寶石餐廳 (已改名) 查看

寶石餐廳「THE DIAMOND RESTAURANT」，位於元朗，是一家於2017年開業的西餐廳。前身以港式情懷的懷舊鐵板餐著稱，2024年全新裝修，搖身一變成為一間悠閒、融合多種菜式的西餐廳。這裡的大廚擁有多年西餐經驗，創作出多款新菜式😍推介晚市二人餐$498，已包括當日餐湯、沙律、前菜、飲品和甜品🤩前菜有兩款，自家醃製的刁草三文魚和胡麻核桃煙肉羅馬生菜沙律，搭配南瓜忌廉湯和酸種麵包🤤主菜: 炭燒紐西蘭PS頂級牛肉眼扒和孜然風味肉醬意粉，有創意又好味道😋甜品部分，自家製的意大利奶凍和乳酪，為這頓美食盛宴畫上完美的句號!!The Diamond 是元朗少有的大間西餐廳，想開大型聚餐最多可容納100人，設有舒適的座位和長卡座🍸

今次喺元朗食嘅呢餐非常滿意，所以要開心share下。呢度環境非常唔錯，好有格調，令人感覺好舒服。可以喺Main Menu揀一款主菜，加$48就可以升級套餐，咁就可以有埋餐包、餐湯、飲品、甜品。餐湯我揀咗羅宋湯，係一個非常濃郁嘅雜菜湯，酸酸地好開胃。餐包好軟熟，好新鮮。主菜方面，我點咗風乾煙腩卡邦尼意粉，意粉煮得啱啱好，al dente，好鍾意佢嘅口感。卡邦尼醬汁比較杰身，好容易掛喺意粉上面，煙肉好香口而且脆脆地，每啖意粉嘅味道同口感都好rich。飲品方面，drink menu 非常吸引，特別係水果茶。但今日我都係想飲熱飲，所以點咗杯熱奶茶，奶茶都幾大杯，幾香滑。下次再嚟要試吓佢嘅水果茶。甜品我揀咗乳酪，乳酪嘅質感比較杰同厚身，配上百香果果醬，味道豐富。

今日同朋友響元朗行街，見有啲肚餓，於是去元朗搵好嘢食，幾多上網好多人推介呢一間寶石餐廳，新裝修，全面改革，而且菜式非常多元化，鋸扒一流，於是去試吓，估唔到非常有驚喜， 侍應服務好好，好親切，而且環境裝修真係不得了，非常高級，而且食物質素好高，所以真係有啲推介俾朋友話，而且環境坐得好舒服，又乾淨又衛生，真係唔錯呀，而且好多都提供長卡維爾梳化燈為主，所以我真係覺得好適合一家大細，或者情侶拍拖嚟食飯啊，呢度嘅餐湯係用南瓜忌廉湯，亦都有粟米忌廉湯，都係好好飲，湯味非常濃郁，而且錢財都有挪威三文魚，或者沙律做配搭，真係非常有口感，好好食呀，非常開胃，仲有我都好推介佢哋嘅紐西蘭肉眼扒，聞到香噴噴，即叫即整，非常新鮮，而且肉眼扒非常之口，睇得出廚師好有心機，賣相非常高檔，而且呢度嘅餐廳下市區都食唔到啊，而且大大嚿，啖啖肉，真係物超所值啊，而且我都好推介佢哋嘅二人餐，因為有餐湯，沙律，前菜，飲品仲有甜品，我哋仲特別推介佢哋嘅酥皮忌廉湯，紅湯滿滿，仲有好多雜菜，音樂非常正常，好飲，而且酥皮覺得非常好啊，所以我真係好推介

