影片
估唔到泳池上面有餐厅，营业时间由早上7点至晚上9点，午饭时有唔少建筑工人都会当呢度系饭堂，款式&种类跟一般茶餐厅窗较多，外卖可减2蚊，逢星期二有咖哩牛腩饭，入秋后更有羊腩饭食，还写明有什么食材。第一次外卖了3𩠌饭，选择了豉计蒸鲳鱼、蒸肉饼、鱼香茄子、可乐配一盒饭，基本上份量大到食唔晒，努力食晒𩠌白饭都剩了小半盒，蒸鲳鱼刚刚熟，肉质滑嫩，蒸肉饼好多肥肉好油腻，鱼香茄子几惹味，白饭都几硬，唔知系唔够水定点，食到胃痛。见到大多数客人都系食二/三𩠌饭，都有其他客人食羊腩饭，眼睇一大碗，下次都想食。收银姐姐态度几nice，餐厅都几老实，会keep 住光顾。
继续阅读
朋友介绍话包玉刚游泳池楼上的餐厅样样小菜都好食，但要强调系冇强劲冷气，地方不会太好，当然啦，我会选择晚上去吃！ 天气太热，只系想饮杯冻饮🥤就巳足够了！朋友亦都超赞咕噜肉好掂！平日星期一至五$50有一个客🍚，贵少少嘅选择也有特价都有五六款，只系$58，主要系街坊生意，虽然冷气唔够，但系有大风扇又有电视机加分！先用电话问清楚店员last order 8:30 , 咕噜肉售罄， 唔紧要啦，有心理准备冇得食咕噜肉咪食其他小菜啰！ 电话接线店员，解答清楚有耐性！我到叫咗椒盐鲜鱿、豆腐火腩、咸酸菜炒牛柳条，3个人食坐OK几舒服，白饭热气腾腾，冻饮加$6 ，下次一定再帮衬要食咕噜肉！
继续阅读
继续南区觅食系列之街坊食堂~宝宝小厨又名泳池餐厅，因开正系包玉刚泳池入面。呢间食堂虽然平民化，但味道绝对有惊喜!我地3位lady叫左3个小菜加2个白饭，份量足够4人食!另叫左3杯柠茶。必食镇江骨!个醋超级无敌香!甜酸度调得刚好，猪骨大大旧啖啖肉。切记一大啖咬落去，因会热到飞起(fatty k就试过啦...)呢个斋煲份量十足，材料有炸豆腐、枝竹、粉丝、白菜仔、茄子、草茹、木耳、豆角，逐样食都有排食鸡，坚全部都系鸡!咖哩香而不辣，友人争住用汁捞饭食不过咖哩粉重手左少少，令汁杰左DD，但唔影响味道除左小菜，亦有午餐，大大碟3送饭汤加饮品都系$46!老板仲系餐厅推行环保，同善心人一齐将节省既外卖餐具变成善款，捐出去帮癌症病人，赞啊!
继续阅读
环境： 室内大牌档格局，位置都多，食客多是游完水或附近的街坊。泳池其实距离黄竹坑地铁站唔远，大约5分钟而已，不过出地铁后要缓缓走上一条斜波才到。餐厅位于二楼，在泳池门口有条楼梯向上走便到了。泳池对面是陈白沙中学纪念中学。服务：大牌档形式，有需要自己要主动些以街坊小炒为主，我地每次都最少8个或以上，晚餐叫好多碟𩠌，每一次都大约70左右，晚餐一班人黎讲算做抵食。质素用料一般，份量适中，𩠌菜较重味道。不过当你去完游水或附近活动，这裹地点较就脚。我地叫左以下菜式：咸鱼马蹄煎肉饼： 我地成班人每次都叫嘅菜式，煎肉饼出面比较少，肉饼带少少咸香，外皮脆脆的，每件入口大少少的SIZE，最佳下饭菜式！豉椒炒蚬：价钱唔贵大约＄40, 蚬肉虽然唔大只，不过都算鲜味，若个汁无咁咸能尝真蚬肉鲜味更好。凉瓜煎蛋角：算份量够，凉瓜不会太苦，煎成蛋角更香口。生㓥大龙趸两味 ：出街食，食蒸鱼佢嘅蒜油特别好食，呢个两食有一个蒸鱼，另一个系西兰花炒鱼片！味道都OK～蜜糖鸡中翼： 一碟都有8只咁多！甜甜的个个钟意食！蜜糖好多，成只碟都有蜜糖。鲜茄牛肉煮蛋: 呢个都OK，甜甜酸酸，煮得刚刚好。豉椒排骨： 肉排蒸得刚好，唔会靭。不过应该用雪蒇的，但味道都OK2个煲－鱼香茄子及凉瓜龙脷柳煲： 2个都系惹味𩠌饭之选，不过味道偏浓，龙脷柳啖啖肉！2款菜－ 金银蛋浸白菜仔同虾酱通菜，前者整得较好，通菜有点唔够味道，菜更嫩也更好
继续阅读