影片
港铁黄大仙站 A 出口, 步行约3分钟
继续阅读
开饭介绍
富临集团于1992年在大角咀创办第一间「富临火锅食馆」，发展至今已经有15年的历史。酒楼以火锅、小菜为主打，深受大众食客欢迎。
继续阅读
营业时间
星期一至日
07:00 - 00:00
以上资料只供参考，请与餐厅确认详情
食家推介
招牌菜
今早第一次来富临饮早茶,环境和价钱都ok,大大间易揾位,我们2个女仔点了六碟点心。等候了半小时,点心终于来了！肠粉、凤爪排骨饭、烧卖、菜肉包、棉花鸡都正常，但食到花枝炸云吞就出事，一路咬落去都食唔倒馅，开另外两只，都见唔倒有花枝的踪影，只是在食「炸云吞皮」，这个点心都花费10几蚊,冇理由食块炸皮者。跟伙记理论，伙记说：「系冇花枝架！系咁架！」她就走左去。我们叫她取消这点心，她话喳唔到主意，叫她call经理来，她又冇帮我地，冇理我地。我向一名男的年轻经理理论，他说：「系冇架！」我再问他，他更答得妙：「花枝包出来嘅咪就系云吞啰！」可能他都不知佢自己在讲紧咩野。同枱食客都忍唔住帮我地，叫我地找店长，仲话我知边个系店长。但等左好耐都唔见店长出现，结果我们直接向收银阿姐话取消这点心，她即在单取消了，并用传呼机通知店长，知识又增长了！另外，d 点心传菜阿姐都好「凶猛」，只是问啰一碟云呑酱，她发晒烂喳咁好恶闹我地，她说：「应该问番比点心你果个阿姐，你问我做咩者？」我都不能尽录她的连珠爆发，好似问佢攞十万咁，其实我都唔记得放下点心个阿姐系边个。结果我地问过三个阿姐，都拿不到一碟酱，好彩原本给点心的那个阿姐记得，比番一碟酱我地。
继续阅读
👎👎昨晚订了12位枱奶奶生日饭。酒楼环境OK，但原来真的不能只看表面。我们12人，只有11张椅，叫人攞多张椅，侍应话我都唔知去边度揾张椅俾你㖞🤦♀️！隔咗一阵有侍应来问我哋有冇订位😪咁当然有啦，我哋到酒楼门口讲晒订位姓名、电话和酒楼俾我的booking no., 仲要系佢哋带我哋入嚟㗎㖞⋯⋯。叫了个12人套餐后，张点菜咭一直一去不返，失踪了，想叫多几罐汽水，冇张点菜咭，同位侍应讲嘢但佢一直目无表情，又冇回答我哋，唔知佢想点，最后不发一言行咗去😤。全程晚饭都系’自助餐’形式进行😪，自己揾公筷、加水加茶、冇位上菜，将食物由大碟转细碟、汤上完第一转后连汤壳都收咗我哋，仲有D汤我哋自己好似洗完衫倒水咁倒出来、上枱食物冇跟大serving spoon俾你、几道菜上咗再有一碟嚟到但冇位放，个侍应就和传菜的嘈，一个话放枱一个话放另一边，大声到我要叫佢地收声，我哋嚟食生日饭的👿！全晚自己serve自己，举目无乜侍应，佢哋自己做自己嘢，执枱、埋单为先，其他人客话知你。Very bad experience at this restaurant and will not come again. Not recommended.👎
继续阅读
放复活节假喇，一家大细去富临食晚饭，估唔到几有惊喜！晚市既精选小菜有好多选择，而且价钱都合理！ 今次头盘我地就叫左金装拼盘，有炸豆腐，烧腩仔，素鹅同烟鸭胸。份量都几多！最好食系素鹅，香而不腻，香口得黎又唔会太油！正！仲有半肥瘦烧腩仔，味道不过不失既鸭胸同香脆炸豆腐！另外叫左海参花菇鹅掌，够哂浓味，最重要系鹅掌煲得够火候又林又入味，连公公都大赞！小菜我地仲叫左爸爸至爱既生炒骨，味道岩岩好酸酸甜甜好开胃，炸粉亦都唔会太厚，不错！大大煲份量十足既羊腩煲，好足料，好多腐竹冬菇，而羊肉炆得够味，真系几抵食！我地仲点左个猪肺汤，味道清甜唔会话太重味精！最后我妹仲点多个生煎包，哈哈，肉汁唔算好多，但都ok，呢个价钱黎讲合格！整体黎讲，所有小菜都大大份，味道亦不错，抵食！
继续阅读
就黎放复活节长假期喇，带爸爸妈妈去食餐饭，老人家都系钟意食中餐多啲，系黄大仙近近地就简左富临，之前都饮过茶，但晚饭真系第一次，估唔到比预期中好！妈妈净系食猪肉同素，所以就叫呢个金装拼盘比佢，有烧腩仔、素鹅、炸豆腐、烟鸭胸。妈妈大赞素鹅食落香口但唔算油，烧腩仔亦都肥瘦匀晕，皮烧得够脆，而我都食左个烧鸭胸同豆腐，呢个拼盘真系冇得输！海参花菇鹅掌个汁非常浓味，心机之作，鹅掌整得够林，老人家都食得到！生炒骨，如果连呢味菜都整得唔好，都唔洗系中菜界立足啦富临果然有保证，个汁岩岩好唔会太酸，骨既粉又唔会太厚，有水准虽然已经回暖，但系见到餐牌上有羊腩煲又好想过下口瘾估唔到系咁大煲！吓到我同老豆傻呀！好正呀羊肉炆得够林同埋几入味爸爸话见到隔离叫左生煎包望落好靓，我地就跟风叫左，哇我咁个人都未食过热到咁既生煎包🤣热到辣口，证明真是新鲜煎起。肉汁唔算好多，但啲馅好好味！食埋个包真系好饱呀！抵食！
继续阅读
同呀妈基本上得闲就会离呢度食嘢，饮茶又好食饭又好，只要唔想食住家饭就会离呢度，对于我地离讲已经变咗饭堂今晚离试下羊腩煲，离到发觉有套餐加埋个虾先268，抵到烂，而且羊腩煲份量充足，相当入味，羊腩煮得啱啱好，唔会肕，仲有腐竹，马蹄，冬菇同笋，加多28蚊有生菜慢慢十下十下，好正估唔到嘅系套餐搭嘅虾都好大碟，虾系中size,有鲜味，赞最后用coupon 68蚊有个芝士龙虾，龙虾都几大件，而且落咗好多芝士，真系好好味，但会有少少腻全部加埋连加一同酒水先433，有羊有海鲜可以讲系相当抵食
继续阅读