富臨皇宮

营业中

休息中

為長輩慶祝生日，點了半圍餐，包括以下龍蝦伊麵：味道唔錯，咸左少少，龍蝦都大隻糯米飯： 不過不失竹笙海皇燕窩： 唔覺得係燕窩，係素翅脆奶炸蝦球： 呢個幾好味，炸到好脆👍西蘭花雙蚌片： 唔錯👍玉環瑤柱甫：好大粒，幾低食，唔錯👍清蒸龍躉：好味，好滑👍清菜：冇乜特別桂花糕：因為冇桂花糕，換了陳皮紅豆糕，唔好食的加點了：壽包： 點了一打，來了11隻，同侍應講，之後補返一隻雞：$28/隻 , 好低食雖然有餐牌係食乜餸，不過去到最好問一問職員，餸菜上到，覺得唔對路時問，職員先講今日冇xxx,轉了xxx就係咁啦

古法羊腩煲(大份)好大份，夠2-3人食！入面好多料：枝竹、馬蹄、冬菇等配料主角羊腩炆得好入味，口感軟腍，冇羊臊味好易入口👍🏻另外配腐乳醬，點埋一齊食味道超夾😋會比埋gas 爐暖住，由頭食到尾都暖笠笠👍🏻明爐乳豬(例牌)乳豬皮超脆‼️肥瘦比例合理，唔會剩係得肥膏，入口油香瀰漫〰️😋野山參青欖燉水鴨 （一盅）原盅燉湯，份量好足，3-4人飲絕對冇問題〰️除咗水鴨之外，仲放咗豬肉 、半隻雞、雞腳落去煲，所以湯水係好鮮甜，仲有陣陣野山參嘅香味，好滋補！轉天氣最啱飲，可以增強抵抗力👍🏻富臨皇宮 (美孚)美孚百老匯街85號美孚新邨地下C號舖

連鎖中菜廳🤩CP極高的羊腩煲🐑店鋪: 富臨皇宮 (美孚店)地址: 美孚百老匯街85號美孚新邨地下C號舖近排天氣好凍，就想食野暖下胃，特別想食羊腩煲，最近得知富臨皇宮推出特惠羊腩煲🐑，今晚就同屋企人去試!!▫ 古法羊腩煲🐑 $268 (晚飯限定優惠價$48)羊腩真係啖啖肉又連皮的，好腍身軟嫩，非常入味；馬蹄超爽口😋羊腩煲份量大，配料有有羊腩、腐皮、馬蹄、粉葛、冬菇，更架有好多腐竹托底；腐竹同冬菇都吸晒湯嘅精華。而且有Gas爐暖住，非常貼心。▫ 野山參青橄欖燉水鴨🦆 $118另外叫左個非常濃郁的「靚湯」。整盅燉湯有半隻水鴨及有不少瘦肉，聽富臨阿姐講係益氣滋陰，補而不燥，最合適冬天滋補養生。隻水鴨煲完湯後仍然嫩滑，點豉油食重係好好味。▫ 化皮乳豬🐖 $168(例牌) 乳豬脂肪不多，皮脆肉嫩。以上2餸1湯+人頭白飯呢個份量，已經夠我地3個人食，而家有優惠所以都只係$3xx落樓，好抵食🙌🏻• 整體•食物: 𝟺/𝟻環境: 3.5/𝟻

冬至將至，天氣轉涼❄️❄️☃️係時候食番個羊腩煲滋補暖身！順手同屋企人做冬，今日就黎到屋企樓下座無虛席的富臨皇宮大快朵頤。羊腩煲：用上石油氣爐邊滾邊食，特別有風味。羊肉完全無騷味，份量十足，而且有大量薑片同香茅去辟騷味，上枱時用慢火焗多五分鐘，超多芹菜芫荽蔥、香氣撲鼻，令人垂涎欲滴，鐘意食羊腩帶骨啖啖肉當雞髀食又得，咬落一絲絲，帶韌勁蘸上咸香腐乳，停吾到口。仲有至愛爽脆馬啼、香菇腐竹同粉葛等，豐富滿足的配料。野山參燉水鴨湯：店員服務態度好好，主動幫我地𢳂湯，湯渣有一整隻已經煮焾左的水鴨，一夾起即骨肉分離，充滿蛋白質又無肥肉，湯渣可以蘸上豉油食，仲有紅棗、瘦肉，野山參等湯料，真材實料！水鴨補中益氣、平胃消食、利水消腫之功。湯的氣味十分清潤甘香可口，有益氣養陰，具補虛損、益肺補腎之功，為冬日必飲滋補靚湯。乳豬（例牌）：外皮香脆，油脂偏重帶肥膏香，肉質鮮嫩多汁，色澤金黃誘人，香氣四溢，每日即燒即製，新鮮熱辣。總結：做冬必食大份驅寒羊腩煲性價比高