逆市之下重新裝修開業，可見實力非凡，經過全面裝修及改革，菜式也更加多元化。室內環境悠閑、座位舒適，空間寬敞屬元朗少有大規模，提供長卡位配沙發櫈為主，不論二人拍拖或家庭朋友聚會都能容納。套提供酸種麵包藍，元朗比較少見西餐廳會提供酸種麵包，配合牛油更加美味。餐湯是南瓜忌廉湯，雖然是餐湯但一點也不馬虎，湯味濃郁順滑。前菜是自家醃製的刁草挪威三文魚，鮮嫩口感並散發出沁人心脾的淡淡煙燻香氣，搭配上新鮮的生菜，清爽宜人。主菜是炭燒紐西蘭PS頂級牛肉眼扒，肉質鮮嫩多汁，難得的肉質不韌，每一啖都能吃出肉汁的醇厚。伴隨薯菜、車厘茄、翠肉瓜增添了清爽口感。主菜還有風乾煙腩卡邦尼意粉，入口即感到香氣四溢，煙腩肉的煙燻香氣和帶出嚼勁，令口感層次豐富。甜品方面，自家制意大利奶凍甜度適中，細滑順口。加$48的意式咖啡提拉米蘇入口綿密細緻，甜而不膩，充滿咖啡香氣。寶石水果茶是推介必飲，新鮮生果呈現出健康的元素，清新解渴，非常適合這個炎熱的夏天。

今日堅想食肉，但唔係想食高級果種。🤣類似花園餐廳，元朗安娜果類我就ok。咁諗來諗去睇下元朗有冇新餐廳又類似，就醒起呢間寶石餐廳喇。鐵板！大大舊肉，啖啖肉。落好單黎個紅湯，唔會水汪汪溝過水，非常好。紐西蘭肉眼扒煎到香噴噴，非常香，即時食慾大增。且肉眼扒足足有2大塊，每塊份量比一隻手心還要大，足料!! 肉眼扒無overcook，切落去仲見到裡面非常吸引的粉紅色，擺入口唔會乾爭爭，咬落肉質juicy，一啲都唔刅，好吃。另外本人非常中意食洋蔥同薯格，而尼度既鐵板餐居然同時滿足到我2大喜好，仲要份量非常多，絕對會encore😆紐西蘭肉眼扒餐：$198📌寶石餐廳🍽️元朗元朗安樂路1-11號明珠樓地下7-9號舖

今晚入元朗試下懷舊扒房寶石餐廳，門面一整面紅磚牆相當顯眼，入到餐廳散發一種年代感，裝飾枱櫈每一個細節處都滲透懷舊色彩。肚仔有啲餓同老婆點左個鐵板二人餐，有多士，餐湯，沙律，主菜，飲品同甜品。我要左個羅宋湯，老婆就升級做酥皮忌廉湯，紅湯滿滿雜菜，飲落正常，酥皮焗得幾好，不過白湯味道就麻麻，沙律揀左蒜蓉炒雜菜，食落淡淡蒜味，雜菜有口感，比普通沙律吸引。主菜方面我就貪心啲點左鐵板美式雜扒，老婆就係鐵板紐西蘭肉眼扒，兩份鐵板來到嚇左跳，份量超級夠。雜扒有豬扒，雞扒，牛扒同一塊煙肉，每塊扒都有肉味，雞扒仲算嫩口唔柴，牛扒薄薄地都有烤紋，誠意十足。紐西蘭肉眼先誇張，大大塊又夠厚，食落肉味都幾濃，點左五成熟都係六成熟。不過真係太大份食唔哂，最後甜品都食唔落，飽住個肚走人，呢個二人餐真係夠哂三個人食，正宗大件夾抵食。

👎🏽👎🏽👎🏽👎🏽👎🏽👎🏽👎🏽👎🏽👎🏽👎🏽👎🏽午餐叫咗個肉眼牛扒+雞扒包牛扒同普通茶記茶餐一樣薄 好咸🤮雞扒包仲差 只係夾咗好少嘅雞肉粒 完全貨不對版 真係忍唔住要退咗呢個餐問咗樓面話會同老細反映 唔知會唔會改返但真係冇下次😮‍💨其次牛扒俾好少汁 加汁要加$2 小家🙂又係信咗啲影片分享網站介紹去試吓😐如果唔係塊雞扒差咁遠 真係多一事不如少一事 但扒變粒真係攪唔掂🫥

