影片
今日行过，又嚟买平包返屋企做下午茶！店入面依然系咁多人，包款亦依然咁多，我就拣咗： 红豆菠萝包：呢个红豆菠萝有惊喜㖞！ 包面嘅菠萝皮脆卜卜，香喷喷；入面仲超多豆沙！啲豆沙炒得好香，质感又幼滑，味道唔会太甜，红豆味极浓郁！包馅唔只充实，包身仲够香软，真系好得！ 吞拿鱼包：佢啲有馅包因为比较细，所以都唔期望馅会多，尤其系吞拿鱼包，因为一般包舖嘅有馅包最贵系佢。呢间店啲吞拿鱼包馅嘅份量都可以，唔太多油，味道亦唔错！包身就软绵绵，而且充满麦味，虽然我三四啖就吞咗！ 椰丝包：椰丝包外型够靓，椰丝又多又香，包面仲有一粒粒芝麻增加食味同香味，几好食！ 椰槟：因为我好钟意食椰丝，所以又买咗个椰槟。呢个椰槟面头好多椰丝，啱晒我！ 包嘅面头有啲脆，包身好香好软，一层层嘅质感一啲都唔马虎，入面仲夹住唔少椰丝，六蚊成个锡丝兜咁大仲要胀卜卜，真系几抵食架！我谂呢间包舖真系做惯人多嘅生意，个个客都买好多，连菠萝包都一盘盘入晒袋，成盘卖比下午茶时间嚟帮衬嘅地盘工人，啲人系咁入，但系阿姐手脚真系好快，虽然唔会点讲嘢，又无乜笑容，不过都唔紧要嘞！
继续阅读
面包的确超平, 有馅的包只是$2, 无馅的只是$1, 不过一分钱一分货, 卖相麻麻, d包的表面好似油立立的, 勉强都可以摆落口o既, 所以系宜家经济低迷的情况下, 都好多人买佢d包不过我谂佢地应该改善下卫生, 因为骤眼望落去不太干净, 而且佢地仲养住只猫(小妹认为做食肆不应养小动物)
继续阅读