寿司駅

营业中

休息中

一人食，我鍾意叫三文魚生飯（70$），再加多份三文魚刺身。刺身很新鮮，切得很厚，一口吃下去好滿足！魚生飯裡的三文魚就切得薄一些，但同樣好食。小店服務很好，待客友善，人情味十足，尤其是其中一位店員小姐，使人感到十分親切。來了六七次了，每次來，心情都好好😊套餐抵食，配有湯和沙拉，有茶水和餐後零食。整體的價格不算貴，食物質素好，性價比高。如三文魚刺身一客36$（三片），在深圳要吃到同樣質素的，可能不止這個價格。希望多啲人來品嘗，小店生意可以紅紅火火。我都會繼續幫襯🩵

這間位於石塘咀近寶翠園的日式小店！之前已經幫襯過幾次！覺得唔錯，所以希望同大家分享一下😆今日點咗五品的刺身拼盤、燒羊架、燒牛舌及稻庭冷烏冬！刺身新鮮厚度適中，可因應客人要求選配！十分貼心燒羊架肉質鮮嫩，仲切埋件，好味！牛舌配上檸檬汁，味道剛剛好。稻庭冷烏冬喺尼個天氣食，啱晒☺️而家Openrice 訂位，指定日子仲有九折🫶🏾🫶🏾🫶🏾好味道性價比高，店員親切有禮😊值得支持、誠意推薦。🙏🏻

早2日同同事係西寶城做完野，諗住係附近搵間鋪頭食下野傾下計，見鋪頭裝修唔錯就入去試試，店員好細心同我地推介咗幾款刺身，其中磯煮鮑魚好好食，刺身又大件；我地仲嗌咗幾隻生蠔，都幾大隻鮮甜，最後我地叫多份什錦壽司，非常滿意嘅一餐下次約咗幾個朋友再去試多幾款野食

晚上揸車過到西環探望兩老 送到再回到壽司駅吃晚飯 今次是我們三人第二次幫襯這店了 第一次食是清明節吃午餐真心覺得午餐不錯幾十蚊的套餐有做得幾人心機 埋單的時候竟然還有小甜品送 今次晚飯座位算是寬敞 店員唔多廳面目測只有兩人 但是見他們勤奮跑來跑去非常有衝勁很認真的樣子！服務態度和下午一樣有問細心解釋推介左我哋石鍋烏冬還有芒果卷 還叫了一個魚湯烏冬 這樣的價錢食物是無話可說的兩老同樣的滿意維他們經常加茶 最感激一樣嘢佢哋見到有警察抄牌 大聲問有冇客揸車 幫我慳咗320蚊牛肉乾錢 下次會揸車同朋友再試食魚生刺身果類！現在週圍的食肆很多都做唔住！這篇食評真心為他們加油打氣的！我父母都鍾意呢度 希望佢哋唔好放棄！

屋企附近開咗一間新的日本餐廳。 路線有啲似日本居酒屋。 一家人今晚去試食順便慶祝細女生日。 今晚叫了很多食物。 三文魚花卷油花細膩，醋飯美味，賣相精緻。 海膽手卷足料鮮甜。 我個女叫咗三客！！ 今晚天氣有啲凍，我叫咗石鍋雜錦烏冬， 烏冬湯頭滾燙，天氣寒冷，不錯的選擇。驚豔在八爪魚刺身——脆中帶鮮！！ 天婦羅炸衣薄、日本番薯爽脆、蝦肉大條足料、碟底竟不見油漬。 我最喜歡是牛油果和三文魚小卷。 一口一件小卷，正！ 侍應態度十分親切。 還送了免費的小甜品： 忌廉泡芙。

今日想食壽司，就行左落樓下幫襯間新開無耐既壽司鋪，我叫左個大漁壽司餐。個餐有9件壽司三件蛋卷。送麵豉湯沙律。三文壽司唔錯但個三文腩壽司真系嘩一聲！嘩！救命真糸好正。好香好肥好好味。仲有個拖羅蓉真糸不得了！118講真邊到揾。118食個晏好似好貴，但物超所值。因為我系學生仲有可樂送。服務員態度幾好！個師傅時不時走出黎同我傾計。好有心既店鋪。會問客人有咩可以改善。而家很聽客人講嘢既店小已經好少。值得一讚

