富記潮州粉麵

营业中

休息中

豬肉粗過我阿媽煲完湯嘅瘦肉，完全同餐牌上面張相唔相同，上枱俾啲水浸住，成個湯飯咁，佢哋解釋話係俾多咗汁😆，好地獄，見到已經唔想食，幾番確認無上錯單，希望佢哋有改善～一位住喺附近貪方便嘅顧客～

今日諗唔到食咩，突然想飲碗熱湯，又來樓下呢間粉麵，肥牛河同貢丸牛丸米線老實講，食物不過不失，今次再嚟覺得好似樣樣嘢都進步咗少少，肥牛，每片都煮得啱啱好，會彈吓彈吓，咬落嫩，味道鮮。7-8分至於牛丸，佢哋用潮州手打牛丸，聽講而家儲緊印花，食夠就會送一磅；而貢丸算合格啦 。7分主要湯底，我哋加咗腩汁，食得出五香味，讚下佢個河粉口感滑溜，唔會過於軟爛，入口時有一種淡淡的韌性，再加上河粉都嗦咗湯汁嘅鮮味，令到整碗嘢更加鮮甜👍🏻10分總括嚟講，$3x 算係唔錯選擇。喺依家香港營商環境咁艱難嘅時候，希望呢啲小店可以堅持落去，俾我哋落街有更多選擇。

Qr code 網上落單，話可以揀現場比錢。隔咗陣打去問拎得未，話未俾錢唔會整，佢又唔會打嚟確認… 咁網上落單黎做咩？差到咁仲有人買咩？佢個網上落單又冇得網上俾錢，咁驚人走數就唔好網上落單啦

離哂譜 嗌外賣隻碗已經細 啲粉仲要係隻碗既1半 仲要成70蚊一碗好過份 幾啖就無哂…………….仲要退唔到錢……點樣可以投訴得徹底啲……😡😡😡😡😡😡😡😤😤😤😤😤😤😤

肚餓走左去食，點知垃圾到無人有，咁細間舖都做得咁差，遲早執笠，碗麵細過細蓉，味道又唔好食，都唔閒點解咁多人排隊買外賣，其實附近有間新興好食好多，又平，同埋虹橋仲有咁多好野食，點解仲要揀呢間，以後都唔會再食，麻煩大家食之前真係要諗清楚，富記垃圾粉面！

早幾日試完牛腩麵覺得幾好食，心思思又想試下佢既海南雞飯其實富記餐廳黎講，比我感覺都幾似金銘！富記除左冇粥 冇米線外！ 就連佢有得食既飯 基本上同金銘冇分別都係果句，去牛雜舖食雞飯其實係找死呢間都係一樣用冰鮮雞，好正常！但佢唔會好似金銘 成堆沙姜醬撈埋落d雞度鍾意食薑蓉既我，覺得用薑撈埋d雞食又幾惹味缺點就有兩個，d飯太硬了！另外就係菜都冇條...感覺好肉酸者另外如果薑蓉方面真係太多薑...有時都幾辣喉...葱既份量多返少少咁就會好食好多

紅橋此地方牛雜粉麵舖可以算是屯門區最多新興，金銘等等已經食左好多次偶然想嘗試新的味道！今日膽粗粗去左富記試牛腩麵！牛腩都算比得幾多，牛腩咬落幾淋！偶然咬到肥膏位會啖啖甘香但辣椒油每樽好似幾滴仔...呢兩方面同新興一樣...麵底雖然係幼麵...但食落口感有少少似拉麵較傳統果隻幼麵好食湯底睇落好似雞粉湯，但飲落有驚喜！味道似街邊舖雲吞麵既湯底飲落有少少清甜的味道！湯底同麵底黎講，富記應該較新興金銘好食仲要跟餐有凍奶茶等等 食牛腩麵以後有多一個選擇

最近見到屋企樓下有一間新潮州粉麵店舖開張，今日第一次去試，味道有驚喜，湯底不太鹹，牛筋腩都炆得夠淋，跟餐加$8可以配冷飲或熱飲，價錢合理！在景峰花園上邊已經好耐沒有粉麵店舖，最近開咗這一間粉麵店，對附近居民搵食方便很多！除粉麵之外，仲有客飯，睇嚟味道都唔錯，下次會再試！

富記，屯門人應該不會感到陌生！太多分店了，我印象中翠林果間比較難食景峰店舖新開張第一日，小弟就去幫襯！買左個鴨腿湯飯 加凍奶茶...5x蚊！此舖叫食物是要客人用手機掃code落單！如果呢種做法堂食黎講其實唔錯！但係我叫外賣就好唔方便！手機點完餐又要走入去比錢，收銀位置又窄又熱，幾個人排隊等比錢，熱到呢如果手機落單可以用八達通 或其他支付工具比錢就完美，下下咁樣排隊比錢，點解我唔直接比錢時叫埋外賣？浪費我手機d電同數據！此舖開係景峰位置確實一絕，如果係下面紅橋開舖，我相信好快會執！景峰一帶除麥當勞外，真係冇乜堂食餐廳，呢個係唯一優勢，但缺點就係10點關門！太早了，可惜可惜！ 下面新興牛雜肯定比呢間出色，人地12點先關門，行多幾步食新興唔好點解要幫襯呢間鴨腿湯飯味道唔錯 有東菇絲 東瓜等等！鴨腿一夾就自然成舊肉甩出黎飯幾好咬口有米香，凍奶茶只屬一般！茶味欠缺！整體黎講，50幾蚊食物是可以接受！希望呢間舖可以捱下去啦，加油