富臨漁港囍臨門酒家 (已結業)

第一次到這店, 感覺內地人比港人還多而且我在等位其間, 遇見不可思疑的事: 我們前一班等候者等得不耐煩, 呼喝帶位小姐問為何還沒有枱給她們, 帶位小姐問她們其實共有多少人會飲茶, 她們說四個大人(因為多人檯和少人檯是分開叫飛的), 但帶位小姐說包不包括小孩, 該女人便用半咸淡廣東話大嚷:「四個大人就四個大人啦」, 那麽帶位小姐給了她檯號, 她們乘升降機上樓去, 跟着便到我們的號碼了。 剛好我們在樓上巧遇她們, 我聽到侍應問多少位, 其中一名女人說:「8位!」, 原來是4名大人及4名小學生高度的小童, 我聽到侍應說她們8位不能擠入4位枱, 但其中一個女人說:「不打緊, 小朋友擠在一起便可以了。」 我聽完後了我們檯的位置算在corner位, 因此很多時要自給自足。 今次叫的茶是壽眉, 可能是星期日關係, 我看不見有特價點心紙, 而且沒有說明大,中,小點的價錢。以下就是5人叫的點心:因為是奶奶買單, 所以聽說是$3XX, 多謝奶奶!

因見佢做優惠一口價$96一位全包任食任飲(任食兩個半小時)任飲(有涼茶同罐裝啤酒但冇汽水)所以約埋朋友去試試......點知有驚喜喎,,整體大致上都唔錯佢地每檯更有海鮮頭盤送,有帶子,珊瑚蚌同串蝦,份量都幾多同幾新鮮架任點食物(見火鍋紙)多數都對辦,而且碟碟都放得好整齊,好似散叫咁企理當然新鮮度同味道都唔錯啦至於招呼早段都幾好,但接近七點半後,開始客人多左就爭少少喇,收野同加水都比較慢,可能人手唔多夠啦另外衛生都唔錯,周圍環境都尚算整齊同整潔呢度都可以話係同三兩知己食下飲下吹下水既好地方絕對有數圍呀

前幾日同幾個朋友係呢度開餐,5個人叫左......憑卷送清蒸唔知咩斑,約斤半重食落o.k.卥水掌翼......唔夠味生煎包......普通片皮鴨兩食......不知所謂,客後再講!燒脆鱔......o.k.貴妃蚌炒菜苗......o.k.清蒸奄仔(3隻)......o.k.但唔知點解唔一開二先上檯!陽洲炒飯......炒得悄?好食!如多少少蛋絲會更好!埋單$691講返味"片皮鴨兩食"當食到咁上下時居然先黎炒鴨絲先,係呢刻我地都好奇怪,只估計係食人地個殼先跟手我地隻鴨o既肉就俾下一檯,所以都唔理咁多照食住先,點知連後加o既炒飯都黎埋重清晒碟,但都未見d"片皮鴨"上檯就問下d部長定經理o既人,佢地回覆係漏左單會好怏有,等多半粒鐘度終於黎,但居然唔係放隻鴨係你面前片,而只係上一碟鴨皮算數,當大家望住果d鴨皮果時只見全部油淋淋有d似翻炸咁,另估計可能係唔係同一隻鴨出黎,見到咁都已經唔開胃,最後只好埋單走人,但d部長定經理完全當冇件事發生咁,真係唔知係佢地o岩定我地錯!事後大家只講一句"呢度冇下次!"

i have never went to a Foo Lum restaurant with such anger and disappointment afterward. you never would expected to have visit a wet floor near the entrance near the lift area, especially during the flu pandemic period, either it was toilet water or from fish tank, it was disgusting.service was a big disappointment as the reception lady knows we have a toddler which is under 3 but still put down as a person for tea fee. when we confront, they rudely said it was our fault not to raise up that que

可能呢間店舖既位置一般, 所以無論中午/夜晚都唔係太多人來幫襯夜晚來到拎位, 門口的知客問我地是否有 "魚卷" 乜野來架 ? 佢即刻就俾左兩張我, 原來晚飯送蒸魚一條呀, 認真著數兩個人, 免費的蒸魚一條, 另外叫了一個燉湯$88, 一個海參鵝掌$78燉湯, 絕對係夠4位用的, 因為我地兩個人每人飲了三碗都仲有剩海參鵝掌, 就唔算超班, 海參鵝掌係各自整定的, 係有ORDER先放入沙煲加汁整熱, 所以海參係無蠔油/鮑汁味的蒸魚就好好多, 條魚約14-16兩, 蒸得岩岩好, 加埋豉油用來撈飯, 正食完飯, 仲有免費的生果拼盤添連埋兩碗白飯, 茶芥加一, 埋單 $230有找, 認真抵食而且見到其他客人埋單時, 酒樓部長都主動再俾魚卷, 等佢地可以再返來幫襯金融海嘯下, 人人都要想辦法自強環境 : 唔錯, 地方夠大, 而且只係半滿, 所以唔嘈招呼 : GOOD, 不論部長, 知客, 侍應都好有禮貌, 值得稱讚

