影片
营业时间
今日营业
05:00 - 00:00
星期一至日
05:00 - 00:00
以上资料只供参考，请与餐厅确认详情
黎到葵芳行下顺便揾lunch食，系葵芳广场见到呢间又唔驶点等位就入去食， 等左阵就有位。睇完午餐set最后点左薯仔牛柳粒饭，冻柠檬茶。包埋餐汤餐汤味道普通，没咩料。唔驶等好耐都上到个餐，薯仔食落去几旧都系硬，难咬落去，口感超级唔得。牛柳粒就算正常，口感算林，份量正常又唔算好多。饭都算暖，又未至于热既感觉。冻柠檬茶，正常茶记味道，没咩特别。不过呢间既午餐比出面茶记食既较贵，呢个价钱对比呢个质素系有啲below average。总结比较贵既午餐，薯仔太硬。
继续阅读
牛扒劲咸，全程冇沾黑椒汁都咸到我差唔多食晒啲饭，仲有好多块肉咸到食唔落＇真系嘥钱又嘥食物，我原本愉快用餐的心情冇晒啦，下次揾唔到嘢食，想入去都要考虑下先🙃唔开心
继续阅读
真系第一次，平时都有帮衬唔同区份嘅富华，呢一次和同事一起系茶餐厅食晚饭，食完吹下水，坐坐下楼面走过来话出面有人等位，叫我哋起身交枱，明白做生意想返多D枱，但都唔应该赶客，唔怪之得香港餐饮无得救。
继续阅读
同朋友响葵芳区做嘢，落去买嘢嘅时候谂住直接食埋饭先返上去继续做，行过新都会广场觉得冇乜嘢特别想食，所以就走咗去隔离葵涌广场揾食，因为系晚饭时间行过几间餐厅都好多人，见到以前𠮶间富华谂住过去睇吓点知条龙好长。所以就决定试吓佢同一个商场嘅第二间分店，地点一样咁方便，葵芳地铁站行出嚟就系葵涌广场地面𠮶层行入少少就见到，可能因为比较新，所以感觉比较干净企理，最重要系唔系好多人排队，主要系买外卖为主。我叫咗个豉椒牛河，分量维持水平都好足够，豉椒青椒味道都好出，牛肉方面普遍来讲都几好食，系其中一两篇比较难咬，味道方面亦都唔错，由落单到炒出黎都算快手，工作人员态度亦都唔错，下次会试吓返嚟食第二啲嘢。
继续阅读
5：17pm 买左个杨洲炒饭外卖，等左十分钟都未有店员嗌外卖，我就入去准备问收银，入到去未问已经见到放左系架外卖车到(乜而家外卖唔嗌number叫人拎架？)返到屋企隔住个盖都见到有几团白色既饭炒唔散，都系小问题，开左盖，望落去似菜炒饭多过似杨洲炒饭，虾个份量叫过得去，但叉烧真系少得太离谱。即刻打去问佢拎wtsapp直接send相比佢睇，点知原来打错比另一间葵芳分店(店B)，咁我就麻烦佢地转达返个投诉比呢间分店，并要求佢地6：30pm前比返个答覆我(因为我已经超肚饿)，店B个经理6：30pm覆返我，我觉得呢个经理非常有承担，话系出品问题，而家重新做过份外卖送黎比我，咁我都觉得冇问题，了左件事。到7：21pm收到呢间舖既职员打电话黎，店员话：我地下午茶既份量就系咁，仲要有八折，份量想要几多？我：我系正价买店员：咩正价买，我地六点外卖系八折架，要唔要我print 返张单出黎比你睇？我：我系5：17pm 买，你地系六点先做八折架。店员：咁我地下午茶既份量就系咁多架啦。我：咁咪就系少得过份啰，下午茶收$52等于好多出面茶记既价。店员：咁你下次咪唔好嗌呢个餐啰！佢讲到咁，认为我仲有下次帮衬佢既机会？我嬲到都冇问佢点称呼添。如果佢好声好气解释，我都可以理解，最多我真系选择下次嗌第个餐，但佢一打黎就系一个质问我既态度，未搞清楚我有冇折就嘈，我就唔会接受！
继续阅读