影片
【大埔区】【小安南越南河粉】一个人喺大埔近太和嘅位置唔知食乜好，行经好多餐厅都冇乜感觉，已经有啲肚饿，见到呢间好似唔错就走咗入去。入面都几企理，唔会好局或者有阵味，整整齐齐咁已经畀到好感我。环境上我要求真系好简单，唔难做到。坐低就叫咗碗 $78 嘅「小安南火车头汤河」，叫火车头河嘅好处就系乜都有得食，谂都唔使谂。佢呢碗就有美国肩胛牛肉、牛丸、越式扎肉同埋鸡丝，都几多嘢。但系我有少少略嫌佢系偏细碗，预咗火车头河系大大碗架嘛。味道上佢都唔错嘅，啲食材正正常常，发挥出应有水准，都唔会话难食。讲到自己咁饿，起码都追加一款小食影张相畀大家睇，我就拣咗 $25 嘅「泰式鱼饼」三件，佢酿咗好多辣椒喺入面，好辣，但系几夹个鱼饼，系好食嘅。之后我仲叫多个 $26 嘅「越南丝网春卷」四件，见佢贴咗出嚟，又平平哋咪食吓。炸到热辣辣，几好。嘢饮我饮 $48 嘅「鲜果牛油果沙冰」，系用心之作，牛油果味算浓嘅。咁样食咗我 $177，我觉得以呢个质素嚟讲唔算过份。。。（地址：大埔旧墟直街30号美利大厦地下10号舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #foodies #globaleats #followforfollowback #love #eat #1am大埔区 #大埔 #太和 #小安南越南河粉 #小安南火车头汤河 #美国肩胛牛肉 #牛丸 #越式扎肉 #鸡丝 #泰式鱼饼 #越南丝网春卷 #鲜果牛油果沙冰 #1am1024 #1ambackup
继续阅读
静静座落在大埔角落的小店，却有著名声大噪嘅香浓汤底⁉️扎肉河粉- 一上台见到有扎肉、有萝卜，暗喜左一下😏但原来扎肉薄得可怜😕不过欣赏有米香味嘅河粉，纵然汤底唔够浓，都食得满足😋小安南火车头汤河｜美国肩胛牛肉｜牛丸｜越式扎肉｜鸡丝- 可能我期望太高，我觉得同理想中嘅香浓汤底仲有一段颇长嘅距离😕香料味亦未见抢眼😕不过值得一赞，系牛肉同牛丸都靓料，爽口弹牙有肉味😙上汤白萝卜- 令人失望嘅小菜，先不论我觉得汤底唔够浓啦，好明显上汤同萝卜系上台前先合体，两种味道完全分离。而且萝卜偏爽，无甜味😕
继续阅读
去开附近游水，嚟到呢间小安南越南河粉。餐厅入面嘅座位不多，要等咗5-10分钟先入到去。餐厅主打越南风味菜式，除咗饭之外仲有汤河同捞檬，不过粉面类嘅餐点要加十几蚊先有嘢饮，所以我拣咗食饭。我叫咗炸鸡翼煎鱼饼饭，鸡翼同鱼饼嘅份量都唔系几多，不过加埋啲豉油汁都叫做够𩠌饭食。鸡翼炸得几香同酥脆，入面嘅鸡肉依然系嫩滑多汁。鱼饼就正正常常，唯一挑剔嘅就系得两嚿，份量好似太少。跟餐加咗杯冻奶茶，几特别嘅系呢度嘅糖浆系自己加嘅，钟意几甜都可以自己决定。总括嚟讲，因为大部份主食都要加十几蚊先有野饮，所以性价比偏低，有啲可惜。
继续阅读
冇谂过越南菜都有早餐食，𠮶日阿妈嗌左个早餐，我就试佢普通汤河，汤底好入味好浓郁，但系食完唔会不断饮水，应该唔会话好味精，河粉口感适中，而且餐牌都好多选择，可以加唔同小食又有餐饮，系性价比唔错嘅一间
继续阅读
呢个星期嘅工作都好赶忙，昨晚好早就去瞓，一觉醒来好精神，个肚就好空虚，嗱嗱临梳洗去食早餐😄呢间越南餐厅已经帮衬过几次食午餐，味道唔错👌今日就试吓佢哋嘅早餐，系咪都一样好食。佢哋有6款早餐，5款系粉面，1款系果仁红莓甜麦皮。今日拣咗马来沙嗲牛肉檬粉配烟肉煎蛋牛肉好嫩，完全食唔到松肉粉味，沙嗲除咗有浓浓香料味，仲有粗粒嘅花生碎，色香味都唔错。完全唔同茶餐厅果种。烟肉煎得好香脆👍整体都唔错唔贪快，肯花时间心思，食物水准唔会差，呢啲小店亦都值得帮衬
继续阅读