富山和食料理屋 (已結業)

大埔區呢類日式食肆唔多，不過富山係一個唔錯選擇。可能由於附近冇乜日式食肆，呢度好多時都好多人，平日七點未夠已經開始要等位，假日就更加多人。一入到去，感覺上已經有的似和民，不過睇下個菜牌就冇和民咁多野食。今次我六點五十分去到，安排左我坐BAR檯位，唔使等冇乜所謂，仲可以見到壽司師父握壽司，雖然我對刺身冇興趣，但睇落好似幾新鮮。今次叫左四樣野，一份富山蛋包飯（$33）、一個土佐豆腐（$25）、一個炭火汁烤鴨胸（$33）同一個野菌釀雞卷（$28），比和民經濟少許。講下味道，蛋包飯蛋皮煎得唔錯，蛋皮有厚度，入面未完全熟晒，所以入口較滑，飯同蔬菜粒一齊炒，略為硬少少，汁只係普通茄汁，同在日本的蛋包飯專門店比較就差好遠喇！土佐豆腐只有三件，由於豆腐本身較淡，汁就需要較濃味，呢點做得唔錯。炭火汁烤鴨胸同野菌釀雞卷兩樣小食，鴨胸好多好大碟，有炭燒香味，不過食落較韌，至於野菌釀雞卷，由於材料屬於普通，味道已算不俗。環境上，檯比較迫，論舒適就唔及和民，不過都算幾企理，服務方面就合格水準，唔算十分出色。

刺身同sushi 都唔算特別好食燒牛排同墨魚都算唔錯....9個人狂叫都係108一個人

同老公兩個人去食, 食左三百幾蚊~~叫左冷豆腐, 冰川親子壽司, 五款既刺身, 牛肉飯, 三文魚冷麵沙律, 仲有兩個甜品.冷豆腐ok, 不過食得出佢上面既三文魚子係仿制既....冰川親子壽司$28兩件...有少少唔抵食.五款既刺身唔錯, 幾新鮮牛肉飯我老公食既, 我冇試過~~~三文魚冷麵沙律就差左d喇, 雖然有麻醬配, 不過d味道好寡....如果有多d變化就好喇.值得一讚既係上菜既速度好快,(不過可能當時少人啦)不過d服務態度就真係一dd喇, 有d staff幾醒目, 有d就黑起塊面~~比多少少笑容啦唔該

今日同個fd2人(21:xx)初試這間店鋪,環境不錯,冇乜人大聲講野etc.地方亦清潔,門口店員亦相當有禮.友人叫了個冷面,佢話好好味,但我冇試過就唔知啦,我叫了個咩石鍋豬扒飯,一個字,唔係好味,係勁!因為個石鍋的關係,我慢愎品嚐完8舊sushi後,個飯都仲係好似岩岩煮起咁!good!一試之下,味道確實不錯,有點兒像吉列豬頸肉的說. Sushi方面,特別推薦螺肉!ps(1):太卷一客有4舊ps(2):推薦情侶前去一試,環境不錯.18件壽司(8客),冷面,飯各1,total$176.

7月份我試左呢間舖頭,之前都聽過朋友過講d set lunch 好食, 假期中午我o地3大2細去食.稻庭烏冬--- 好好食,好彈牙,麵o既質感好好, 我覺得食過魚一丁三色豆腐--- 好精緻,賣相好掂,幾得意三文魚炸蝦卷---賣相好靚,三文魚面包住飯,再包住 一隻六.七吋長o既炸大蝦,入口時仲熱辣辣 而裏面就好鬆脆.牛油焗帶子--- O.K鰻魚飯---- 一般三文魚壽司---- O.K 平$9 二件serves 就一般o羅,我o地食o左大約$210估唔到大埔都有咁有水準o既日本餐廳!p.s．平日中午好似只有set lunch,假期及六,日(中午)先有散餐叫．