以前呢個鋪位都係食日本野，最近轉左呢間諗住試下，點知中大伏，呢間完全搞唔掂😪我叫左個雜錦魚生飯$76，一上菜已經超失望，竟然有超市嗰d cheap蟹柳，其他刺身望落都已經好少，樣樣都超薄切🙄，都唔明點解其他食評個個話熟客可以講得出係厚切，又完全冇擺靚d刺身，好似求其切完掉上黎咁。Total 得薄切三文魚2.5塊 (食過史上最薄嘅三文魚)、超細舊油甘魚x2、魷魚x1、北寄貝x1、玉子x2、蟹柳x2。樣樣都好少，飯又偏酸，雖然包埋麵豉湯同沙律，但食完都係唔飽，完全唔值呢個價錢。好彩刺身都尚算新鮮，玉子味道都唔錯。我朋友就叫左個炸蝦蟹籽卷$52，本身係包蕎麥麵，加左$5轉個湯烏冬。個烏冬份量又係勁少，個碗得正常屋企食飯碗size，一擺烏冬入口就更加出晒事，烏冬淋到好似煮好浸左20分鐘咁，再浸耐d真係可以變粥，仲專登加左$5轉個烏冬真係超唔值😵。炸蝦蟹籽卷就都還好，正正常常。仲加左個三文魚手卷$10，呢個算係唔錯，$10抵食。其他方面：服務態度都算幾好。一開頭會serve 麵豉湯同沙律，質素都算正正常常，最後會serve 雪米糍做甜品。Menu設計唔係吸引，入面仲有超多錯別字。整體而言，大伏😪

今天一家人到大學附近寿司駅，因為這店在鴨脷洲時都時嘗去有點情懷。去到新店裝修都系日系風吊燈，新店比舊的店大。因為以前經常去食所以已經知道這店的拿手食物，我點什錦壽司同照燒雞扒飯，爸媽燒油甘魚加水撥白飯，燒得真色香味俱全keep到水準。我女兒沫淋魚乾加石碢泡菜牛肉飯，牛舌加雞軟骨，五個人人均百一蚊日料來說親民的價錢味道沒有變很好食，都會keep住來食的。總結壽司魚生都新鮮厚切同飯大小適中，燒物水準一流燒到剛剛好味道真香❤️石碢比較特別味道不錯有飯蕉的,。

今日同同事食飯，經過呢間餐廳。入去食個晏仔又估唔到都唔錯咼 佢個石鍋烏冬又出奇地好好食，佢系壽喜燒湯底甜甜地 有一舊炸蝦一條蟹柳有幾片牛肉 講真真系唔輸比出面好貴個啲火鍋 只不過系無左個火。 啲壽司好新鮮 三文魚好好食 三文魚味好重 舊飯唔算太酸因為個人唔鐘意太酸既壽司。佢送啲沙律聽店員講系用啲新鮮蔬菜整出黎 我個人覺得好開胃，好有心既一間店舖唔系去買人地啲沙律汁，系自己整。仲有既系個價錢唔系貴 ，有呢個質素真系無得輸

夜晚差唔多11點，附近嘅餐廳都關得七七八八，喺外賣平台見到呢間新開嘅舖頭就試吓，價錢非常相宜，而且選擇好多，有魚生飯，壽司刺身，熟食，串燒。叫咗個三文魚丼飯連埋汽水都係60幾蚊，仲抵食過地鐵站爭鮮外賣原本仲好擔心咁夜攞外賣會阻住人哋收舖，但去到嘅時候個店員都好nice，好friendly返到屋企打開袋，見到有一個送嘅小甜品，上面仲有手寫字條真係有啲意外。唔係話個甜品好貴好值錢，而係個心意無價，奔波工作一整日後的一絲甜

最近，我有幸造訪了一家街坊壽司店，這裡的壽司不僅色香味俱全，還讓我感受到傳統與創新的完美結合。新鮮魚生刺身我們點了幾款招牌：加拿大海膽、赤背、珍寶帶子、左口魚等等… ….魚肉的鮮甜味道令人驚艷。特別是劍魚腩和左口魚，切工極為講究，肉質鮮嫩，配上少許的醬油，讓人回味無窮。接下來的壽司卷也不容錯過。這裡的壽司卷創意十足，像是「芒果蝦卷」和「軟殼蟹卷」，外酥內嫩，口感層次分明。每一口都能感受到不同食材的完美融合，特別是軟殼蟹的酥脆，為壽司增添了另一種風味。甜蝦壽司我最愛的當然是甜蝦壽司，蝦肉新鮮，彈牙，搭配微酸的醋飯，讓整個味道更加均衡。這一口下去，讓人感受到海洋的清新。服務體驗餐廳的服務人員熱情友好，對菜單的介紹詳盡，能夠根據客人的需求提供合適的建議。這樣的服務讓用餐體驗更加愉快。總結總的來說，這家壽司店無論是食物的品質還是服務的態度都讓我印象深刻。無論是壽司的口感還是創新的搭配，都讓我感受到壽司文化的魅力。如果你是壽司愛好者，這裡絕對值得一試！