天氣凍除咗食蛇羹之外 羊腩煲都係我其中一樣會想食嘅食物 今日同家人就走咗去富臨到食佢地嘅羊腩煲 齊齊暖胃🔸️明爐乳豬(例牌)🐷乳豬少少肥卜卜脆🔸️古法羊腩煲🐏羊腩煲入面都幾多料 有枝竹、馬蹄、冬菇同主角羊腩等 馬蹄好爽脆 枝竹冬菇夠入味 羊腩夠嫩 如果有生菜跟埋就仲好🔸️野山參燉水鴨湯🦆水鴨湯入面有鴨、雞、人蔘等食材 啖湯好鮮甜 水鴨湯仲有滋陰養胃功效 要飲多2碗🍽富臨皇宮美孚百老匯街85號美孚新邨地下C號舖

富臨皇宮．即歎足料古法羊腩煲一到冬天，我同朋友都會想起食羊腩好食的羊腩煲一定要夠足料夠大件，令人食完之後暖粒粒這就令我想到去朋友家附近的酒樓食的好野美孚富臨皇宮，這裡近日又有時令出品：古法羊腩煲朋友搵定位，一到酒樓就見到大量食客都是一家人在吃羊腩煲非常正料，羊香充滿整個食飯環境古法羊腩煲一大煲起，非常巨量足料適合5-6人一起食羊腩大大件，羊皮彈牙爽口不韌不羶，羊味香濃枝竹、馬蹄、花菇、竹蔗，十分入味羊腩件件都是香濃啖啖肉，每口都是肉帶嫩皮好食好好食追加左3碗白飯撈埋個羊汁一齊食勁美味！野山參燉水鴨湯呢款燉湯好有水準聽說由中午12點開始燉燉到我地食飯時間都超過了7小時水鴨味甘鹹性平，能滋陰養胃，補氣利水此湯香濃清澈，味道好好而且有益有營養，具養陰潤燥功效我地幾個人都飲左2大碗明爐乳豬(例牌)皮肉比例均稱，香脆又有嚼口肉質酥香嫩滑，油香而不油膩最中意豬皮的香脆口感食到停不下來富臨皇宮(美孚)美孚百老匯街85號美孚新邨地下C號舖

今日收工同朋友約咗美孚食野，去咗「富臨皇宮」度食晚餐。美孚嘅富臨就喺葵涌道隔離，位置十分方便。環境方面：入面好大，燈光光猛，坐得好舒適，富臨入面仲有位置可以進入「吉田」超市買凍肉，好有趣。店員方面：招呼好好，有禮貌，主動潷湯，將啲湯渣分好，上菜又會介紹有啲咩材料，叫餸時又會推介菜式。食物方面：叫左三樣野乳豬例牌乳豬皮好酥脆、鬆化好似食薯片咁，乳豬肉入味，肥廋適中，好耐無食過咁鬆化嘅乳豬啦。羊腩煲（大份）羊腩有20舊度，配菜方便有粉葛、支竹、馬蹄、薑、蒜仔，羊腩入味得嚟又淋，羊腩部位大部分連皮連肉，食落口感豐富，先係食到南乳腐乳汁，之後食到羊皮再係脂肪跟住到羊肉，咬碎嘅肉汁充滿哂成個口腔，鍾意食羊嘅朋友一定要試，呢個羊腩煲又大煲又好味，我比95分以上呀。水鴨湯水鴨湯材料有雞、鴨、雞腳、廋肉、青橄欖、湯十分入味，飲完都唔會口渴，好明顯係真材實料，推介畀鍾意飲湯嘅朋友呀。總括黎講：今餐食咗六百幾蚊，我個人覺得就好抵食喇，羊腩煲收$268份量一定比出面多，超級推薦。

