小四川 (已結業)

伏伏伏伏伏伏伏伏！！！！！$48酸辣粉 ！2片羊肉片+ 3 片蓮藕片 大辣。師傅刀工一流👍🏻蓮藕片薄到透光！唔酸 死辣。唔知食緊d 咩？第一次食還可接受，今次第二次食之後唔會再買！酸頭角食得入口其他不了。湯底未食過咁差既酸辣 淨係食到辣椒味 虎！咩料呀！全新蒲崗最錯既酸辣粉！可能真係佢哋鄉下係咁既味 😖😖😖😣😣😣加餸既份量有目共睹⋯⋯本來以為湯底好少餸都算！點知衰到一個點！伏伏伏伏伏！！！！！！！！

本身鍾意食四川菜，今日食咗呢間嘅水煮魚，攞到來見到好豐富嘅花椒同辣椒係碗面，撥開食左幾片魚片，感覺味道好濃郁好香好正，似我在重慶食嘅麻辣大腸煲一樣，唔止得個「 辣 」，仲有「 麻 」嘅成份平衡返，所以會越食越想食。不過食食下食到有魚骨，仲要連續幾舊魚 塊都有好大條骨，唔似平時食開果 d 只有小小魚骨咁細，忍唔住帶少少質問口吻問餐廳「 點解有魚骨嘅 ？」 佢哋解釋話因為用新鮮草魚，係即叫即劏即煮，為咗更鮮甜， 會切大嚿 d 連骨一齊煮；其實我係潮州人，食慣有骨魚，所以問題不大，不過呢間啲魚塊真係幾大塊吓，唔似其他水煮魚薄薄一片，而一碗 65蚊有八至十大片魚塊，真係幾抵食下，記憶中同類食物亦無呢個味道，算獨特，會再試。

晏晝諗住去食辣野 諗起返公附近有水煮魚 就嗌咗嚟食 諗住平平哋 點知中哂伏。。。客飯$65 再加兩個外賣盒$2 係比其他地方平 但係………個水煮魚有骨（有骨嘅魚❌❌❌） 魚味勁奇怪 🥴完全唔似平時其他地方食嘢 仲搞到成兜嘢都好難食🤢🤢🤢🤢🤢🤮🤮🤮🤮 入面仲有芽菜，雲耳（雲耳吸晒個湯嘅味 ，食完有啲想🤮）呢個價錢，食啲咁嘅嘢，不如去其他地方，比多20幾30蚊 -食個好啲㗎啦-！❗️❗️❗️❗️❗️❗️❗️❗️❗️

之前係舊舖已經想去但係唔就腳依家搬左來新蒲崗就方便得多Lunch set水煮牛肉 65一上檯超香認真牛肉有啲柴但係水煮汁好正宗仲配芽菜同寬粉寬粉好入味記得一定要加冰粉➕5蚊川菜靈魂尼度冰粉係普通版，冇咩配料 勝在夠平味道幾好 價錢合理其他菜未試過唔評價下次會來試試烤魚

門外等了一會兒入座，室內裝修特別、環境乾淨企理，座位尚算舒適。 見到隔離枱的血毛旺，香辣味直湧過來，隨即落單。上菜後，主角鴨血滑沒有腥味，牛柏葉、午餐肉和豬腸配搭合適。不久鮮花椒酸菜魚到，熱辣辣成鍋上，鮮花椒的味道香氣撲鼻，刺激食慾，魚質鮮嫩，配料亦十分美味，兩個人吃不都太多，其他菜式下次再試。疫情期間，酸菜魚還可以外賣（見有外賣客），店主想得周到。總括來說菜式滿有甜、酸、麻、辣、香鹹等味道，其中的麻辣味讓人印象最為深刻。

果然要試新餐廳真係要預好大機會中伏。雖然疫情下開餐廳好艱難，但啲嘢食真係唔好味…半隻麻辣雞煲，我哋嗌左中辣，其實個調味係OK既，但係啲雞肉真係好鞋好乾，啲肉完全唔入味，唯一好食嘅係啲洋蔥囉，煮到腍曬。重慶酸辣粉有浸怪味，另外加左豆皮同牛𦟌，冇樣野好食，基本上成碗冇乜點食回鍋肉，呢個真係咸到不得了，仲要成堆都係椰菜，得嗰幾塊肉😓呢一餐食左三百幾蚊，勁唔滿足，難為我朋友為咗唔想嘥嘢夾硬食晒啲肉佢，得個飽字。

未食過咁難食既回鍋肉.回鍋肉唔係五花腩咩？佢呢個得幾塊瘦肉仲鹹到死好多椰菜加木耳🥲🥲🥲非常唔正宗，烤魚唔新鮮條魚又細條裡面仲有油豆腐仲要$298🤮🤮🤮麻辣牛展$80蚊得幾塊，少都算啦仲好大陣味道🤢總之中伏！希望大家唔好中伏難食