壽司郎 (麗新商業中心)

营业中

休息中

位於荔枝角的壽司郎是連鎖迴轉壽司店，選擇多樣，出餐速度快。這次試的是炙燒牛油帆立貝、蟹肉味噌軍艦和唐揚炸雞。帆立貝炙燒後帶點焦香，牛油味不算濃但口感滑嫩；蟹肉味噌軍艦鹹香適中，蟹肉份量不多但味道平衡；唐揚炸雞外皮酥脆，雞肉多汁，熱度足夠。整體味道不錯，適合簡單的一餐。 環境： 店內整潔，座位安排緊湊但流動快。 價格： 屬合理水平。 食物質素： 食材新鮮，味道穩定，無過多調味。 食物種類： 壽司、炸物、甜品選擇多，定期推出限定款式。 如果你想試試日式快餐風格的壽司組合，這幾款可以考慮。

特選鰻魚。這款有點失望，一來不便宜，每碟只有一件，貌似矜貴，名字中標明特選，看來很吸引，但送來時挺失望，並不吸睛，它沒有光澤，感覺不太新鮮，師傅刀功麻麻，鰻魚塊看來不太完好完整，感覺上它甩皮甩骨，本想打個卡都拍不太下去，醬汁不足，沒有光澤，又薄切, 賣相真心不吸引，就像爭鮮三元一件的外賣壽司，店家應該控制和監察一下出品。相比之下，元氣的鰻魚壽司漂亮多了，起碼醬汁和色澤都是足夠的。這件壽司吃起來是不難食的，但沒有特別好吃，吃不出哪裡是特選，只覺得醬汁不夠，十分普通。這樣的質素不太建議點，希望只是個別情況。

在壽司郎一直都係以一碟碟壽司為主食，就算我午餐時間都是比較晏已到下午茶時間，之前一直都無諗過食依個Set，今次終於試下，食過後好有驚喜，烏冬口感煙韌，湯又不會太鹹，壽司亦不會因為下午茶set將貨就價畀啲擺咗好耐嘅食材，尤其呑拿魚壽司塊魚肉質素有如魚腩般，真係一個便宜之選。

幾個月冇黎荔枝角分店食，今次12點令來到攞飛，連網上訂位都要等成30張飛，不過最後都係等十幾張台就成功入到啦。今次試左好多新款壽司：北海道芝麻醬油漬寒鰤魚：口感好特別！好似啫喱咁，但唔太食得出魚味，朋友話冇醬油漬味道好食好多。醬油漬味道唔濃，芝麻唔香同埋有d影響口感添寧願佢唔落北海道芝麻油香炙燒鱈魚子海苔包：都幾好食既，但鱈魚子唔係特別香或者特別鮮味，不過呢個價錢絕對值得一試蔥三文魚軍艦：唔推薦，好肥但唔香，感覺比普通三文魚腩壽司漏斯氏平鮋天婦羅壽司：幾好食，魚肉都算滑，味道似九肚魚，荔枝角店炸得唔錯，夠乾身，推薦一試雷神卡達拉娜：唔知點解我食落有炙燒鰈魚裙邊既味，明明我已經食左薑清返個口朋友表示幾好食，但餅底唔似正常雷神乾有d脆脆今次兩條友加埋食左兩舊水咋，新款壽司夠抵食，值得一試

油甘魚-有色也有味。食落也有新鮮感。三文魚腩-大塊的，新鮮的。入口溶化。雜錦天婦羅-有南瓜，香菇，兩條蝦，炸葉，檸檬另上。記得叫天婦羅醬汁。佢哋係埋單時數碟的。整體而言都出乎地好食。

經常都去食壽司郎，因為性價比太高！價錢唔貴，但係食物嘅份量唔錯，壽司都大大件🤤食物種類都多，而且熟食嘅款式有好多，壽司，烏冬，揚物小食等等，小朋友都好多嘢可以食☺️所以好適合一家人親子去！雖然已經開業咗好耐，但係人潮仍然好多，手機Apps通常都攞唔到位🥹 walkin去拎飛有排等😌好彩附近有間戲院，又有金魚缸同埋貓Cafe，等嘅時候都可以消磨時間。入座後60分鐘用餐時間，不過勝在食物速度好快，所以其實時間都夠用嘅👍🏻👍🏻職員好準時就收枱，下次有機會再食過

