富都軒

营业中

休息中

看到廚師的用心，點心樣樣都好食，賣相又靚，餐廳的質素都非常高，最欣賞佢送的糖水好好食，座位舒服，有海景，近期同親友聚餐不錯的選擇，價錢合理，套餐的價錢的勝價比也很高

之前新開張已經同同事嚟飲過午茶，今次終於夾啱時間可以放下晝帶屋企人嚟試吓下午茶。下午茶嘅性價比真係高好多。除咗點下午茶紙上面嘅點心，另外都有叫芋角同埋羅宋湯鮮竹卷，呢兩樣就算必正價都真係要必食。芋角有原隻蝦，熱辣辣又唔會咬落去好神，外脆內軟真係好好食。雙拼小食都唔錯個豬手都好多肉。另外個肴肉個汁有少少麻辣幾醒胃。我覺得最抵食係嗰個豚肉炒河，成碟啲豚肉勁多又夠大塊，食落去一啲都唔韌。個芝士春卷配埋啲椰菜啱啱好中和咗個油膩感，而鹹水角個皮都好軟糯。整體用餐相當滿意。

At the beginning, there were already two ladies greeting guests in the lobby. It's been a long time since I've encountered such a warm service attitude in Hong Kong, which made me feel very welcomed. The environment was extremely beautiful, and facing the night sea view, my mood was particularly uplifted. Apart from the delicious food, the presentation was also very elaborate. The staff were very polite, and my friends and I had a joyful birthday dinner together.

今日帶住四位長者來富都軒飲茶。之前我有三次經驗用OpenRice 訂位飲茶和晚飯。點知今天11點準時來到，企門口的侍應小姐話OpenRice 便不能坐窗門位, 必須坐他們的指定位置。 因為她們要比OpenRice $8手續費，叫我下次打電話訂位才可選窗門位。首先，我話我之前都來過三次，亦都是用OpenRice訂位，我沒有聽過這些條款限制。另外，我經OpenRice訂位我毫無着數，為何我不能揀選窗口位呢？ 當時仲要11點剛剛開門冇乜人。 就算有着數，我寧願唔要着數，不如當我不是OpenRice book位？ 她也說不行。擾攘一番，她們最後都比我們窗口位，並叮囑我們12:45前埋單，這個當然沒有問題啦。但經過今次事件，我想我不敢再邀請朋友來了！掃興的一天！ 至於食物方面，點心是OK的。但滷水豬腳，第一次來好多豬耳墊底。第二次來少了很多。第三次來幾乎沒有。起初仲要比錯另外一碟辣的豬腳仔粒（價錢平$20的），後來才更換正確。 她們有些員工是不專業的。 起初仲堅持正確，我告訴她我是第三次食，她才幫我再問其他同事。 唉……為何如此混亂呢？ 再者，今日我們不停執碟。 服務水準參差，時好時壞，看你好唔

週末想飲茶 又唔想排隊等位 又唔想太迫 就諗起呢度 因為有得喺OpenRice book位嘛其實呢次已經係第二次黎 水準很好 無退步你知啦好多時再幫襯就會失望㗎嘛。呢度除咗環境好 可以對住維港嘆茶，員工都好友善 好好笑容。原本張枱位置唔係太好 員工都好樂意幫你換枱。食物方面 點心不單止精緻 味道都好好。金箔潮州粉果皮薄餡靚 黑松露鮮蝦燒賣大大粒仲有我至愛最普通嘅豉汁蒸排骨都好好味啤梨鹹水角直頭個外型都滿分啦我哋一行四人都好滿意，嘆完茶仲可以沿海旁散吓步。

#富都軒 😋😋😋😋😋😋opened half year already. their quality is superb nice. i have been there almost ten time and cheap price with staff card with 90% . so nothing to complaint. very yummy place.i wont tell you how good is it. satch it witb your eyes please everytime i come is about 100-150$. so cheap with yum chagoose and fried chicken need pre order.very yum and nice.must visit everyweek!

