富記大排檔

营业中

休息中

早幾日朝早同下午都要係大圍做body check，做完朝早果part之後就同男友係果頭食個early lunch～搵到呢間餐廳既午市有好多炒粉麵飯選擇，而且裝修幾田園風幾得意又好似好闊落咁所以就黎試下～我地接近１１點黎到，先叫左個早餐既沙爹牛肉通粉配熱菜蜜（＄２８），等到１１點再叫左個中式牛柳飯配熱檸水（＄５２）個早餐＂沙爹牛＂同我預期既沙爹牛都幾大出入😅 佢似只係用左柱侯醬去醃既＂沙爹牛"完全食唔到真正沙爹既香辣味，更莫講話花生味😅 水準就真係非常普通啦😅😅好彩牛肉肉質夠淋，通粉尚算彈牙，如果當佢係一個普通牛肉通粉去食既話其實就OＫ既～中式牛柳飯係我揀呢間餐廳既主因😂 因為好少可唔係晚市小菜都會食到呢D鑊氣小炒～可惜一黎到我就覺得佢會令我失望。。。。顏色太深紅同埋醬汁太稠似係用現成醬而唔係廚師自己調配出黎既果然食落去的確唔係我預期既味道🙈🙈 醬汁無層次兼太多太濃稠，但其實牛肉肉質唔錯，洋蔥都香兼爽口，如果個醬汁可以俾多D誠意成件事就會好完美🙈 🙈 只能說呢個價錢同質素都成正比既，不過如果下次再去大圍我會揀其他茶餐廳/飯店出名既椒鹽豬扒飯/小炒試，唔會再黎呢間😂

第一次去，見到啲地方乾淨企理，唔錯👍🏻睇一睇佢地既餐牌，嘩…又係想掃佢地版😂好多樣都想食呀，但係我地得3條友，叫咗5個餸，碟碟都好大份，最後食唔哂，要打包🤦🏼‍♀️椒鹽豆腐炸到脆卜卜，細細粒，正😋馬拉盞炒通菜，呢個都好好食，阿女平時好鍾意食呢個菜☺️勁茜墨魚餅，成舊都好多茜好綠，但唔知點解茜味又唔係好濃烈喎，口感同平時既墨魚餅都有啲唔同，無咁實淨，不過好食既😋味菜炒鵝腸，味菜呀🤤🤤🤤我好鍾意食味菜炒餸㗎，但自己唔會煮😅，所以出親街食飯見到味菜炒咩咩，都會想食，好好味，連原本唔食鵝腸既人，今次都破戒了😂胡椒豬肚雞，我好期待既一個菜式，因為我自己勁鍾意食雞同飲胡椒豬肚湯，所以一見到呢個菜式，諗都唔諗就叫咗，不過有啲失望，雞個味道一般，而個胡椒豬肚湯都唔係好夠胡椒味，你話唔好食咩？又唔係，都ok既，我地有食哂，但就可能太期待，所以有啲失望咁囉🤭如果胡椒味再重返多多多啲既話，應該就超正啦😋

嚟過呢度幾次，好鐘意呢度嘅環境、好田園feel連餐牌設計都好特別、選擇仲非常多今次我就揀咗午餐：干炒牛河加熱奶茶☕️有鑊氣、炒得均勻，味道啱啱好，奶茶夠香濃而且侍應態度仲好好添

餐廳安排真係好差。同幾個朋友食飯，8點15分落完單，一路都冇比返張單我地睇，之後催左幾次單都淨係話會幫手跟進下，叫佢at least比返張單我地睇下冇漏單又一路唔肯比，去到差唔多8點45分先有第一碟餸。最後9點15分都仲有一碟餸未黎，再問先知嗰碟漏左單。最後埋單先比返張單我地睇，上面寫既落單時間係9點11分。餸菜就正正常常，但真係唔會再幫襯。

外賣小菜自取八折，叫左三個小菜。炸蝦丸：粒粒大大粒，炸到脆卜卜，非常彈牙！京都骨：舊舊都係肉，大大塊，又淋又入味！中式牛柳：牛肉大塊又軟淋，好有牛味，酸酸甜甜，非常開胃！三份大大份先係二百蚊，開心死。

