影片
港铁荃湾站 B3 出口, 步行约5分钟
继续阅读
营业时间
今日营业
11:30 - 20:00
星期一至六
11:30 - 20:00
星期日
12:00 - 20:00
公众假期
12:00 - 20:00
以上资料只供参考，请与餐厅确认详情
今日（29-3-2025 Sat）晏昼同老公落荃湾买嘢，买完老公话要食嘢，但我唔饿，而且要留肚食晚饭，我记起原本想喺㖊晚食嘅呢间，于是行嚟，我哋嚟到睇，老公要咗：1. $14.00有6粒嘅鱼肉烧卖呢个系即刻有，食住等其他嘢，口感都可以，仍有弹性，味道正常冇问题。4分由有烧卖开始计起8分钟，2. - 3. 同样$28.00有3件嘅咖哩角同春卷即叫即炸，两样都胀卜卜，包得好靓，亦炸得好靓，我先食前者，外脆，馅料够腍，咖哩香香哋唔辣，略嫌唔够惹味。春卷呢？同样外脆内软，内里嘅馅料都系斋嚟，味道清淡。老板娘推荐加泰式酸辣酱，唔辣但可解腻。我话落侧边先，佢好好人落得唔多同照做，话唔够再攞。我醮咗嚟食系好食，所以我之后都问佢再攞多啲。4分食完后要饮吓嘢，呢喥都有，我要$5.00嘅山楂苹果茶，老公要$15.00自家制嘅回甘茶，老公话解到腻，饮咗真系回甘，似有甘草，我试吓，我就接受唔到。3分环境：细舖，冷气唔系好够。2.5分抵食：2.7分其他：老板娘话下星期唔再卖咖哩角同春卷，因为卖唔去。点解呢？因为即叫即炸，客人唔等。
继续阅读
行过哩间之前未见过的舖头，写到自己系烧卖关注组第二位，咁咪试下啦！睇中个烧卖粥套餐因为可以试两样野。鱼肉烧卖6粒(2分)-食落吾系平时食开味道，黐口。-鼓油系食烧卖重点，亦系平均水准以下。柴鱼花生粥(2分)-非常够热，味道都算OK，-分量比荃湾粥铺可能无一半。环境(2分)- 价钱同荃湾粥铺差不多，但细间又无得坐- 服务(1分)-佢话系烧卖关注组第二，但问过关注组根本无排名(见附图)，感觉做假。-只收现金。抵食(2分)-由于味道已经非常一般,加埋分量细，环境差，所以低分。
继续阅读
今日行过嗌咗个杂锦烧卖，烧卖味道相对普通，但系辣油几好味，不过唔辣。因为朋友唔食辣，所以叫佢将辣油放系旁边。试咗一啖之后觉得辣味不算浓，所以同店员反映叫佢加多d辣，点知个店员西口西面好晦气同我哋讲加几多都唔会辣，态度极差，虽然最后都有加俾我哋，但系咁嘅服务态度一定唔会再帮衬，何况又唔系真系咁好食！之前佢未搬舖头系转国位都食过，虽然唔可以话服务好好，但系都唔会西面令人难受！今次试完之后，俾钱买难受！永冇下次！
继续阅读
您可能会有兴趣的...