今天是十日內與家人朋友到訪第三次的食肆。 下次有機會試下他們的小菜出品食材高質， 職員 殷勤 招呼。 簡述今天幾款點心：1.鐵板叉燒肉質新鮮 香滑有質感，肥瘦均勻，伴上童年回憶蠔油豆加添傳統優質味道。2.蝦餃 juicy。3. 牛肉腸裏面有馬蹄粒牛肉冇騷味4.芋角鬆化餡料仔細 juicy5. 叉燒包鬆軟 juicy 餡料高質6. 鳳爪有質感醬汁唔會太鹹或糊口7. 炸鮮奶卷香脆鬆軟有奶香味8, 鹵水豆腐新鮮香滑

一開始大堂已經有兩位女士迎賓， 在香港已經好久未有如此服務態度，感到十分親切環境十分優美，對著夜晚的海境，心情特別舒暢食物除了美味外，擺設也十分講究，員工也十分有禮，與朋友渡過一個很好的晚上

同同事去上興趣班之前知道喺尖東附近開咗呢一間酒樓，就相約同事嚟食個午餐。訂咗位中午1:30都係屬於午餐時分。喺點心紙上面都寫明咗早茶午茶同埋下午茶嘅新開張折扣優惠。早茶同下午茶係八折中午茶係九折。咁就開始點樣食，但係食完之後埋單竟然午茶係冇折扣優惠，跟住走嘅時候出到去𨋢口，佢用過「福」字嘅公仔黐住喺海報上午時嗰度。如果星期六中午冇優惠，應該印清楚啲宣傳單張同埋入座之前同客人講，但係完全冇提過就覺得唔太清晰。講返食物先，價錢屬於中上，食物質素嚟講都係值呢個價嘅。叉燒包個底係脆，咬落個包就好軟腍腍。芋泥鳳尾蝦幾有誠意原隻大蝦有蝦味，賣相亦都好好。韭菜餃、蘿蔔酥同埋小籠包個皮都做得好薄，餡料亦都豐富。餃皮脆、酥皮鬆化小籠包爆汁。嗌佢啲滷水嘢嚟試吓個滷水汁得唔得不過有幾樣嘢都賣晒所以最後淨係嗌咗豬手。個滷水汁底做得幾好有層次，鹵得都幾入味。不過最鍾意都係佢個鮮竹卷用羅宋湯底你浸住，啲牛尾粒超愛。稍為失色少少就係個甜品，個紅豆雙皮奶比較淡，而個杏仁茶都清咗少少，唔係好夠味。事次為自費用餐。

尖東找新酒樓，發現此處有海景，地方不大，可能新，2人枱不用等。點餐，評級 優良常可劣：七味一口豆腐$38，量夠，皮脆薄度-常，豆腐香滑-常，辣度低低。芝麻葱香大餅$38-常，皮夠香脆，芝麻香，敗在無葱香，中間粉綠綠地色可能葱汁，但食唔到乜味，用西式油纸吸油，有睇頭。以下質素與一般街坊酒樓差下多：羅宋鮮竹卷$42-可， 有創意， 腐皮及餡麻麻，腍， 羅宋湯牛肉靱。金箔潮州粉果$38-可，名子靚，大大隻，皮苙口，沙葛爽，但芫茜蔥少。叉燒包$38-可，夠大，皮笠，叉燒甜，欠bbq香味。手磨杏仁茶$32-可， 聽到手磨一定要試，有蛋白，細碗，略甜， 食唔出手磨。勝在食具乾淨，上枱盛載碟及擺盤有心思。有bang 枱，有電子鋼琴及鼓，是否夜晚變night club。

