香，西檸百花雞又系心機菜，最後來一客杏汁燉桃膠作完美结局，每樣菜式擺得都靚仔，大廚年青又健談，同食客有交流互動，希望能保持個heart，諗多些新菜式，我地就有口福，可以成為食中菜首選，值得大力推薦😙👍

第一次寫，真心想讚間餐廳所以寫依個食評。喺佐敦返工，返工之後同同事食飯。其實餐廳外表真係唔會吸引你入去，但入面嘅野食真心值得一試！菜係同事點嘅，我本來對佢嘅餸冇抱太大期望，覺得間間中餐都差唔多。人去第一印象係佢個茶具好得意好靚❤️！但個Waiter有啲串...我哋叫左5-6道餸，最深印象係拔絲黑豚肉(推薦)😋！！！望樣原本以為係咕嚕肉，所以冇乜興趣食佢(因為以前喺出面食過乾/冇肉/酸/唔好食嘅咕嚕肉)，之後揀左一舊細嘅黎試，真心正👍🏻 糖絲好似芝士咁可以一直拉，皮炸得脆，食嘅時候肉仲有汁🤤 雖然覺得應該會幾高卡，但食完一舊想再食！最後唔止拔絲黑豚肉，所有餸都俾我哋清晒。個waiter走過黎問邊碟餸最好食，同事即刻話所有餸都好好食，之後個waiter話: 嗯，個答案100分！我哋個廚攞獎嫁喎~ (個店員好為個廚驕傲 😂👍🏻)公司請客，計過平均每人一五零，晚餐唔算貴，最重要飽同好食 👏🏻 所以係抵食同抵再去！

因為有朋友試過佢地午餐好食，所以預先打電話訂左廳房，今晚一行6人去呢間小菜館食飯，慶祝朋友考完CPA試聚舊。【川味水魷條】呢個送啤酒一流，d辣味吾嗆囗，又夠香。【乾燒鮑魚】有驚喜，小菜館竟然位上。殻上面係炒香左嘅粉絲，好入味，鮑魚係日式燒汁乾燒，推介【拔絲黑豚肉】好好食！咕嚕肉做到拉絲的，面頭又夠脆囗，又吾肥d肉，真係好好食！【鮮人參花膠燉竹絲雞】好足料嘅燉湯，湯渣店員好細心的另外分開，又跟埋豉油點，朋友們連湯渣都清埋。【啫啫通菜】渣渣聲上枱，好香，好惹味。【薑蔥桶蠔】我對蠔麻麻地，但見d朋友食到嘩嘩聲，就夾一件試下，真係好大隻蠔，又冇腥味，出面食蠔食到灰心左的，值得一試要稱讚一下d店員，非常細心有禮，換碟加水頻頻，小店黎講好有heart，希望食物水準同服務都可以一直keep到

今晚同屋企人食晚飯，細妹話帶我食間好野，所以一家人就凸登揸架車出佐敦，間餐廳唔算難搵，附近都比較容易搵到車位，我地一行人泊低架車就入咗去坐底了，入去前見到門口玻璃有d相，原來廚師有來頭的，得過獎，所以有期待了，入到去裝修光猛又坐得寬敞，而且又唔會櫈撞櫈，細妹就先叫咗个燉湯(*一定要試)，我就對籠仔雞好有興趣，而店員就推介冰鎮鮑魚，再叫埋个過薑葱蠔，跟住就等食了，上菜時間唔算耐，好快就開始上菜，先黎个麻辣魷魚同埋燉湯，店員仲幫我地分埋湯，湯渣就分開上埋，飲落就不禁話"得喎"，好足料又好味，堅推介，而平時唔食湯渣嘅我，我都食咗唔少。跟住鮑魚就上菜了，清甜有少少酒味，唔洗加Wasabi都好夠味，好吃。呢个時候薑葱蠔同籠仔雞都黎埋，望到个樣就知道係叫白飯嘅時候了，薑葱蠔好肥同好野味，而个籠仔雞就好滑同好味，呢个真係又一推介。係差不多食到飽飽嘅時候，我地就叫定甜品，揀咗紅棗榚同水中花。岩岩食完就岩岩到，紅棗榚好唔同出面酒樓食過果d，出面酒樓就一夾即散，但呢到就冇出現，而且食落都好唔錯，而个水中花望落好靚，食落都好唔錯，總體黎講，埋單唔算貴，每人都係2百幾蚊左右，店員又有禮貌，會自動自覺幫你換乾凈