🍽韭菜豬紅($48)😋差唔多20舊豬紅，唔會一夾就散😋半大碗韭菜墊底，有老有嫩，有陣時難咬啲🤤疫情之下無得掃街，食呢碗超滿足🍽椒鹽九肚魚 ($88)😋炸粉超薄，食到最後都好脆，完全無油膩感😋每舊都有翻咁上下size，同酒樓飲茶嗌嗰啲無得比‼️條魚中心嗰條骨即使炸完都係硬要吐翻出黎，自己要小心芝麻西檸雞($68) 客飯套餐－跟白飯、汽水一罐😋雞塊同樣炸粉薄，keep到好嫩同juicy😋鍾意佢雞塊無同西檸汁兜埋一齊炒，keep翻脆口之餘可以自己決定浸幾多汁😋西檸汁唔會好酸，碟底嘅雞都唔會酸到要扒好多飯👍🏻呢度將屋邨大排檔風味搬入冬菇亭，環境好左，價錢貼地👍🏻免費提供嘅熱茶唔會好淡，仲可以係食野前用黎洗食具🙌🏻環境唔會有餐廳咁好，但室內有卡位，枱之間都算有空間‼️炸野要等耐啲，但係即炸熱辣辣好開心‼️有啲姐姐落單可能無咁清晰，提翻先記得要跟飯同汽水

男朋友一直都係大牌檔超級fans，只係黃既大牌檔唔多🥺(如果大家有好食既好介紹，記得留言話比我地知!💬)疫情之後更係無咩機會出去食大牌檔，最近開返夜市就比佢即刻捉左去食啦😂~富記位置大圍隆亨邨冬菇亭，環境比想像中衛生乾淨，7點幾去到已經爆場啦😛~ 唔知係咪太旺場，野食落單都等左20分鐘左右度先有，不過飲住啤酒等都ok既，爽🤣! 啤酒選擇算多，而且夠凍!👍🏻1. 南乳吊燒雞 ($88/半隻) 🌟4/5分富記最出名係招牌既「種運雞」，呢個係一大隻雞咁上，我地又想試多啲其他野，就轉叫半隻吊燒雞啦。如果大家試過種運雞不妨同我地分享下!😋吊燒雞半隻份量都唔少，皮脆肉嫩又唔會太肥🥰 雞肉本身唔算太咸，南乳另上，點埋就更添風味!😚2. 京都骨 ($68) 🌟4.5/5分呢個又係人氣推薦‼️同平時京都骨唔同，佢係用豬扒做既，變相就唔會好多骨，大部分肉質幾淋身👍🏻☺️只係間一兩舊有少少柴，不過整體啖啖肉又酸酸溜溜，撈飯一流啊!😍配菜只有菠蘿，完全唔會靠啲料頭扮到好大份咁，因為佢真係好多舊肉啊痴線!😭3. 啫啫通菜煲 ($68) 🌟4.5/5分富記有好多煲仔菜選擇，我揀左個啫啫通菜煲平衡下(食肉獸既男朋友話完

團年去左大圍嗰邊食，一早就搵定附近有咩好野幫襯🥰🥰咁啱見到有人介紹隆亨冬菇亭富記大排檔，話就話大排檔但其實呢度啲冬菇亭裝修曬，已經係好靚仔既餐廳黎喇👍🏻👍🏻👍🏻叫左五個小菜加隻炸子雞，全部要左加大size，上菜真係冇手軟，所有餸都分兩大盒咁上😄😄十幾廿人食都夠曬，份量超足！呢檔富記係未裝修變冬菇亭之前已經一早係大圍做左幾十年，係真正既老字號，老闆都同街坊好friend，勁有人情味🥰🥰而且老牌中菜鑊氣真係冇得輸，外賣都完全唔會失望，掓鹽九肚魚爽脆調味豐富🔥金沙骨每舊都勁大塊，肉質超嫩！醬汁又濃！炸子雞完全係出去飲宴既味道👍🏻👍🏻👍🏻仲有個黃金蝦球係實的的好多蝦肉，絕非麵粉波❤️總括嚟講呢餐真係食出水準💕有驚喜好後悔掛住食冇幫佢影靚相😭下次有機一齊回饋番比富記，大家要多多支持唔好比咁有水準又有良心既老牌消失呀💕💕💕💪💪