壽司郎喺2月份推出咗多款新品，對於已經對恆常菜式有啲厭倦嘅我嚟講，呢次真係唔可以錯過😋🌟炙燒中吞拿魚腩配蘋果芥末醬醬汁偏鹹，雖然有蘋果碎，但未能突出蘋果同芥末嘅味道。魚腩有筋，創意不錯，但味道一般🌟松露香氣壽喜燒牛排壽喜燒汁稍多，但配上類似蛋汁嘅黃身醬，確實非常夾牛肉，可惜未能品嚐到松露嘅香味🌟炙燒焦糖鵝肝焦糖脆口，燒得恰到好處，但鵝肝味道略嫌不足🌟松笠漬鰨烏賊界花魷魚有高級壽司店嘅感覺，但醬漬時間可能太長，略嫌偏鹹🌟特盛帆立貝帶子鮮甜，加上三文魚子有少少鹹鮮味，整體不錯🌟炙燒天然金目鯛炙燒得宜，無論聞落去定食落去都有燒香嘅香味，但魚肉偏鹹，未能突出魚嘅原味🌟青森縣產比目魚比目魚有其特有嘅魚味，但唔知點解有少少鹹🌟北海道產公魚天婦羅炸得香脆，完全唔油膩，必試！🌟三文魚三貫性價比高，有三件壽司，魚味唔錯，食咗兩碟🌟濃厚海膽拌麵海膽汁調味得宜，上面仲有一小塊海膽。唯一係麵條有少少鹼水味未完全去除壽司郎近期推出咁多新品，排隊人龍一定又長咗。但如果有時間，真係值得一試。以迴轉壽司嚟講，佢哋成日推出新嘅創意壽司，確實幾有心思🫶🏻

🥢壽司郎的蝦三味壽司、三文魚腩壽司和蟹肉蟹膏壽司絕對是值得一試的美味！首先，蝦三味壽司由赤蝦、熟蝦及甜蝦組成，口感鮮甜，令人回味無窮，特別適合喜愛海鮮的朋友。接著，三文魚腩壽司則以其豐富的油脂和滑嫩的口感，讓人每一口都感受到滿足，非常適合搭配醋飯。最後，蟹肉蟹膏壽司的蟹肉新鮮，蟹膏香濃，是海鮮愛好者的理想選擇。這三款壽司不僅色香味俱全，更是聚會或約會時的完美選擇！終於食壽司朋友真係不能夠錯過呢一間餐廳！抵食！

平時做嘢做到肚餓～首選一定係壽司郎下午茶（平日3.4點冇乜人排隊) 呢一個烏冬茶餐CP值100💯💯💯💯💯💯另外再加四件壽司$40已經可以填飽咗個肚仔。首先講吓佢哋嘅烏冬，口感煙靭得來好有彈性🤣（我唔鍾意食啲太淋嘅麵），湯底係偏清淡，完全唔會覺得油膩同Heavy😋 壽司方面都性價比高，三文魚都係新鮮鮮甜～

《壽司郎。螃蟹祭》🥢😋🥢😋🥢😋🥢😋🥢😋🥢😋🥢呢排壽司郎推出螃蟹祭，主打親民價錢，滿滿蟹肉高質料理！各分店都有供應，配搭壽司、天婦羅、蟹肉可樂餅等，CP值爆燈，蟹迷必試！🦀🍣🦀特大珍寶蟹柳天婦羅｜$17足足有2隻手板咁長，好有飽肚感🦀魷魚筒飯配(魷魚鰭‧魷魚鬚)｜$22魷魚筒入面包住飯粒，雙重口感🦀稻烤拖羅鰹魚｜$12拖羅油香四溢，入口即溶🦀蟹肉忌廉可樂餅｜$17炸得好脆，入面一咬開就有忌廉既流心🦀日本產原隻帆立貝｜$22大粒d既帆立貝，不吃也行🦀咖喱烏冬｜$28咖喱味好濃，但係好似即食咖喱撈烏冬舔脷等級: 7/10😋😋😋😋😋😋😋🏠 壽司郎 荔枝角店📍麗新商業中心地下G38號舖

啊！好耐冇食壽司喇！真係好想去食壽司！哎呀屋企附近有間壽司郎，成日好多人排隊，攞唔到位。咁啱今次冇人book，我哋攞到位，同屋企人一齊去食返一餐壽司，好開心壽司朗裏面嘅壽司多姿多彩，十分新鮮並且好味。有老人家唔食得太多生意生嘢，我哋就叫咗一個烏牛肉冬烏冬，好好味，再要多一啲燉蛋俾老人家食，燉蛋好滑，好有蛋味，我哋後生叫了多種壽司，琳羅滿目，唔能夠續一描述，總之好食啦！食飽壽司之後覺得十分之滿足，好有幸福感😁😁😁