上一手以前成日幫襯，轉手後第一次嚟。入到去首先覺得價錢驚喜，午市七八十蚊食到個刺身丼，有湯有沙律，而食物質素唔錯～ 跟住見佢五品刺身價錢好抵食，就叫咗份試吓。質素好驚喜，味鮮！厚切！呢個價錢真係可以 Encore!店主仲請我食鱈魚干，態度又親切。而家市道唔好，個個又北上，其實好嘅本地店舖真係要多多支持吓！最後兩份午餐加一份五品刺身，三舊水真係無投訴啦！

今晚同友人試試西環 寿司駅 平日晚上 店內 7時 幾乎滿座到那裏都習慣叫師父為我地擇幾款刺身大概我地無咩特別唔食既款式所以佢地提議既全部都 Ok 這個價格同區來說很合理 叫幾款還可要求放冰底 油甘魚頭燒得剛好很不錯 *再黎魷魚筒 飲返兩杯 而且 無限坐 時間 很適合朋友小聚 ~ 下次再去試下其他 食物 發現佢地熟食都款式幾多 聽店家說 泡菜 自家製 玉子自己煎呢個市道 這類年青人 開的小店 也不多店家說 21歲時 已在鴨脷洲大街 開過第一間寿司駅小店 8年 之後休息2年多再黎到西環 ~

記得在十多年前的一天 在鴨脷洲大街多了一間小小的壽司店 小店兩粒除了店主夫婦還有一個廚師一共三人 而且店裏食品款式多 長期人氣也非常火爆！店主亦非常有經驗酒店學師出生 的價錢超大眾化 而且裏面每一位都非常親民 行過都可以傾幾句 但在早兩年店主因為身體問題將店舖頂手他人 後來也結業了每次行過這個吉舖 留下了唏噓可惜 在月頭在社交平台裏見到寿司駅在西環重新開店 晚上收工馬不停蹄約朋友一探究竟 果然亦都見到熟悉的面孔店主夫婦 他們一眼便認得我記得我姓林 說到食物出品 款式竟然比鴨脷洲買的更多更廣闊 聽說這兩年間點主跟了日本朋友到南九州居酒屋工作了大半年 做過餐飲顧問 廚藝精進了 明顯地比以前更細緻！價錢亦都保持住良心價 因為天氣寒冷 今天主要食都是熟食 下星期會再到店裏試一些招牌刺身壽司 失而復得的感覺 曾經遺忘了的味道！ 多麼多麼的珍貴 ！

聽聞哩間野係以前鴨脷洲大街寿司駅最原先個老闆開的。鴨脷洲個時食過幾次都好幾年前了，記得個時又平又抵食。膽粗粗去試下先。最愛加洲卷、雞泡魚乾、燒三文漁水撥真係會食完再叫特別係燒水撥真係好好味、好好味、好好味重要的事要講3次！！！吖吖吖吖吖佢個石鍋飯有飯焦的，頂佢！我係出面食煲仔飯都未必有飯焦，佢個石鍋飯竟然有，講！你地係點做到的？救命我係咪太耐無食過好野？佢個左口魚刺身堅正。係燒過特別香，入口會溶又溶唔曬因為好大片下，真係好正！！！哈哈哈哈哈值得一提係佢地d壽司。小小一舊飯大大片刺身，係我食過所有壽司中比例最合我心水ge壽司，堅係無得頂！！！好耐無係香港遇過咁好態度同服務ge食市。坐底即針茶，我地有小朋友佢會主動針暖水，見杯小茶水又即針唔使叫，依家香港地ge食市有杯加檸檬片ge過濾水已經唔錯佢地竟然有熱茶暖水，好岩我。最尾賣單，個侍應羅左d雪米糍過離，我地話無叫甜品，個侍應話送俾靚女食😏😏真係好好口我係佢ge一聲聲靚女中迷失咗自己，我一定要再去食