一日一黃店-沙田良心大份抵食富記大排檔 係大圍隆亨都有好多年歷史 近年冬菇亭翻中翻新變咗屋仔大排檔 都仲保持到大排檔小炒水準 fb keep住都有表態 之前曾經試過告急 但今日下午茶時間去試試 晚市冇堂食 一樣好多人.先上左個湯 （應該係南瓜豬骨湯）👍🏻清甜 飲完冇頸渴感覺冇味精 高分.⭐️椒鹽九肚魚$88👍🏻粉薄 魚肉好滑 本身冇咩調味要點執⭐️京都骨$68唔係用骨 係用豬扒去做👍🏻豬扒調味同埋質感都唔錯夠林好食⭐️雜燴炒河$50👍🏻好多配料 叉燒燒肉魷魚蝦仁豬潤 好豐富👌🏻河粉有鑊氣 河粉冇黐埋一舊醬汁感覺唔會太油👎🏻唯一係舊燒肉好鬼乾.整體份量好大份 好足料一個小菜可以食飽一個人兩個人 叫左3碟 最後食唔晒.#富記大排檔 (大圍) @fu_kee 地址：大圍隆亨村熟食亭5-12號舖.⭐️評分：味道：4/5環境：3.8/5服務：3.8/5抵食：4.2/5

冬至限聚令大家都無得出街食，上網見到依間盆菜十分吸引，6人盆菜都係$880咋，比起出面其他店嘅性價比高好多。🤤🤤🤤送貨服務都係加$50，準時送到樓下，用中小火加熱20分鐘後開食，芋頭好粉好入味，鮑魚易咬又新鮮，好驚喜！ 🤩🤩🤩食過咗多次盆菜，今次最好，屋企人都好滿意！ 份量十足，6個人食完全足夠，完全唔洗加餸。幫襯黃店嘅冬至盆菜，色香味俱全，仲用南非鮑魚同流浮山金蠔，非常足料。絕對會有下次，黃店值得支持‼️

整體食嘢氣氛好好！值得再去/帶一大班朋友食！好有大排檔風味！ 上菜速度非常之快！ 侍應成日跑來跑去！一開始由大圍站步行過去要10分鐘都有少少麻煩，但食完之後又覺得幾值得。先叫咗椒鹽鮮魷（$68）+ 富記小炒王（$68）， 魷魚係新鮮但可惜底部淋左，如果有d 炸粉絲鋪喺底，D 蒸氣就唔會整淋d 炸粉！ 小炒王用少油乾炒，幾香口。 京都骨（$68） 對三個人的份量好大，最特別嘅係佢嘅肥膏食落去完全唔油膩！調味甜酸度適中。 沙嗲肥牛粉絲煲（$78）粉絲份量非常多，不過肥牛有少少硬。係食粉絲多過食牛肉😂豉椒炒蜆（$88）好食！味道都係偏鹹偏濃！

今晚買左碗粥食想再食下菜同炒麵就去屋企附近既富記度買外賣點左~蒜容炒西蘭花 (8分)份量係唔算少既叫做炒得剛好唔會好淋或者好硬(西蘭花太硬好難咬呀)整體可以有香香蒜容味~雪菜肉絲炆米 (6分)呢個就好一般般呀好似無咩穫氣咁呀雖然雪菜同肉既份量都唔叫少但唔吸引呀

