影片
以上资料只供参考，请与餐厅确认详情
听朋友介绍就黎到间小本经营既日式料理店。外面放有十棵八棵绿色植物，几有心思入面店舖虽小，但坐到大概廿个客。全间铺头都放满左唔同大小高达模型或其他玩具摆设，此乃一大特色三文鱼腩刺身$57肥美又新鲜，脂肪均匀面豉汤送咗一碗面豉汤俾我哋饮，唔会太咸，几足料盐烧三文鱼胶$35(是日特价）烧到皮脆香口，三文鱼劲香滑，鱼脂香味浓厚，好食到停唔到口，连个皮都食清光。又估唔到食落都几多肉。听店员讲佢地系解冻完后慢慢烧（有d 我唔记得左），但听得出系慢工出细货，难怪咁好食龙卷$85集合炸虾鳗鱼青瓜飞鱼子牛油果于一身既卷物，卖相唔止吸引，仲劲好食。牛油果新鲜，炸虾又脆弹，鳗鱼食落带甜冇骨。卷物又包得够扎实唔易散冰镇清酒花甲$40花甲大只肥美，无沙，每只都够哂冻，亦有冰冻得黎香浓既清酒味，别有一送酒一流芒果蟹子沙律$52劲大兜沙律，芒果味道偏甜，捞起沙律酱后味道清新可口，好醒胃费城卷$85含有三文鱼芝士牛油果飞鱼子，芝士唔会骚，味道一样唔错，但我会钟意龙卷多d。食到最后都有d 食唔落，可能芝士太漏总括黎讲，呢间日式小店食物质素高，服务又好，仲冇加一，两人埋单都系三百头，CP 值高，劲推荐大家有入黎屯门就试下呢间街坊小店。期待下次试下其他窝物同烧物btw,最好book 定位，繁忙时间会full booking, 同时亦有几个人出面等位
继续阅读
呢间寿司店系美乐花园附近，经过朋友推介，决定晚餐黎试下。当晚八点几左右，入面已经满坐，我地前面有一枱人等紧，职员都好有礼貌话有张细枱比较窄问我地介唔介意，我哋见未肚饿就等多阵，大概九点入座。我地分别叫左四样野，承惠二百几蚊，整体味道一般😅😅带子寿司：带子口感同肉质都唔错，不过寿司饭就实的的咁，入口有啲难食…问左朋友，原来卷物同寿司系唔推荐既🤣肥牛锅（寿喜烧汤）+乌冬 $88：朋友推荐，都大碟，味道唔错，乌冬够滑，好味😋烧三文鱼鲛$38: 少少烧㶶咗，但三文鱼有油香，抵食之选炸虾天妇罗：正正常常😅
继续阅读
今日一家四口嚟到屯门码头区既依间将太日本料理开餐。呢间铺头都几隐蔽，位处于屋苑内街嘅最尽头，铺头细细，位置唔多，建议嚟之前最好就先订位啦。**********🍣三文鱼刺身因为屋企人唔想食太多生冷野，只系叫咗一份刺身过下口瘾。三文鱼新鲜，质素正常。🐉龙卷黎到每次都一定会叫佢地嘅卷物，前后有十几种唔同配搭，总有一款啱你口味。我地叫既依款卷物就有炸虾、鳗鱼、牛油果同飞鱼子。吉列炸蚝炸得几香口、系略嫌㶶左少少。🍲绍菜肥牛锅配乌冬本来点左餐牌上面既西洋菜肥牛锅，侍应话冇西洋菜，转咗做绍菜。锅入面塞满哂蔬菜同肥牛，分量超多，汤底吸收晒蔬菜同肥牛嘅精华，清甜不腻，所以一定要加$10配乌冬食😋！🐟烧鲭鱼普通，烧得香口但过鞋左少少。🍤日式拉面配杂锦天妇罗拉面既相唔记得左影🤣，我地一致认为面既汤底有啲怪怪既甜味，如果用番肥牛锅个汤底成件事就唔同哂。而杂锦天妇罗就做得好出色，炸浆簿，冇油腻感，唔太㶶，上枱时仲系热辣辣即炸既，非常推介依度既天妇罗👍！将太嘅性价比十分之高，四个人只系三百几蚊埋单。绝对系平食日本料理嘅不二之选👍。
继续阅读
一间精致既日本餐厅，店内有多款食物选择，仲有好多推介食物，点左刺身，寿司，龙卷，三文鱼鲛，芝麻鸡翼，天妇罗，清酒冻蚬同拉面。今次已经吾系第一次食，就系钟意佢keep到水准，刺身好新鲜而且够冻，入囗够甜同滑，食多都吾漏每次黎都会食下佢地既卷物尤其有炸虾或者蟹同牛油果既卷物，整得好靓同炸得好好食，而鸡翼同天妇罗亦炸得好松脆. 三文鱼鲛做得好香因我本身对鱼鲛麻麻，但佢地整得一啲都吾腥，我都食左好多下其他食物都一样咁有水准，唯一问题系要预早少少攞位，因坐位吾多又经常有熟客帮衬.最紧要系价钱一啲都吾算贵仲好合理，出面食同样新鲜质素既起码贵七八成至一倍，所以我一定会再黎帮衬备注：老板娘好好人
继续阅读
呢间餐厅算系呢区质素比较高既日本餐厅, 同家人平均一个月食三次。 锅仔乌冬, 乌冬系手打乌冬, 冬天食一流。费城卷一条有八件, 馅料有三文鱼, 牛油果, 炸虾同芝士, 连同酱汁味道非常配合。 牛油炒杂菇, 份量多又好够牛油味, 唔会水汪汪。 烧三文鱼骹系家人每次必点既小食, 钟意食鱼既一定要叫。 另外仲有龙卷, 芝士饺子, 鱼生同鸡软骨等等, 全部都系我地既至爱。但好奇怪既系最近三次去食, 次次叫牛舌都话冇, 但明明只系夜晚六点。如果已经冇卖不如系menu上删左佢啦。
继续阅读