無意發現這店, 看到30塊錢左右的午餐, 不貴. 一試無妨.想不到都有些驚喜, 一份午餐, 有主菜, 第一次去order鰻魚飯, 還可以配一份小食, 我選了芝麻八爪魚, 以為都是份量小小的小食, 想不到都有五六隻喎, 旁邊見人地叫炸三文魚腩, 炸得很好吃的樣子.最叫我驚訝的是跟餐的甜品, 是一杯小型生果盤, 有兩小塊橙, 兩小塊西瓜及兩小塊奇異果. 而鰻魚飯的份量也是剛剛好, 有兩塊鰻魚, 合理的份量.最近再去一次, 午餐的餐牌已改, 價錢就無變.這次叫了照燒雞定食, 配帶子裙邊小食, 小食的份量不變, 但甜品改了一小碗紅豆沙, 雖然味道也不錯, 但還是覺得小生果盤好些.不過, 論價錢品質還是值得推介的. 希望不會讚壞了. 繼續進步.

o岩o岩個星期６同屋企人夜晚去o左呢度食，６點度已經去到，因為成日經過都見好多人等位．．．個香草海鮮天使麵好正！好香～連我個對意粉麻麻o既老豆都讚好食！又試o左新menu o既海鮮焗飯，勁多芝士，Wow～～～好正！！！叫o左個３品刺身，三文魚都幾新鮮，蝦都好甜，但個吞拿魚勁細舊，得一塊三文魚刺身o既１／３，有點兒離譜．．．石鍋湯豆腐就冇乜特別．．．聽朋友講過個清酒煮蜆幾好食，蜆肉好清，酒味就濃ｄ，咪叫個試下，唔知佢今次係咪落酒落得重手得滯，太濃喇．．．覺得唔係咁好食．．．仲有同我阿妹每人叫o左杯活乳酸果汁（士多啤梨＆芒果），２隻都幾好飲，不過本人鐘意士多啤梨多ｄ！

咁咁過左既禮拜六,約左mama去食呢一間日本野...其實之前已經有fd 同ar 哥介紹過...去到門口,諗住"飛",點知一個saff 都冇,佢地太忙la...好彩個staff一出lei 就俾到位我....入面有d位比較迫...不過算la,鬼叫多人mei..... 同mama 叫了一個網照牛肉定食同燒"鯖魚"定食..前菜就叫左"帶子裙邊"同"韓式炒野菜"...兩個前菜都不過不失la...而個主菜又真係幾好食wor...d 牛肉唔老,幾"林",d 汁就滲到入去;而d鯖魚"燒"得咁咁好,唔會太乾,加少少lemon juice 同豉油一齊食,正~~連我呢d不嬲都唔"好"日式"熟魚"既人都食左唔少,hehe 個麵豉湯好似"salty"左少少..飯後甜品係什果西米露..唔太甜,作為一餐既完結都唔錯... 總括呢講,我對呢間食肆既質素同價錢都幾滿意,佢個menu同和民都幾相似...我覺得最好就預番個staff o係門口會好d....仲有,要早少少lei,事關都幾多人ga...

味道好好，服務一般o個個魚生冷拉麵沙拉好好味，次次吃都咁好味。還有清酒煮硯,小許辣但好好味.不過每次都要等成過鐘.離譜.無計,但又想食.

呢間基本上係和民o既翻版, 兩間有冇關係就唔知, 係呢區黎講此等港版和食就真係幾稀有, 所以一新開市好早就排晒長龍。裝飾格調有點西洋味, 暗暗的, 有大大張o既椅, 服務都唔錯, 不停加茶外, 仲有問必答。三個人點左兩個定食, 一個係鰻魚飯, 每個定食除湯外, 仲有小食同甜品, 小食o既炸魚腩幾香脆但過咸, 另一個餃子就過油, 呢度o既鰻魚飯係用左滑蛋o既洋蔥汁淋上飯面, 飯質煙煙韌韌, 另一個係山葵海鮮飯, d料就好麻麻, 但有帶芝士山葵味o既白汁又唔錯, 散叫仲有三文魚, 海膽壽司, 又係o個句, 好麻麻, 仲有個幾油o既天婦羅, 個茄子吸o既油夠黎煎多隻蛋都得蘿。