📍 富臨皇宮 (美孚)美孚百老匯街85號美孚新邨地下C號舖==============================來到12月又要安排同屋企人一齊做節過冬喇，屋企人話好想食羊腩煲，咁啱屋企附近呢間富臨皇宮啲羊腩煲好似都幾出名，所以就安排同屋企人喺呢度食冬至飯啦😜呢度環境好寬敞樓底又夠高，今晚雖然係平日晚上，但都好多人嚟食冬至飯，好在座位安排夠闊落，所以都唔會覺得好迫😌==============================🐑古法羊腩煲（大份）🍲因為我哋有四個人，所以就叫個大嘅羊腩煲嚟食，羊腩份量非常之多😍，我哋四個人食都幾乎食唔哂，羊腩大部分係連皮而且好大件，非常入味而且唔騷😙除咗羊腩之外仲有枝竹，馬蹄同埋粉葛等材料非常之豐富😋🐷明爐乳豬（例牌）呢份乳豬雖然數量唔多，但每一件都係皮脆肉嫩咬落去唔會覺得好油，個皮非常之鬆脆，連老人家都不停讚好味🤤野山參燉水鴨湯🦆因為我哋有四個人，所以就叫咗個原盅嘅野生燉水鴨湯，估唔到原來都幾大盅，職員仲幫我哋將湯渣放喺隻碟上面俾我哋當餸咁樣食，入邊嘅材料非常之豐富，有兩隻水鴨髀青欖，雞腳等等，湯飲落非常鮮味好明顯係老火湯無加味精😋😋

同屋企人預早做冬食飯☃️ 今晚天氣涼返少少，羊腩煲當然要喺餐單上佔一席位👻 ✨明爐乳豬(例牌)啱啱出爐嘅乳豬件，外皮脆卜卜，肉香同油香兼備，加埋另一個靈魂！乳豬醬！成件事好幸福😍 ✨古法羊腩煲除咗必備嘅羊腩，仲有枝竹、馬蹄、粉葛、冬菇同乾蔥等。一開煲蓋已經香噴噴，羊腩肉夠軟，羊羶味不算重，醬汁幾入味，蘸上腐乳醬更有風味。✨野山參燉水鴨湯店員先會幫大家分湯，再隔開湯料，而且好貼心咁附上醬油用黎蘸鴨肉🤤

同學聚餐(12人餐)... 地方，地点適中方便，聚餐聯誼聚腳不錯, 班侍應還可以，目测晚饭时段入座只得6成心知不妙 ... 總括而言... 厨师不懂厨藝，醬油調味料好有問題 ... 出品總覺得未有清洁隻鑊那種怪味(可能真係冇洗鑊就炒)，火喉 油水更是天馬行空😓 蝦、龍蝦不知久年前😥，芝士龍蝦依面一匹嘢唔知乜味，白菓豬肺腸只得油饐味, 乳豬燒腊還可以，清蒸龍躉又係醬汁问题 .... 唔怪得港人要北上找出路 埋单HK$2488全包 看官自己決定，我都怕怕喇

捉住食大閘蟹尾巴,,專程同家人出去食大閘蟹放題,不知是否遲咗食,質素不是想用中那麼肥美暴膏,,而且不是太大隻但都算可以接受！ 今次任食2個鐘,無停手,密密食滿足口癮😋😋🦀大閘蟹-清蒸同油鹽焗都不錯,因為細只,所以只係食膏,爪同蟹鉗沒有點食到;花雕醉蟹一般,酒味不是好出！ 我個人比較喜歡清蒸！🦆北京片皮鴨-不錯,可以不包薄餅皮食都可以,免食大閘蟹食少了🤣🦪原只鮑魚伴西蘭花可以🐖鳳梨生炒骨酸酸甜開胃,可以！🌱蟹粉扒豆苗算好味！其他前菜及小食已放棄,專攻大閘蟹😂薑茶冇晒又沒有添加😐紅棗糕好Q彈不會太甜,好味😋可惜我落單4個人每人2件,送來只得3件,不知怎分😅可能人手甘夠,落單要吹,員工服務態度又麻麻不上心,要經常追單,好多嘢都冇食到！

