寶時茶餐廳

营业中

休息中

雖然屯馬線通車但是土瓜灣仍然保持舊區情懷今天到土瓜灣辦點事經過寶時茶餐廳看進去嘩是我小時候幫襯茶餐廳的景象還是紙皮石地板卡座、木櫃收銀枱而且還有樓梯上二樓雅座呢現在這類仍然保持著老香港情懷的茶餐廳實在不多有樓梯上二樓樓上雅座兩隻寶龜，在樓梯望街景。既然是「吃情懷」對食物質素要求當然不會高早餐很正常價錢合理火腿通粉、西煎雙蛋、牛油方包熱奶茶、凍鴛鴦……全部不過不失但是單單來懷緬過去已經值回票價奶茶和凍鴛鴦好味

十分失望，抱著對呢間期待嘅心情食食吓見到隻曱甴真係咩都嘔晒出嚟，好彩冇吞落去….原本個阿姐攞返走仲要收返我奶茶同煎蛋錢，嬲到爆，完全對客人冇歉意，態度依舊惡劣。

坐樓上，座位舒適光猛，坐到有啲唔想走真係幾舒服，相比樓下，睇落樓下就比較暗同逼夾，叫咗午餐時菜排骨飯，份量正常，味道亦都係正常一般茶餐廳水準，價錢亦都唔貴。食得過

今日大約11:20am去到，上咗2樓窗口位坐低，舉手示意侍應落單，一個比較年長嘅女侍應見到我舉手，但係放低咗隔離枱個餐之後就走咗去，行到去最埋邊樓下傳餐上去2樓嗰個位先至問我食乜，個距離應該至少有15尺，咁我大聲嗌嘢食，茶餐廳呢啲落單形式無所謂嘅，我嗌咗個全日早餐B沙嗲牛肉通粉，因為係遠距離落單，所以過咗一兩分鐘後我襯個女侍應行嚟我嗰邊就弱弱一聲（因為覺得有少少煩住佢咁）同佢講個沙嗲牛係要通粉，唔係麵嘅（個餐本身係跟麵），但係佢好唔耐煩躁底同我講‘咪落咗囉靚女’，然後行咗去，20分鐘後啲嘢食嚟（今日整嘢食時間較平時耐唔知係咪因為年廿八），個女侍應好大力咁將碗通粉同埋碟煎蛋放落我張枱度，之後我一路食見到佢同其他客人拍晒膊頭，唔該前唔該後，完全係雙面人。雖然我唔係熟客，但間唔時去開土瓜灣都會去寶時食嘢，因為餐廳老闆同埋一個比較年長嘅男侍應態度好好，嘢食又ok，同埋呢間係剩返好少有樓上雅座嘅地區老店茶餐廳，我覺得好值得支持，不過所謂一粒老鼠屎係會毀咗一間餐廳，我唔會再去幫襯嚕。

今朝同屋企人食早餐！一入到去好懷舊既感覺！好似拍戲個啲畫面咁😂😂😂早餐有3個餐，我嗌左沙嗲牛肉麵，拼餐肉蛋☺️沙嗲汁好濃！牛肉夠滑，蛋仲要係流心而且係孖蛋喔！嗌左杯凍奶茶！茶底夠濃員工好好人，好有親切感☺️老友記 記性仲好好添☺️環境好懷舊，佢地既服裝都係以前咁既樣上層唔記得影相，佢有個送餐lift ， 即時送上去，有個勁大既窗口位，好通風好涼爽！一早坐係個個位嘆番杯熱奶茶！就有個good morning啦😊😊😊

