小城大廚

观塘工厦隐世鲜味 蚝迷必试！讲真，观塘工厂区揾食，估唔到伏低咗间「蚝」门盛宴！小城大厨嘅台山蚝，真系一上枱就吓亲人——手掌咁大只，肥嘟嘟胀卜卜，蚝肚撑到几乎透光！重点系：一啜落去，浓郁嘅海水鲜甜即时爆出，跟住系澎湃到漏嘅金黄蚝膏，邪恶得嚟甘香到痺，食完只蚝仲挂住啲膏香，真系「蚝」冇得顶啊！金银蒜粉丝蒸 鲜味锁到足佢哋用嘅系台山蚝王级数，师傅火候拿捏超准，猛火快蒸，蚝肉刚熟唔老，保持超嫩滑爆汁口感！垫底嘅粉丝吸尽蚝汁精华，加上炸过嘅金蒜同生银蒜夹击，蒜香浓而不抢，仲带微微辣劲，惹味到忍唔住连汁都捞埋！每只蚝都铺满闪令令嘅蒜蓉，视觉同味觉都大满足即叫即蒸够新鲜 性价比爆灯食到呢种质素嘅台山蚝（视乎时价），仲要系即叫即劔即蒸，上枱仲热辣辣喷烟，诚意分加爆！蚝痴如我，觉得比出面高级蚝吧平一大截，但鲜度绝对有过之而无不及！同场加映：蚝壳堆到成座小山咁，就知有几受欢迎啦～街坊饭堂格局 人情味浓虽然餐厅藏身工厦，但晚市坐满熟客，阿姐落单爽快有笑容。环境就系典型大排档风，但枱够大坐得舒服，最紧要系食物有水准！另外再叫左碟黑椒牛仔骨，香辣惹味得嚟份量又唔少。再嚟一碟虾膏银鱼仔虾仁炒饭，啖啖镬气风味十足！最后再叹多碗起沙红豆沙，为呢餐画上完美句号。总结：台山蚝控必点！小城大厨嘅台山蚝，大只、多膏、鲜甜到犯规，金银蒜蒸法完美带出蚝鲜，食过真系返唔到转头！想食靓蚝又唔想挨贵价？呢度绝对系隐藏版首选！观塘友有福了，呢个价钱食到蚝中极品，仲唔快啲约班蚝友扫场？…查看更多

今晚老公嚟接放工喺观塘揾饭食！想试下中菜，喺openrice见呢间系top 3，就嚟试试佢，无book位，但我地18：00就入坐，当时餐厅唔算多人，但过咗半个钟，已经full house, 唔估到好多家庭同一大班好友饭局都book呢度食，咁应该无伏了。两口子叫咗呢啲食，价钱都几实惠，难怪会爆塲：蒜蓉粉丝蒸蛏子 $48/只蛏子都算大只，够鲜味，肉质爽滑，劲多蒜蓉同粉丝，粉丝入晒味，既香又唔会抢去蛏子嘅原味，正，算抵食！菠萝酥炸大肠 $98/碟超级邪恶嘢，屋企唔会整嘅菜式，真系食到停唔到！大肠炸到啱啱好！外皮微焦带劲脆，大肠里面处理得几干净，无咩肥膏，够晒香脆，配埋酸甜汁加菠萝绝对系完美结合，不过两个人清一碟真系有d多，但都忍唔住口食晒，今次真系肥仔了！！！！红烧乳鸽 $52/只乳鸽外皮都算酥脆，肉质细嫩，有浓郁嘅烧烤香气， 控制得唔错，正常水准。拍蒜菜心（蒜蓉炒菜心）$78/碟呢碟蒜蓉炒菜心简单得黎又好味，菜心炒到鲜绿爽脆，蒜蓉又够香完全渗入晒菜度，食完真系满足！呢道菜嘅卖相都好靓，白色碟衬住翠绿嘅菜心，上枱好整齐，个厨都几细心，加分！姬松茸炖老鸡汤 $48钟意饮老火汤嘅我，一定要叫嚟试下！首先系劲多材料，劲多鸡髀肉，仲有鸡脚同劲多姬松茸。。。姬松茸系呢个汤底嘅灵魂，姬松茸渗透每一口汤，带有淡淡嘅菌类甘香味，饮落去令人舒畅整，呢碗汤不但味道鲜甜，仲好滋补，特别适合想要温补但又唔会太燥热嘅朋友仔。如果你钟意饮老火汤，呢个姬松茸炖老鸡汤绝对系值得一试嘅，$48抵饮！整体嚟讲，呢间食肆真系非常值得推荐，无论系味道、服务定系环境都交足功课，绝对会再嚟光另外，餐前小菜有黑木耳同超大碟嘅炸花生。。食唔晒～～而服务方面，店员好积极，上菜速度亦都十分迅速，呢间餐厅价钱方面亦都属于合理范围，性价比高，会再嚟番炒！…查看更多