早前受大數據影響，買咗《最HIT音樂劇及電影名曲》既音樂會門票🎫！為咗去睇音樂會，於是小妹一家山長水遠入嚟元朗，展開愉快飽飽的元朗半日遊❣️未出發先興奮😆，好幾年前都有帶小妹父母入元朗食嘢，相隔多年後再次「入境」，小妹父母已經係$2長者嚕。同平時一樣望下google map先，發現一間餐廳與元朗站幾近，而佢就係《寶石餐廳》。《寶石餐廳》行懷舊風格，一入眼簾係一大幅瑪麗蓮·夢露的階磚畫，其次係好多心心氣球🎈，因為早幾日係情人節🤭；餐廳所播的音樂係小妹父所認識，一聽就知歌名同邊個唱，其中還有小妹父愛曲《Hotel California》添，真係嘆住美食享受人生～♥︎美食款式都好多選擇，扒類、意粉🍝、飯類、沙律、甜品、飲品⋯餐飲除了包咖啡奶茶、檸茶檸水外，仲可以叫特飲，而特飲餐牌上有好幾款初次見既飲品😍，例如經典紅牛（蕃石柳梳打＋士多啤利雪糕）&經典黃牛（忌廉＋芒果雪糕）⋯真係好有特色㗎！我地一行四人分別嗌咗：🐄頂級安格斯牛小排配牛肝菌忌廉燴意粉🐖香煎西班牙豬鞍配蜜糖芥末汁🐚自家製青醬海鮮意大利飯🥗煙三文魚芒果沙律🍌香蕉焦糖牛角包窩夫配雲哩拿雪糕▫️餐湯羅宋湯、蜆肉粟米忌廉湯▪️餐包居然係烘多士🍞▫️

夜晚同老公產檢完，即刻喺元朗搵食，本身諗住食泰國嘢，點知要等位，再行返去後啲諗住食“年份餐廳‘’，但又唔太岩食。望入巷仔遠處，見到有間疑似餐廳嘅舖，行過去睇，真係餐廳！仲係懷舊扒房，哇！見到真係兩眼發光，一入到去裝修真係以前舊式扒房咁，好似穿越左時光隧道，去左以前年代咁😊.我哋叫左寶石鐵板二人餐，揀左蒜蓉炒雜菜，套餐包多士同湯，我哋揀咗羅宋湯。扒方面，揀左寶石鐵板烤墨西哥風味燒雞（半隻）同埋寶石鐵板紐西蘭肉眼扒，要蒜蓉汁。有兩杯餐飲，最尾甜品揀左布甸同啫喱.舊式扒房，好似返左以前咁😊播住英文舊歌，好有feel~.睇過度過，二人餐最化算.多士及羅宋湯野食上得都幾快，QR CODE落單後無耐就黎野食。羅宋湯好好味😋好足料，酸酸地帶少少辣，好中意飲好多菜、依種味道嘅羅宋湯。真心，依家都係似乎得傳統扒房先飲得返依種味道.蒜蓉炒雜菜因為唔食得生野，所以唔會揀沙律。炒雜菜又係好好味，原本冇咩期望，以為冇咩味，亦唔會太多款菜，但食落驚喜，炒得好香，帶牛油味，有唔同款式嘅菜，對於好中意食菜嘅人黎講，食到一碟好食嘅菜真係好開心😋.餐飲☕️美中不足係餐飲好快就上左，食晒啲野後，杯野飲都凍晒.寶石鐵板烤墨西哥

本身諗住同屋企人食對面果間，但太多人等，小朋友又餓，就入咗呢間餐廳。早兩年食過呢度嘅午餐，覺得還可以，所以就入座。入座後原來而家係用QR Code落單，咁落單後就見餐具唔齊又冇杯，就問人拎啦，點知個姨姨嚟到就話：要一個杯呀？ 我話我4個人喎，同埋冇餐具。 姨姨晦氣：你檯面咪有餐具囉。 我： 我點用一個匙食? 姨姨還拖： 你都係要支叉啫 我：。。。。對唔住呀，寶石餐廳，妳係老字號，我唔應該對妳哋有要求，我更唔應該高攀妳。 我下次應該返去妳對面果間。