【九龍城區】【寶時茶餐廳】我真係好唔想寫呢間，因為我已經霎時咁愛上咗呢間餐廳，暫時都將佢視為一個「鐵竇」。而呢啲地方我真係好怕會「捧紅咗」，佢嘅賣點就係懷舊，就係嗰種香港嘅老味道，太多人去踐踏佢嘅話，隨時保唔住現有嘅狀況。食物就唔係話變化萬千嗰種，都係啲冰室茶記嘢，我第一次去叫咗個 $36 嘅「全日早餐B」，主食係「沙爹牛麵」，都係一碗好普通嘅沙嗲牛肉麵，冇乜特別。配菜「餐肉煎雙蛋」都係啲普通嘢，明知佢係一個扒爐攪掂晒嘅。而「牛油方包」我就加 $1 烘底令佢變成「牛油多士」，好食咗。杯茶緊要，嘢飲點都飲「熱奶茶」，細杯啲，但味道唔錯，係一杯好嘅奶茶，呢餐埋單 $37 但我知道實有下次。睇定第二次實要食 $6 嘅「卷蛋」，睇吓點。結果佢都唔錯，有機會會再叫。呢次我仲叫咗 $24 嘅「鮮油菠蘿」配「凍奶水」，相當肥仔，夾埋 $30，正。見佢哋手寫貼牆嘅餐牌仲有啲飯類可以揀，有機會點都要食「豆腐火腩飯」，如果係同女同事食，肯定非常浪漫。。。按：喺寫好稿同出 post 之間嘅空檔期，我已經忍唔住去咗食「是日快餐」嘅「豆腐火腩飯」配「凍奶茶」，的確係幾正。同埋，咁樣嘅配搭組合都係講緊用我 $44

極之懷舊茶餐廳，於土瓜灣開業超過半世紀，我童年住在附近都是常客，長大後幫襯次數變少了，但凡經過土瓜灣都會回味一番。#沙嗲牛肉米/麵今次我們叫了個全日供應的全日早餐B，沙嗲牛肉大大片，沙嗲汁味燶但唔太熱，湯米粉同麵就正常沒有特別，雙蛋一向煎得很好，可惜其中一份的蛋爆了漏汁，牛油方包依舊係以前用白麵包飛邊嘅模樣，凍凍的。#凍奶茶茶膽煲得香濃有茶味，店舖內都聞到煲茶香味。舊式卡位，新鮮出爐蛋撻，藍白紙皮石，牆上手寫餐牌，樓梯往閣樓雅座，運送食物的電梯，價錢經濟大碟，食物質素一如以往，但情懷卻是大於一切……#寶時茶餐廳地址：香港土瓜灣下鄉道43號

大隻仔今次覓食嘅店舖就係💥 寶時茶餐廳 💥 大隻仔今次係第三、四次嚟「寶時茶餐廳」，吸引大隻仔既原因就係餐廳懷舊，內置樓梯，分上下層，喺香港真係買少見少。餐廳闊落，座位唔迫，枱與枱之間疏遠，冇壓迫感，雖然裝修比較舊，但環境寧靜，感覺好舒服。一坐低就會送上一杯熱水浸住叉羹，而家大部分茶餐廳都唔會主動送上熱水，而且餐具都要自己櫃桶拎。準備走嘅時候，姐姐過嚟收野問係咪走啦，大隻仔答完之後，姐姐就跟住同大隻仔講多謝晒，姐姐勁有禮貌，呢啲係咪就係老店先有既人情味。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️抵食 ⭐️⭐️⭐️⭐️⭐️服務 ⭐️⭐️⭐️⭐️⭐️環境 ⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯🔥 豆腐火腩飯 $40「男人的浪漫，豆腐火腩飯」😂😂碟頭睇落以為份量好少，食完超級飽，火腩飯好夠味，加埋辣椒油撈飯食一流，但白飯底唔夠軟綿，比較粗糙，比較散。🔥 例湯 - 蕃茄薯仔豬骨湯 $0例湯大大碗，好夠熱，出晒煙，味道夠，唔會太稀，幾好飲。材料豐富有南北杏、粟米、蕃

想食懷舊風 街坊價 值得一試平時下午茶 我食鮮油菠蘿包餐$22非常抵食 性價比高 熱奶茶唔錯菠蘿皮夠脆 鮮油夠厚 有機會補番相其它多士餐都係$22雙拼三文治餐好似$30(多士/三文治未試過 不評論) 街坊話炒嘢得又試下佢干炒牛河唔錯 河粉爽囗 牛肉有汁韭黃 芽菜 青蔥脆口無青味 加分乾身唔會好油 伙計主動遞上辣椒食完碟底測試理想凍飲＋$2, 啡一般下次都係飲返熱奶茶 老店一間 古舊裝修 街坊小店只做早 午 茶餐 街坊價錢 街坊服務午餐都係$40 出品亦對得起價錢老闆帶點傲氣 不做晚市 星期六全日休息