今晚同親友做生日，叫左一席長腳蟹套餐，有長腳蟹，片皮鸭，蛇羹，羊煲，結果片皮鴨份量係鄰枱的一半，蛇羹極棘極鹹，羊煲不知所踪未經同意變了鴨腳鲍魚生菜，長腳蟹還可以，招呼人手又不夠，一次很失望的晚飯。

瘋狂食蟹夜，兩小時任食大閘蟹、京式片皮鴨外，多款小菜、主食、甜品、指定啤酒、樽裝可樂、汽水都係無限追加~~兩小時任飲任食大閘蟹片皮鴨放題星期一至四$498/位 星期五、六日及公眾假期 $568/位主角大閘蟹有3種口味:清蒸 油鹽焗 花雕蒸平時係屋企通常都係清蒸多，我就主攻另外兩款口味喇! 雖然蟹唔算係大隻，勝在爆膏仲係任食，都係大滿足！金陵片皮鴨片皮鴨皮脆肉多大大塊，平時要多人先品嚐到，而家兩個人都可以食到好滿足!另外每位會供應珍味四饌：蠔皇原隻鮑魚花膠濃雞湯生拆蟹粉扒豆苗菠蘿生炒骨任食小食、涼菜、甜品推介:涼拌牛柏葉涼拌高山耳大蝦蔥油冷面香芒布甸生炒糯米飯

又到大閘蟹季節🦀 第一次挑戰大閘蟹放題，體驗比預期中好，上菜速度快，有三款口味嘅大閘蟹，食到最後都唔會覺得悶👯‍♀️套餐包括清蒸·花雕·鹽焗大閘蟹生拆蟹粉扒豆苗蠔皇原隻鮑魚京式片皮鴨菠蘿生炒骨花膠濃雞湯另外仲有紙仔剔放題類食物✨大閘蟹新鮮肥美，每一隻都有邪惡蟹膏，尤其係鹽焗口味非常香口🤤 屋企人就比較鍾意清蒸，夠晒原汁原味。京式片皮鴨都有誠意，鴨味香濃，配上青瓜絲減膩，略嫌塊皮較厚，但味道仍然不錯。花膠濃雞湯有小驚喜，味道濃郁，誠意十足嘅老火湯。一餐飯入面有齊咁多樣野食，桂花糕作結，滿足！

☀ 𝗦𝘂𝗺𝗺𝗮𝗿𝘆：一年一次既大閘蟹旺季，一定要試一次大閘蟹放題🦀 @富臨皇宮既兩小時無限量食大閘蟹，我忍唔住去試左下！.◈ 價錢 $498/位（星期一至四）任何放題包括無限量大閘蟹，臘味糯米飯、蔥油冷麵上海菜肉包，蛋黃桃包、京式片皮鴨各款小食涼菜，多款甜品以及啤酒，飲品同汽水任食任飲每位仲免費送一隻蠔皇原隻飽，生拆蟹粉扒豆苗花膠濃雞湯同菠蘿生炒骨.◈無限量清蒸大閘蟹任食大閘蟹已經夠吸引，仲有3款比你揀分別清蒸、花雕蒸和鹽焗蟹肉飽滿，10月最岩食蟹公全部都係上蟹公架！即叫即蒸，Refill速度都幾快吾洗等好耐，約十幾分鐘就黎到一口咬落去滿口都係蟹香簡直係大閘蟹控嘅天堂！❤️.◈臘味糯米飯糯米飯口感軟糯，裡面嘅臘味肉香味濃郁每一口都係滿足感！🌟.◈蛋黃桃包桃包大大隻，裡面係大半隻蛋黃口感豐富，甜而唔膩🍑.◈京式片皮鴨皮脆肉嫩，搭配上醬料，簡直係鮮嫩香脆一口咬低去，滿滿嘅滿足感！重點係仲可以Encore🦆.◈蠔皇原隻鮑大隻又肉厚嘅原隻鮑魚，加上濃郁嘅蠔汁，口感鮮美，回味無窮！🦪.◈生拆蟹粉扒豆苗豆苗煮得恰到好處，搭配上鮮美嘅蟹粉味道鮮美嫩口🥬.◈菠蘿生炒骨菠蘿嘅酸甜同排骨嘅鮮嫩相融合甜中帶微