富軒

营业中

休息中

8月初揾食肥華和靚媽到此酒樓飲早茶，忘記咗食此店過咗早11：OO至有得供應嘅食品，紅燒花膠海皇翅所以在8月2O日肥華和靚媽，再一次到此店飲早茶，目標就喺要食呢碗翅。冇令肥華和靚媽失望，呢碗海皇翅嘅味道和份量，都令人滿意用$5O凌蚊價錢食呢碗翅可說是抵食，可惜今餐呢碗翅嘅熱度祇有微温，影响咗口感，確實犯咗食中式，羹湯唔辣口嘅大忌，呢一點實在要扣分。而今餐最出色嘅食物，依然喺個碟山竹牛肉，而最差嘅食物就喺碟，翡翠鮮蝦腸，呢碟腸粉主角啲蝦肉雖然夠爽但淡而無味更有蝦殼相連加上配角腸粉皮，口感亦差肥華將呢碟翡翠鮮蝦腸，評為負分食品亦問心無愧，今餐早茶食品整體值。⭐️⭐️⭐️⭐️

呢個叉燒好好味，燒得好平均，肥瘦均勻。蘿蔔絲米網腸個網都幾脆啲腸粉皮都唔錯。啲煎堆好大個，剪開咗方便食用，甜甜地幾好食的。XO醬炒蘿蔔糕啲XO醬好正，啲蘿蔔糕好大粒，炒得非常之唔錯。蔥油包有好豐富既蔥油味，脆脆地又幾香甜。個小籠包雖然外表唔靚，但都好飽滿，啲肉汁都多。燒賣大大粒，咸料都係好多。鮑汁雞腳啲鮑汁好正，啲雞腳淋淋地都幾好食。

8月6日揾食肥華牛一翌日，同靚媽到佐敦道，攞咗每年特區政府，送俾肥華嘅生日禮物，就齊齊到太子呢間酒樓飲茶，此店非常爆場，肥華和靚媽，攞咗號碼筹都要等咗十多分鍾才獲安排入店内就座。而今餐肥華兩人在此店，食到最好味嘅食物一定喺嗰碟，山竹牛肉球，因肉質和味道都有高水準，到此店飲茶，喜食牛肉者一定要點此款點心，否則就真喺走寶。至於今餐其他食品，味道亦有不俗水準，尤以個點心拼盤内嘅，五榖粗糧糕和蟹籽燒賣，及另外叫的嗰兩個南瓜煎堆仔，表現最佳，而其他食物，欖角蒸排骨，潮州粉菓，叉燒包和枸杞豬潤湯，都喺一般水準，不過此店勝在交通方便，行過路過到此店，飲餐茶都唔錯。⭐️⭐️⭐️⭐️