影片
以上资料只供参考，请与餐厅确认详情
食记 (9)
夜晚11点15分入座，坐到凌晨12点依然有食客入黎食嘢！🤩卡位坐得舒服，冷气凉爽得黎唔会冻亲一坐低，靓姐送左碗青萝卜排骨汤汤够热，汤头鲜甜有肉香，劲多料（可能就黎收铺关系），排骨一啜就食到啲肉，够腍够入味，饮嗮！💪要左份时菜肉片饭（$55），之后加左杯冻奶茶少甜（+$5）𩠌够热，即时炒起，有镬气芡汁香，够蒜头味，惟味道偏咸肉片有嚼劲，唔似落左松肉粉菜系油麦菜，师父炒得有功夫，够热够脆饭有啲硬但系接受到，绝对唔系「软饭」食物质素唔错，稳阵够大份，如果唔咁咸就坚完美宵夜~ 🤩✌️冻奶茶跟餐加五蚊，茶香有涩味，够冻，奶偏多钟意茶味突显啲记得要少奶~ 🥛时菜肉片饭+冻奶茶，送例汤，一共$60 佐敦区今时今日算抵食 👝得闲打完波食宵夜会再黎！ 😋#香港情怀 #抵食 #宵夜
继续阅读
今日个同事话试下富邦，我话好啦。第二次帮嚫而间嘢，外卖自取，一个通菜炒牛肉，一个西柠鸡。重点嚟啦！但我食到中间，再夹菜，我真系想呕返晒出嚟，富邦老板，你啲𩠌有小强啊，你点解答我啊？
继续阅读
餐厅细细间，专做街坊生意、有传统嘅卡位、落单同厨师都喺同一个人，厨房又系佢、茶水又系佢、收钱都系佢，😎值得尊重嘅茶餐厅老店。今次试食早餐，我哋分别叫咗两个餐。第一个早餐A：火腿通粉转公仔面、牛油多士、煎双蛋，饮热奶茶。先讲个面，公仔面面偏软、但食落又唔会系淋哂同胀哂𠮶种、算几吸汤嘅，火腿正常，仲附送两条生菜，汤底应该系普通清汤，味较为清淡的，想食清d可以叫呢个面。另外，值得一赞嘅系牛油多士，😱多士超脆、热辣辣，一咬落去里面d牛油喷岀嚟，好香😍、好想食多块！好少茶餐厅能够将方包保持咁脆又热架☺️，煎蛋有少少油🍳、奶茶☕️正常。第二早餐C：炸菜木耳丝、五香肉丁公仔面，饮热华田。配料充足，布满个碗九成位置、份量超多，炸菜同木耳互相配合令味道平衡，不咸不啖、加埋五香肉丁嘅肉同辣辣地嘅汁，面嘅味道立刻丰富咗，份量又多，系一个好饱足的一餐。杯热华田都系偏甜，饮品嚟讲建议大家要特别要求少甜比较好。🙃总括而言，行过路过路起眼嘅茶餐厅嘅早餐，面够大份、价钱平、多士脆已经足够令我哋精神一个早上。除咗早餐，夜晚仲有好多小菜、蒸海鲜等住你哋嚟试食！👍🏻
继续阅读
今天本来想返屋企煮个面食，在佐敦慈云山小巴站等了廿几分钟都无车，嬲嬲地又肚饿，见到小巴站旁这间《富邦餐厅小厨》门口有个小菜牌，第二行就是我最喜欢的粟米斑块，于是就入了去点来吃，点了小菜后，马上就送上例汤，不到八分钟，热辣辣的粟米斑块已经来到，粟米斑块外脆内软，配合粟米汁真是非常美味，不到十分钟我已经全部吃完，买单才$58元真是好抵！
继续阅读
是日放假，午餐去完尖沙咀i square名代宇奈食炭烧鳗鱼饭，晚餐就光顾富邦餐厅小厨，食鼓汁蒸白鳝。富邦我就光顾了十几年，这里的蒸鱼和煲仔菜很有水准。我钟意食鱼，五柳黄花鱼，清蒸桂花鱼之类。那些年前蒸鳝只售三十元，所以成日售罄。现在要一百元，连汤白饭，加左杯冻柠茶，老板娘好好，无收我冻饮钱。落左单不久好快就上菜了，效率真高。蒸鳝蒸得刚刚好，鳝肉肉质烟韧，吸收了鼓椒的味道，吃起来特别好味。汤和饭都是大大碗，绝对够饱，很满足。
继续阅读