極之舊式的茶餐廳，位於土瓜灣比較遠的地方，好像還有樓上閣樓，不過第一次去，未有嘗試上去上面。坐樓梯底的位置可以見到水吧位的師傅工作由於不算太肚餓，於是只點了個常餐，沙嗲牛肉麵的麵條算是挺為彈牙爽身，牛肉都不算太少，而且沙嗲汁不會太過涼，算是不錯的常餐麵條湯底不太濃，夠熱燙的蛋煎得相當好，餐包沒有特別。不過以舊式餐廳來說，它的奶茶都算挺濃香，茶夠濃，煉奶不太甜膩，不過服務態度挺為不錯。不論年輕人或是中年漢都夠親切

去到寶時茶餐廳，未步入餐廳，係門口已經強烈感受到老香港味道！踏入餐廳，就好似坐多拉A夢時光機，即時帶我去翻70年代嘅香港，當時嘅餐廳，甚至家居，都用緊寶時地板嘅紙皮石，一模一樣！即使果杯0茶鬼咁細杯，牛肉麵嘅牛肉唔夠隔離神采餐廳嘅軟滑，都無所謂了，香港情懷大於一切了.....

屯馬線開通之後，去土瓜灣真係方便好多，唔使再左轉右轉，趁放假一於過嚟搵吓嘢食，搵到呢間懷舊茶餐廳，馬賽克地磚，絕無僅有嘅閣樓設計，全香港應該所剩無幾全日早餐全日供應，有3款選擇，點了B 餐沙嗲牛肉麵 $34▶️麵煮得爽彈，牛肉都好有肉味，沙嗲汁湯底亦夠濃味▶️餐肉煎雙蛋配方包，沒有特別，勝在食晒應該夠晒飽肚▶️至於奶茶，味好濃郁，夠香滑，奶同茶比例非常好價錢嚟講就算抵食，環境尚算乾淨企理，順路經過一試無妨

經過土瓜灣咁岩見到呢間懷舊冰室，香港而家越來越少了，望入去環境都幾乾淨企理，所以都好有興趣入去試試。一坐低觀察下啲食客會叫啲咩跟住叫實無死啦見到好多都叫沙嗲牛肉麵，所以我都叫碗試下再加多杯茶走。碗麵個賣相都好吸引，食落去果然有驚喜，牛肉一d都吾‘鞋’仲好滑，個沙嗲汁夠濃味，但又吾會太鹹，杯奶茶亦都好香滑，重點係呢個餐只係$28蚊，加4蚊仲有埋方包加煎蛋or火腿/午餐肉，呢個價錢黎講真係抵到爛，仲有老闆服務態度超好，下次一定再黎食

土瓜灣呢間老式茶餐廳， 相信已經陪伴咗唔少人半個世紀， 今日一入門口 見到附近好多街坊刨緊報紙，哈～應該 係附近近馬會， 聚集咗好多賭友們～單睇仲門口已經非常有粵語片時代感覺。舖頭入面隨便影一張相，就可以塑造菲林黑胶相復古風。字體整齊可愛。炒貴刁麵質唔碎， 一條條幾完整 ，可惜油份過重， 味道不夠。唔係好多地方都有得食嘅乾炒牛米， 比起乾炒牛河油膩感無咁重，牛肉都夠林，大大碟40蚊， 抵食

又黎土瓜灣買餸食晏，今次走左入黎依間舊式茶餐廳。其實我懷疑老公對茶餐廳情有獨鍾😂入到黎見到有位，再望見到有有條樓梯就上左去。上到黎感覺好唔同，好有細個去茶餐廳既感覺，佢仲用緊好舊式送食物上黎既機器，懷舊地磚、冇窗花既大窗，同寫到明唔準係度食煙，但都照食既亞叔😂😂😂我地點左個窩蛋牛肉飯同瓜粒湯飯。個窩蛋牛肉飯未影相老公已經好快手咁撈左😏不過你會見到肉醬夠碎，因為我仲病緊所以冇食到😜肉醬份量好多，岩晒個d鐘意食餸多過食飯既人佢跟個西洋菜湯好夠火喉，又入味，一碗真係唔夠😋再上我個瓜粒湯飯，材料都算多，有瓜，肉片，蝦仁，味道清清地又夠大碗。仁蝦都仲有d彈牙😘