原來依間酒樓剛剛試業 早茶同下午茶都有9折下午茶由下午兩點開始到4點，可以慢慢嘆。可能剛剛開業緣故，黎到人流不多，唔洗等位。內裡新裝修，空間感頗大，入到去已經觀望整個維港海景。叫茶叫左烏龍，上到茶發現原來係蜜桃烏龍🍑，飄來陣陣香氣，飲落去真係一浸浸蜜桃香味呀，同行兩老都好喜歡。今次試咗佢嘅點心同埋炒粉麵，個人覺得性價比不錯。🍠 奇脆牛肉腸 $48腸粉皮好薄好滑，命佢為「奇脆」原來夾左啲脆脆麵包，但老實講食既時候唔係好覺🍠鮑汁蘿蔔絲酥 $48蘿蔔絲外皮好香好脆，個皮底充滿芝麻，食落去滿滿芝麻香，不過就唔係好食到鮑汁嘅味道，但都好值得一試🍠京滬灌湯小籠包 $42小籠包基本上去親酒樓都會叫，佢嘅小籠包真係皮薄餡靚，基本上點樣小心翼翼夾都唔小心整穿佢個薄皮，入邊啲湯汁真係好Juicy，蕃薯老母大推下次有機會要試埋佢嘅蟹粉小籠包㖭🍠黑松露鮮蝦燒賣 $48燒賣都算OK，黑松露味唔係話好突出，性價比一般🍠瑤柱花膠絲炆伊麵 $138份量一般，叫左炆伊麵唔係好突顯到炒嘢夠唔夠功夫，伊麵偏腍但係瑤柱同花膠絲份量都算夠，味道一般。茶茗每人$15 🍵整體嚟講嘢食質素算幾好，價錢亦唔會太貴。如果帶埋一家大細同長

飽覽維港美景 享受高級粵菜食府新開業的富都軒，位於尖東尖沙咀中心，於中庭乘坐子彈即可到達。酒樓食物質素高，環境寬敞舒適，無敵浪漫美景，絕對不能錯過！晚市二人套餐風沙豬手粒以炸蒜香紅椒炒香，穫氣十足，豬手肥厚，肉腍惹味，豬皮炸至香脆可口，超讚！鐵板蜜汁叉燒必食！叉燒肥瘦適中，肉質帶有均勻油花，口感極細膩柔，香甜美味，令人一試難忘黑松露翡翠炒蝦球餸菜分量多，絕對超值！蝦球巨型肥美，肉質彈牙鮮味，配上西芹雲耳，清新爽口，伴隨着淡淡黑松露香頭抽櫻花蝦炒飯櫻花蝦、元貝、蝦仁、鮮雞蛋、菜粒飯粒炒至粒粒分明，櫻花蝦惹味，每口也充滿豐富食材，口感層次非常豐富，海鮮鮮味突出楊枝甘露配料十足，西柚、芒果，西米，整體甜度適中，每口也帶著清新果香，為這頓晚餐劃上完美的句號富都軒📍尖沙咀麼地道66號尖沙咀中心3樓

5個人 食左12款，都係 7百蚊。筍尖鮮蝦餃, 鮮蝦菜苗餃, 鳳尾蝦芋角, 啤梨鹹水角, 山竹牛肉球, 惹味醬蒸鳳爪, 鮑片棉花雞, 羅宋湯鮮竹卷, 姬松茸野菌餃, 厚切黑豚叉燒, 滷水掌翼, 紅棗花包最特別 桃味烏龍茶總括: 舒服，好食，抵食。

全新開業的富都軒，主打精緻點心，高質粵菜。餐廳空間十分寬敞，差不多每一個座位都能飽覽維港景色，加上鄰近港鐵站十分方便。晚市二人套餐✨金沙炸魚皮咸蛋黃的味道濃郁，魚皮炸得很酥脆，而且一點都不油膩，越吃越上癮！✨脆皮炸子雞（半隻）炸子雞炸得色澤金黃，外脆肉嫩，肉質口感剛好，一點也不柴！✨鮑汁鵝掌伴柚皮鵝掌裹滿醬汁色澤金黃，肉嫩多汁。柚皮肉身軟腍，爆汁棉滑，有入口即化的感覺。✨瑤柱花膠絲炆伊麵花膠爽口彈牙，炆得好入味，而且非常足料。✨蛋白杏仁茶蛋白好滑杏仁茶口感好細緻，甜度剛剛好，不會太甜。富都軒📍尖沙咀麼地道66號尖沙咀中心3樓（尖東地鐵站P1出口）

尖沙咀 🫖飲茶+望住海景🌊無論環境同服務都好舒服👍🏻點心精緻出色堅好食🤤超推介飲茶地🌟傾計食飯都非常合適↗️記得去中庭乘坐子彈𨋢上3️⃣樓💜蝦筍尖鮮蝦餃💜黑松露鮮蝦餃燒賣💜鳳尾蝦芋角💜翡翠叉燒腸💜黃金蘿蔔糕💜鼓油皇炒麵💜蛋白杏仁茶