新開的呢間 富臨, 地點幾近我公司可能附近無乜工業大廈, 所以人客唔多, 但對我地來講, 反而幾好, 一來唔需要等位, 二來入面都無甘嘈招呼都算唔錯, 由帶位, 坐低, 開茶, 侍應都好多服務/笑容點心水準ok啦值得推介的有滷水雞腳, 叉燒, 腸粉但擂沙湯丸, 蒸蘿蔔糕就只麻麻好食消費亦唔貴, 來過兩次, 平均都係50蚊比起附近的新星 / 好彩 仲要便宜

上次來, 相信係9年前我仍在這頭返工的年代.當年的裝修係好不同的呢.今和媽又來長沙灣, 上來飲個茶, 食個包先!早上點心有特價呢, 叫了幾籠.蝦腸都係十蚊, 但幾粒蝦都好大粒, 也好鮮味.潮州粉菓算足料, 冇乜肥豬肉, ok 啦.炸兩本不想叫, 但媽又好想食, 又比想像中好, 油炸鬼好脆, 唔淋; 又夠熱, 正.媽話凍,叫了個义雞飯; 义唔得, 係筋; 雞則ok.服務很好.裝修真的好靚呢. 以前不是這樣的... 找不到任何回憶. 以前的同事叫乜名都不記得了.時代唔同了. 人都係咁; 就算係以前很好的朋友, 冇見幾年, 即使久別重逢, 大家都像陌生人, 冇野好講, 冇野 in common 了.又係果句, 豬要珍惜身邊的人呢.

** 此 食 肆 的 第 二 個 笑 **尋晚(26-11-2008 Wed)放o左工同男友去醫院睇媽媽,除大嫂外,個個都o係o度,到8點鐘走,爸爸o係前晚睇中o左一間打邊爐o既.由大哥帶路,到o黎,啊,原來呢間.見個牌寫住任飲任食打邊爐5點半後打邊爐成人$68.00一位,9點後遺$38.00.都幾抵喎,我o地就上去啦.去到,嘩!裝修好靚呀,地方又大,我o地7個人坐張8-10人枱,重有兩個電磁爐,咁咪可以叫兩個鍋囉,因為鴛鴦湯底set o左係沙爹同清湯兩樣,冇得轉.我o地叫o左要另收費o既豬骨同芫茜皮蛋湯.到o黎時,原來係好大鍋o架,而且足料,一o黎到已經嗅到好大陣芫茜,撈吓o黎睇, 好多芫茜皮蛋皮,重有馬蹄,而豬骨有三件大豬骨,馬蹄,紅蘿蔔同粟米.我o地叫o左任飲o既竹蔗茅根水同酸梅湯,我先飲酸梅湯,嘩!好難飲呀!二哥話山渣太多.而竹蔗茅根水味道淡.不過當我飲另一jar酸梅湯,味道又好啲喎,唔知係咪因為夠凍呢?而醬方面,佢o地畀o左豉油外,重有XO醬,而且料都幾多.好,我o地叫o左肥牛,四寶丸,帶子片,豬夏青,粟米,雞子,鵝影,豬膶,鱔片,脆肉鯇,竹笙,芝士腸,烏冬,蝦,吊魚筒,炸魚

朋友食過讚好，且有coupon可以$8食個冬瓜盅，就選這兒吃晚飯。集團式經營，門面裝修幾好，除了有點給人催促落單的感覺外，招呼也算不錯。不過奇怪餐牌菜式選擇不多，點菜有點困難。價錢都算大眾化，上湯焗海中蝦($88)叫做比較貴，亦是此店其中一味推介菜式。8大隻蝦好似幾好睇，食落卻腍軟，又無味道，底下的伊麵亦不好吃，不知是什麼上湯？！雀巢富貴蝦($55)其實是翠玉瓜炒瀨尿蝦，瀨尿蝦肉又是腍腍軟軟的，除了可說有點特別之外，同樣不識欣賞。燒乳鴿$28一隻，亦幾大隻，可惜醃得過於重手，以致鴿肉本身頗鹹，用不上華鹽。寫菜的推介茶香豬手，卻又是令人失望之作，完全吃不到茶香，見有紅椒但無辣味，淡茂茂。生炒菠蘿骨($38)不算脆口，不過酸甜汁味道調較得適可，可收貨。野菌燒豆腐($48)及椒絲腐乳唐生菜亦不過不失。冬瓜盅不太迷你，分到大約10碗。雖然材料不算多，不過半賣半送的也不苛求。埋單大約$75一個人，不貴，但食物質素差，不會回頭。

因為男朋友搬o左去附近住...所以先會發現呢間富臨~都去個食幾次lu~飲茶,晚飯同火鍋都試過...任食火鍋好正...d料一d都唔差...尤其是係墨魚丸~環境都唔錯...而且唔太多人...幾次上去都唔駛等位咁濟又抵又好食