今日同母親大人嚟咗間懷舊扒房撐枱腳，餐廳位於大街行入小巷嘅轉角位置，餐廳門口嘅紅色磚頭睇落好有歷史🫣餐廳分別有兩個二人餐可以選擇，食客亦都可以散叫其他食品～今次同媽媽兩個人揀咗個寶石鐵板二人餐，分別係紐西蘭肉眼扒同紐西蘭牛柳🥩一般餐廳前菜都只係提供沙律，而呢間餐廳就提供埋蒜蓉炒雜菜。基於養生理由，小妹最後都係放棄生冷嘅沙律，揀咗蒜蓉炒雜菜🤣蒜蓉炒雜菜嘅份量適中，由多種蔬菜同瓜類組合而成，重點係上枱嘅一刻仲出緊煙💨餐湯有別於一般飲開嘅羅宋湯，屬於舊式羅宋湯～質感相對比較稀，但絕對真材實料亦都好夠味(湯入面有手指咁粗嘅薯仔同蘿蔔仲有唔同種類嘅菜)👅由於同媽媽都唔鍾意鐵板嗰種’咋渣聲’嘅感覺，所以特別請餐廳改用瓦碟上菜～兩款牛扒分別都係用網燒，食落仲有少少炭嘅味道🤭紐西蘭肉眼扒牛味香濃紐西蘭牛柳肉質鬆軟套餐仲包埋飲品及甜品甜品仲可以選啫喱或者芒果布甸個人選擇左芒果布甸入面，真係有粒粒芒果㗎🤤總結就係呢間餐廳性價比高，如果想食到舊式扒房嘅味道，建議大家可以嚟試吓🥰

幾張枱包括我自己都QR code落完單半個鐘都未出菜，我老婆都食完，幾張枱問侍應點解無出餐，有各種藉口：一係就話出緊，一係就話壞機諸如此類。我有少少嬲嘅不過心諗都唔會再泥，索性寫食評等大家知道入到去無談好食就算，Peace。仲有一樣仲爆，我起身個下成張sofa可以鮮走。差啲撞到後面個呀伯，佢仲啤住我，諗住食餐飯可能隨時變打鬥場面，傢俬各樣都有問題。

[✨CP值高嘅懷舊港式扒房🍴]#寶石餐廳 位於元朗嘅寶石餐廳，入面嘅裝潢好有時代感😙就好像去了幾十年前的香港。環境舒服，卡位空間大，加上懷舊嘅燈光，如果有埋駐場歌手👨‍🎤👩‍🎤係度，就真係變左80年代港式扒房嘅完美體驗啦!😎🤣💞寶石鐵板2人餐 $318 ( 前菜 + 湯 + x2主菜 + 甜品 )🔸前菜 蒜蓉炒雜菜好少見呢種前菜🥬? 不過整得比想像中好。有好香蒜蓉味！雜菜🥦款式亦頗多，炒得又幾好味!😊🔸忌廉湯湯有D失望，唔係話難飲唔好飲🤔，不過佢唔係嗰種好濃好Creamy嘅忌廉湯🤫🔸寶石鐵板鴛鴦羊扒 配薯條 (+$10)薯條正常質素但係份量都幾多，羊架🐐好肥! 羊味雖然唔係太重但亦都無咩臊味，配菜有西蘭花、粟米、番茄仔。☺️💕羊西冷就比較細件，臊味亦都係無咩既，呢個價錢黎講都算合格既!👍🏻🔸鐵板紐西蘭牛柳 配薯條 (兩件)肉味🥩雖然唔算好濃，但食落幾嫩腍，調味亦足夠。因為有兩件嘅關係份量都足夠，配菜同羊扒既一樣🫣🔸甜品 - 芒果布甸🍮芒果味都算濃，份量適中。✨總結比較傳統嘅舊式港式扒房，當然同高級西餐廳係無得比，但300幾蚊就有2人份嘅前菜 + 湯 + x2主菜 + 甜品，CP值絕對係高

今日黎到一間港式西餐廳食鐵板餐，叫左一份坑燒鐵板牛肉眼扒既lunch set配薯條及黑椒汁。牛扒略嫌偏熟，而且亦冇問客人想要幾成。但整體咬落都有肉感。環境不俗，可懷念一下細個食到份鐵板餐既感覺。

今天在元朗搵地方食午餐，剛巧去到寶石餐廳門口，見到午餐只是六十幾蚊，有扒又有湯和飲品，咁你入去試下！入到去仲有梳化嘅卡位，坐得舒舒服服！重可以用手機落單，比較方便！我快趣咁就order咗個香煎魚柳加蛋，再配時菜，加上忌廉湯同埋熱奶茶；忌廉湯就真係普普通通！感覺係用粉開，而奶茶完全冇苦澀味，水吧師父真係有啲功力！而香煎魚柳有成尺長，真係好抵食！時菜雖然凍凍地，但係都尚算新鮮，食落都覺得唔錯！只係六十蚊，唔駛加一，真係坐得舒適，食得合適！