影片
经过食下午茶，$39 有杯野饮，下午茶份量，如果肚饿建议叫返正餐，价钱差唔多。餐厅位置好坐，环境干净。三牛淮山面清汤底，汤底清清地 唔似味精汤底，淮山面都ok, overall 自己几钟意。另外有叫三鲜酸辣米线，味道都唔错，唔算太重化学味，唔似出面既酸辣粉，𩠌 就鱼腐，鱼皮饺，鱼片头各一，下午茶都算系可以接受。舖头主打炖汤，无味精 $5x-$6x 唔贵，写到明无添加，调味料都自己落，应该系真 无味精，下次经过会试下。
继续阅读
见到其他食评都讲得几好，我同男朋友都好钟意饮汤，所以就决定试下呢间主打炖汤嘅食店。我叫咗竹笙椰子鸡汤米线，男朋友叫咗花胶瑶柱鸡汤米线。听落都几吸引，尤其是汤底听讲都几滋补，但一食到就觉得好失望。汤底淡到好似煲清水，加埋啲材料煲一阵就捞起，根本冇味！我第一次食外卖要自己加鸡粉，真系好差！你一间主打炖汤嘅食店，但啲汤底咁唔掂，寻味来嘅意思系咪就系叫人自己寻味？我唔知系咪外卖嘅问题，但我同男朋友都觉得再唔会再试佢嘅堂食。其实屋企煮嘅汤都好过佢，起码有味道，唔使自己加调味料。我地原本都期待可以享受一顿美味嘅汤，但最后却变成咗一个失望嘅经历。希望下次可以揾到一间真正好味嘅食店，唔好再中伏啦！！！！！！！
继续阅读
呢间舖头算系新开张，好似系元朗相对少以炖汤做主打嘅米线，大部份都系以地区特色汤底或者酸辣为主多今日同朋友就嚟咗试吓👅👅竹笙椰子鸡汤炖汤黎讲$52仲要包埋一份主食其实真系超级抵！👏🏻欣赏佢竹笙份量多，有差唔多六件👍鸡件就系炖完汤比较嚡口嘅口感，个汤清得黎有少少油腻，可能因为啲鸡皮鸡油无去晒我哋加咗两蚊转淮山面，几爽口，但系份量唔多👅浓郁蕃茄汤米线配潮州虾卷&云耳呢个汤一望就有啲失望，完全冇蕃茄粒，睇色水系啲蕃茄膏沟出嚟🫣 味道都系🫣🫣虾卷虽然弹牙但系有啲雪味🫣云耳份量足，味道正常佢嘅米线比较似濑粉，系偏透明同超级弹牙🤔虽然老板服务非常好，但我哋share食大家食完之后都几口渴，迟啲可能真系好想饮炖汤补下先会再嚟食😅😅
继续阅读
懒写食评但呢间真系唔写唔得！平时喺元朗都会食佢，有时出到嚟谂唔到食咩又会食，因为又好食又唔会口渴，又唔贵佢嘅炖汤足料得嚟唔会有太浓、太假嘅味道，好鲜，饮到食材真实味道👍多数人都会饮花胶鸡，好多时都卖晒，不过我都好欣赏佢其他嘅汤，例如竹笙椰子鸡，仲有潮汕口味嘅青榄鲍鱼汤有时唔想饮咁大碗汤就会嗌米线，啲配料都好好食，鸡翼好香好脆，但又唔会好油。特别嘅系有牛扎肉。而且环境、装修亦都好舒服，个地下绝对唔会油淋淋，食物上碟个样都好靓，睇得出花咗好多心机😊最近见到附近有啲舖头都做唔落去，希望呢间小店多啲人帮衬挨得住，因为真系好好食🫣🫣
继续阅读
中午唔想自己煮，就喺KeeTa叫咗外卖男朋友叫咗人参虫草花鸡汤米线，佢话个米线好弹牙爽口，挂汁，送到过嚟都完全唔会一pat pat咁～汤底有浓郁嘅鸡味，好香嘅虫草花味，见佢饮晒成碗汤🤣🤣我就要咗竹笙椰子鸡汤米线，竹笙好索汁好好食😍淡淡清甜嘅椰子鸡汤，有一只鸡髀～啲肉虽然唔系话好滑，但系煮到好腍，好正😍我都系差唔多清晒啲汤咁滞😋最犀利系饮完都唔觉得口渴，睇嚟应该真系冇乜加味精～～见个黑糖豆腐花加$3咁抵又试吓结果真系唔错！！个豆腐花好好好滑，黑糖好似唔使钱咁，俾咗好多🤣🤣超级超级抵，一定要加！！但系因为太肚饿，食米线𠮶阵完全唔记得影相。。。所以净系影咗个黑糖豆腐花🤣总结系大推！
继续阅读