雖然住咗沙田咁多年，但我都係第一次嚟隆亨村食嘢，如果唔係朋友帶我嚟，都唔知哩度有個熟食亭同埋有咁正嘅嘢食。.富記有2間舖位，所以都幾大幾多位，7點鍾嚟到，都有少量街坊晌度食緊野。哩度仲有卡位，同埋朋友嚟食飯、吹水都幾適合。.我哋叫咗🔸辣子雞煲、🔸椒鹽豆腐、🔸椒鹽九肚魚、🔸韭菜豬紅、🔸鯪魚肉浸時菜、🔸京都骨.▪️辣子雞煲充滿川麻嘅味道，雞好入味好滑，醬汁惹味，唔太辣好好味！▪️韭菜豬紅非常好食，豬紅好嫩滑，個湯汁入晒味，連我個朋友唔太食豬紅嘅佢都覺得好好味，湯嘅下低有好多韭菜。▪️椒鹽九肚魚炸得好香脆，入面嘅九肚魚好滑好Juicy，外脆內軟。▪️椒鹽豆腐就正正常，份量多，但調味唔多夠，比較淡口。▪️京都骨大大件，啲汁酸酸甜甜夠惹味，豬扒葉得都夠入味，但係我食到有少少雪藏味，哩度扣少少分。▪️鯪魚肉浸時菜，菜底我哋揀咗生菜新鮮、爽脆，味道清淡。

疫情好嚴重嗰陣碌碌吓IG搵到呢間富記大牌檔，原來呢類冬菇亭大排檔都有黃店！佢哋位於大圍隆亨邨，中大恒大啲同學仔呀遲啲要上莊落莊成莊Inaug食宵嘅話識揀啦😈😋 菠蘿京都骨 $68😋 椒鹽九肚魚 $68 （原價$88）😋 啫啫通菜煲 $6868蚊一碟小菜喺大牌檔嚟講已經算係非常抵，而且份量都唔細！喺大排檔叫小菜有個技巧，就係一定要叫碟有汁嘅餸，咁樣撈飯就無咁寡～ 仲要叫多碟菜，咁就好似會健康啲😗 想講佢哋效率都幾高，上菜好快，仲要熱辣辣出煙嘅😆 京都骨啲肉好大嚿同好入味！九肚魚外好脆入面好軟同好熱，真係即炸咁嘅款～😋 招牌種運雞 $168諗叫雞嘅時候考慮過叫沙頭角走地雞定係呢個招牌種運雞，沙頭角雞好似本土啲但呢個就好似型啲，小編同朋友最後都係揀咗型啲嘅呢個😂 隻雞上嘅時候又係熱辣辣，外皮好脆，入面嘅雞肉肉質都好鮮嫩，自己雞髀自己撕嘅感覺真係好正 呢隻雞跟埋南乳醬，呢個配搭幾新鮮，鮮嫩嘅雞肉點埋甜甜地加少少鹹嘅醬真係perfect池😝

前排同大學同學出黎食個飯短聚一下有同學仔話想嘆住冷氣食有鑊氣既野我地最後揀左富記💛講下食左咩啦💁🏽‍♀️積運雞 ($168)呢隻雞係富記既signature之一 打卡一流📸落單前店員仲提我地要自己搣黎食 我地話ok先落單👍🏽 上菜個陣俾埋一盒手套我地 好貼心☺️燒雞既火喉控制得唔錯 即叫即燒皮脆肉嫩 一路搣一路有雞油滴出黎~~雞肉有南乳味 亦都有另上一小碟南乳醬😋招牌炸蝦丸 ($88)蝦丸大大粒 彈牙!無記錯入面係有少少蟹籽係入面既~~鮮蝦墨魚滑浸時蔬 ($68)相比下 都係覺得蝦滑香口d咁處理好味d😛呢碟小菜既蝦滑墨魚滑既質地梅左少少~~勝在菜量唔少👍🏽菠蘿生炒骨 ($68)生炒骨真係食得出鑊氣 新鮮炸 所以好脆口~~汁醬幾酸 好開胃😋加上菠蘿🍍係用新鮮菠蘿 加分加分!!整體黎講黎餐絕對滿足到我地既願望✨✨希望疫情快d好轉🙏🏽 好想快d可以再同朋友出黎食住好西咁短聚🥺