壽司郎一月蟹祭終於番嚟啦～今次有超多唔同種類嘅蟹肉～各種蟹腳蟹爪蟹膏都有❗️而且仲有蟹肉可樂餅、茶碗蒸、麵豉湯同拉麵，全餐都可以用蟹肉解決🥺而且仲有新嘅黑毛和牛配鵝肝❗️今次好食過之前嘅焦糖鵝肝好多🫶🏻一定要嚟試吓🫶🏻——————————————**生松葉蟹腳蟹腳有透明嘅肉色，食落好水嫩，可能會有少少海水嘅鹹味🥺但入口鮮甜**特大珍寶蟹柳天婦羅超級長嘅天婦羅！入到嚟見到嗰個枱邊都有一條超搶眼😂😂薄薄嘅天婦羅脆皮唔會搶咗蟹柳嘅味道～**丸蟹大爪肉蟹腳嘅質地更加彈牙同厚實，食落有更多嘅口感同蟹味！大推🫶🏻**黑毛和牛配紅酒鵝肝今次嘅鵝肝更加好好食～而且和牛都大大塊🫶🏻一啖食晒好過癮**意大利開心果芝士蛋糕食落有少少果仁碎碎～但開心果味唔濃🥺

# 壽司郎的美味壽司做早晨今朝，我早早便來到壽司郎，準備享受一頓豐盛的早餐。這裡的壽司、烏冬和蒸蛋不僅色香味俱全，更是讓人一試成主顧的美味。## 壽司首先，壽司的選擇非常多樣化。我點了幾款經典的壽司，包括鮭魚、吞拿魚和蝦壽司。每一口都能感受到新鮮的海味，魚肉鮮嫩，與醋飯的微酸完美結合。特別是鮭魚壽司，油脂豐富，入口即化，讓人忍不住想再來一份。## 烏冬接下來是烏冬，這碗熱騰騰的烏冬湯底濃郁，帶有淡淡的柴魚香氣。麵條彈牙，吸收了湯汁的精華，讓每一口都充滿滿足感。我還加了一些蔬菜和蛋，增添了口感和營養，真是一碗令人心暖的美食。## 蒸蛋最後，蒸蛋是我今天的驚喜。這道菜看似簡單，但卻展現了廚師的高超技藝。蒸蛋滑嫩如絲，口感細膩，還帶有淡淡的鮮味，讓人一口接一口。搭配一些醬油，風味更上一層樓。## 總結總的來說，壽司郎的早餐選擇讓我非常滿意。無論是壽司的鮮美、烏冬的暖心還是蒸蛋的滑嫩，每一樣都讓我感受到食物的魅力。下次我一定會再來嘗試更多的美味！

平時都鍾意去到壽司郎食嘢，不過最憎最憎最憎就係排隊囉。今次真係好好彩有人排定隊等我嚟。因為我話好想食新出嘅鵝肝壽司。今日真係試到啦。焦糖面脆脆的，鵝肝都算幾滑溜。唔錯唔錯，最尾每人食到兩碟。今次呢個新出品都幾唔錯，價錢又唔貴。希望keep住長期喺Menu啦！咁當然除咗食鵝肝壽司之外都一定要幫襯返之前鍾意食嘅鮟鱇魚肝軍艦，螢光魷魚，同埋鯖魚押壽司款款都係我最鍾意的❤️ 幸好壽司郎好多分店，嚟緊幾日諗住做完嘢自己再去嘆番下啦。

因為見到壽司朗嘅社交平台page有新嘅菜單好吸引，於是今日嚟到荔枝角分店試試佢。炙燒焦糖鵝肝 $17 - 焦糖配鵝肝嘅感覺係好夾，鵝肝仲要入口即溶，性價比甚高，忍唔住叫左兩碟。寒鰤魚腩 $17 - 大大件，仲好肥美，性價比又係好高。呢兩款新出都係好吸引！！！醬烤鰈魚鰭邊 - 個人認真食壽司必食，又係入口即溶，暫時都覺得壽司郎嘅左口魚邊係可以keep到一貫水準。極上海膽海苔包 - 又係我食壽司郎必點之一，暫時都未遇到會好腥嘅海膽。