榄角蜜饯一字骨呢度菜充满广式怀旧风味！一字骨又炸又煎依然皮脆肉嫩榄角有独特既咸香回甘，与蜜饯既温润甜味交织成层次丰富既酱汁，浓郁得来毫不腻口送饭一流整体口味咸甜平衡黄金金沙鳝球鳝球炸得外皮金黄酥脆，内里肉质依然饱满弹牙。咸蛋黄炒成绵密金沙，均匀包裹每块鳝球，入口咸香惹味，带微微沙感一定要需趁热食用，如果唔系金沙可能变韧整体镬气十足，风味极佳两碟𩠌，两个人食都好够因为份量好大另外前菜同埋茶 唔驶加一夜晚好有气氛好多人…查看更多

观塘工厂区平靓正中式小炒，性价比高👍🏻第一次到访是朋友带我嚟食，一试难忘，为左再食呢碟爽弹鱼皮，今次到我带我至爱朋友一齐去食。今餐叫左蒜蓉粉丝蒸蛏子皇，蛏子上布满生熟蒜蓉，葱花和吸满调味鼓油的粉丝，好味😋葱油鸡，满满的葱花，就算系鸡胸位置啲肉都滑吾柴，Good。我至爱爽弹鱼皮，一样甘爽弹，小辣够惹味，送酒一流，停不了口，令人继续一口接一口追住嚟食👍🏻呢间观塘工厂区抵食中式小菜，平日嘅夜晚都爆晒场，好彩一早响OpenRice book定枱，所以可以响晚上黄金时段7:15用餐，同朋友叫左几支大啤慢慢浅尝呢餐非常好味的中菜，满意的一餐。…查看更多

观塘这间专门店的「豉椒炒蛏子煎米粉底」绝对是必试招牌！上桌时镬气十足，蛏子肥美鲜甜且份量慷慨，豉椒酱汁浓郁香辣却不过咸，完美渗透每条米粉。最惊艳是煎米粉底——外层酥脆如饼干，内里吸饱海鲜精华仍保持弹性，双重口感让人停不了筷。海鲜新鲜度与火候掌控尽显师傅功力，这道菜将酒楼小炒提升至艺术境界，值得专程来访。不过「淮山百合炒藕片」就令人失望。落单时明确包含百合，上菜竟以莴笋偷换！虽然淮山爽脆、藕片清甜，莴笋亦算新鲜，但百合独有的清甜粉糯根本无可替代。重点是店方全程未主动告知替换食材，此举有失诚信。若因缺货调整菜式，理应提前征询客人意向，擅自更换实属欺客。这道菜本该是养生佳品，却因管理疏失变成扣分项。所幸服务员的专业表现挽回印象。从带位到上菜全程笑脸盈盈，留意到我们翻动缺失百合的菜肴时，立即主动询问状况。解释时态度诚恳，更即时提出补救方案。添茶换碟节奏细心，介绍菜式如数家珍。这种以客为尊的热忱，在现今餐饮业实属清流，必须大力赞赏！总体而言，主菜水准与服务质素俱属上乘，唯食材替换的处理亟待改善。建议店家严格监管出餐准确度，缺货时务必预先沟通。期待下次再访时，能无憾享用每道匠心美食。…查看更多