小小食掂 (已結業)

筲箕湾地铁站出口，有间开业半年既小小食掂，系出名鸡蛋仔隔离，今晚一于外卖加料，买个卤水拼盘试下，好够味又淋又香！有鹅翼，猪手，墨鱼，臀，牛展，牛根，金钱肚，牛舌，大肠，大大盒，78蚊，抵食！ 鹅翼，个仔平时最钟意啲滑野，佢话100分猪手同牛根好淋入味…查看更多

「小小食掂」喺筲箕湾港铁站对出，主要做外卖生意。虽然舖仔细细，但MENU几丰富，炒粉面饭、炸物、卤水同糖水都有卖。老板娘推荐嘅杂锦卤水好大份，款式亦好多，有牛展、墨鱼、猪耳、猪肚…系宜家少见卖卤味卖得咁齐全嘅档口。炸鱿鱼须用咗吉列皮整，食落脆身啲，仲有面包糠嘅香味。卖$15好抵食。手撕鸡捞肠粉亦都好特别。起初仲担心肠粉嘅甜酱会同手撕鸡唔夹。但手撕鸡好重麻油香，同滑溜肠粉一齐食可以减腻，好MATCH。咖喱牛腩饭好值得一试。咖喱浓陏香辣，牛筋牛腩软腍入味，份量都几多。整体嚟讲食物性价比高，而且店员都戴晒口罩同手套，食得安心放心。…查看更多

近排相信大家都冇咩心机，但好耐冇扫过街又心血来潮，黎左一次外卖既街头小食! 见到好多街坊都系小小食掂度等紧饭，于是我又去凑下热闹。叫左受欢迎既招牌卤水拼盘，阿姐话八爪鱼难得返货，所以要埋，卤水够入味，猪耳金钱肚爽口! 虽然系卤水，但食落都觉得食材系新鲜! 因为差唔多系晚饭时间，所以叫左个鸡脾饭，即叫即炸，好新鲜，而且只鸡脾同只手一样咁大，同盒饭分开放，咁饭既蒸气就唔会令到炸鸡脾皮唔够脆!!!呢度有款芝士烧肉酿鸡翼，几惊喜! 足料既馅同埋冇骨，咬落又冇违和感，因为有粟米粒，咸咸地甜甜地咁，几得意既口感! 最后叫左碗仔翅!落埋醋、麻油同胡椒粉，又系好多料仲要有花胶碎，好味，佢唔会稠到浆住个口，我自己就觉得算系岩岩好!! 系郁闷既时间食D自己想食既野，会开心D嫁!虽然系外卖，但都好过冇。…查看更多

呢日晏昼去完行山，搭车出返筲箕湾，已经系夜晚七点几，阿妈冇煮饭，所以我就买啲嘢食返去当晚餐。东大街有好多小食店同餐厅，其中得个名嘅鸡蛋仔就最出名啦。但喺正侧边有间新开嘅小食店，卖啲嘢食好平，所以就吸引咗我🙈。老板有问我哋有无乜想食，想唔想炒个饭等等。都好㖞，横掂当晚餐嘛！小店卖嘅嘢食种类好多，有炒粉面饭、卤味、脆炸小食等等，估唔到连糖水都有👏。我买咗呢到咁多嘢食都只系$105咋，三个人都够哂😂😂，仲要由小食食到糖水。我买外卖，如果堂食嘅话就坐街边。咸鱼鸡粒炒饭($35)，炒饭系即叫即炒，虽然唔系用大镬炒，但都炒到好干身，而且有好多鸡粒同鱼粒。$35边到揾啊？如果我住近啲都一定成日食😉。生炸大鸡比($15)，鸡髀真系好大只呀，斋食佢都饱🍗，鸡髀炸到外脆肉嫩，而且本身已经腌咗味，唔会淡。芝士烧肉酿鸡翼($20)，有2只，中间酿咗啲芝士同粟米，成个组合唔错。不过鸡髀同鸡翼有啲似，可以唔使一次过嗌🙊。避风塘炸豆腐($15)，呢个同我想像中唔同，因为我以为佢系一粒粒𠮶种炸一口豆腐，上面落干葱干蒜。但原来呢度嘅豆腐系大大件，再喺面头撒好多芝麻同甜酱辣酱，都几惹味🤤。呀妈近嚟好钟意食糖水，而呢间小店都有卖，仲要$10碗，即刻买两款比佢食啦😘～。第一款系白果腐竹($10)，唔错㖞，本身睇只色以为好淡，点知原来系啲腐竹煲溶哂，而且有好多白果。整体清清地，又唔太甜，正！芋头西米($10)，呢碗又系好足料，西米大大粒，芋香味浓。基本上对$10嘅糖水真系唔会抱有期望，但佢绝对唔比糖水舖或酒楼嘅出品差。再加上大大碗，一定够食😋。总括嚟讲，呢间小小食掂真系好掂👍，三个字「平靓正」讲哂。老板同老板娘两个人应该都有份煮，一脚踢好忙，经营一间小店都唔容易！呀妈仲叫我下次经过嘅话，再买两碗糖水返去㖞🤣🤣。…查看更多

做完运动去东大街揾食,间唔中比自己放肆😹有手撕鸡伴面,XO酱炒肠粉,碗仔翅,鸡脾同卤水并盘,两个人份量都算差唔多😋🍥老板娘话一定要试卤水墨鱼同鸡脾,试完又真系几唔错,墨鱼唔会好似擦子胶咁又唔会太粉😍鸡脾都腌得好入味🍜个伴面系用左麻酱再加少少卤水汁同好多好多鸡丝,再拌类似台湾阳春面而成嘅,XO酱炒肠粉就似平时饮茶个种,虽然好难抵抗美食,但真系偶尔食下好啦🤣🍗最怕会好劲味精同好咸嘅嘢食,呢间小店食完都唔会好口渴,下次可以再战…查看更多