富園特式粥麵餐廳

营业中

休息中

好大間地鋪，好搶眼啦，但係門口冇餐牌，唔知有咩早餐食，唔識路甘就入去試下。黑色衫個部長，揮手叫佢唔該寫野，佢話等等，跟住就冇跟住啦等左佢好耐，佢同人係度傾傾傾，冇左件事最後要叫另外一個阿姐寫野。如果我入去前有睇過評論，會去麥當勞啲野食，偏咸囉，公仔麵偏硬。40蚊一個早餐，抵唔抵食見仁見智啦

和朋友外出吃飯，遇到這間餐廳，非常不開心的用餐體驗，貴夾唔好食。黑椒牛柳絲意粉 $52很鹹，很油膩，牛肉數量少，與價錢相比，性價比非常低。叫了杯茶走少甜，但係並沒有少甜，落了很多煉奶。向侍應反映，竟然跟我們說，要少甜就喝奶茶自己落糖，邊有得換。豬手拼貢丸撈麵 $52份量非常少，貢丸得兩粒。朋友想問清楚有咩汁可以揀，侍應態度非常之差，愛理不理。由於附近沒有其他餐廳，可算是獨市生意。但環境衛生情況欠佳，地下佈滿油漬，不會再去光顧。

富園 清河原來有分店😂之前食過早餐 貴 性價比低一個魚蛋粉42😅唔包野飲料唔係多 都係普普通通一碗附近甘多住宅 先得兩間食店相信好多人係冇得揀情況下先入去………..獨市 冇計

員工態度十分惡劣，尤其收銀果位女士，雖然做獨市生意，但總可以改善一下態度吧？有次佢落錯單，同佢講想換番岩野食，佢反應甚大，令客人十分反感！做服務業咁冇心做，失望

平日真係好少黎上水，今日工作關係黎左呢頭附近，行勻都係得呢間茶餐廳，睇黎係獨市生意😂鹹牛肉蛋治烘底 + 菜蜜 🥪🍵多士烘得幾脆，餡料份量都幾足，鹹牛肉同雞蛋比例幾好，正常的一份蛋治👌🏻可能因為獨市生意，價錢就比較貴，唔抵食，一份蛋治餐要$33🤷🏻‍♀️烘埋底就$35啦食之前睇過網上嘅食評，普遍都話呢度服務態度好差，試過之後又唔覺，大部份侍應姐姐及收銀姐姐都幾好禮貌👍🏻唯獨有位衣著睇落應該係高一級的侍應比較差，明明見到我舉手想落單，望左我一眼就走左😒係肯定佢見到我的😤另外，餐廳地板立痴痴，可以改善一下就好啦

晚上11點05分路過，間舖11點45分關門，見有D餓仲有大半個鐘，間舖又無乜人咪入去吃個宵夜，入到去是但搵個位，未坐低伺應已經拿著本簿崔落單，大佬，menu都未睇，坐都未坐低點落單，好趕客，垃圾餐廳，不建議.

今日睇完醫生諗住費事周圍去 ，咁返到嚟屋企樓下去茶餐廳買左三盒飯， 點知收銀櫃檯收銀員話兩個字到有飯攞㗎啦你坐下先啦 ，點知我全程等咗五個字仲要啲飯出左係到冇人理， 幾個夥記行埋去開咗幾次個飯盒，但都係沒有人包外賣， 後來我出聲叫另外一位員工 ，叫他包他先主動埋去， 攞盒飯返到嚟已經凍曬， 呢間富苑越嚟越差， 冇辦法先幫襯佢， 仲要裝修完啲嘢食仲差咗， 所以我下次都係叫外賣叫拒地送上屋企，可以慢慢坐係屋企等好過係拒舖等 ，有時叫外賣送上門仲整錯嘢添。

同老婆落街食，意想不到的差，服務差，野食差，永不去第二次，就算餓死都無可能再去！！！獨市生意做到咁，絕！趕住收工就唔好叫人入去食，入都去咩都無的食都算，態度仲要勁差，都算，野食難食到嘔，算唔到，買單走人，花錢買難受！

很難找到比富園更難食,價錢比其他茶餐廳更貴一倍,份量少得可惜(咖哩牛腩飯得一舊牛腩,真人真事),服務態度惡劣.寧願行多5分鐘去祥龍圍大家樂或者去OK叮飯或者去百佳買餅食或者去遠d食或者餓死,都唔會幫襯呢間野。

之前外賣叫左兩個西班牙炒飯。點知兩個飯都冇落鹽，搞到爆難食。一直知態度好差，都費時同他理論要求換番。試過去間餐廳食個陣話想要多過碗， 服務員個表情好似覺得你好麻煩咁。每次食呢間餐廳都成肚氣走，諗住杯葛唔食。寧願行遠d 去其他地方食。

第一次寫食評，估吾到係要寫間餐廳有幾難食，個楊洲炒飯好似炒白飯甘，男友既梅菜扣肉冇色的，係米人食架？拎去喂狗隻狗都吾食啦！😡😡😡仲要樣樣都$4x幾，係大埔可以食到兩個餐喇！！人地仲要好食好多！我諗有生之年一定吾會再泥！

下午茶餐上有英文標記，當日我用英文單字叫餐，個收銀話吾識英文，叫我用中文講，之後我再用中文講要雞脾沙律，佢就話係雞脾薯條，我再講話係沙律，佢就發爛渣，叫我企埋一邊慢慢睇！其實係佢自己吾熟悉個餐牌，個牌明明寫住雞脾薯條或沙律，其中一樣，佢以為我叫錯，仲黑我面。都等左好耐，又吾係特別好食，佢好似好吾想做我生意甘，所以自此以後就行遠少少，寧願食大家樂果隻豉油雞脾紅豆冰喇，呢個野真係垃圾中既垃圾。報告完畢。

上次响到叫外賣，叫咗凍奶茶同肉絲抄麵。佢就嚟咗凍好立克同菜軟排骨河粉。打去好幾次都唔聽電話。 有一次我落去食，見到佢又唔係特别唔得閒，只係收緊$$，但佢地都唔聽電話!!!!!!!!!!!!!!!!!!!!!!!!!!!!!!仲要有兩個人企係櫃面添*******************曰頭櫃面個阿姐服務態度超唔好，啲伙計態度一 D 都唔得!!!!!!!!!!!!😨😨

今晚放工去食飯 睇完餐牌 西炒飯40$ 右上角再寫住飲品+12$ 凍飲再加2$於是我同個伙記落單 要西炒飯 佢問我飲唔飲野 我答唔洗然後佢轉個圈番黎問我 西炒飯餐送野飲 你真係唔要?我心諗 餐應該抵D 同埋佢話明係送 咁我就話 咁要凍檸茶啦唔該結果埋單果時 佢話要收54$我問點解 佢夠膽死大大聲話凍像+2$啊我再問清楚D 佢話西炒飯單叫40$ 今日是日套餐西炒飯係52$我一早話左唔洗飲品 係佢話送我先落order同埋 正價西炒飯40$+飲品12$ 是日套餐又係呢個價 咁呢D係咩套餐黎?或者係我蠢 不過各位下次去佢地餐廳食野 任何野都要問清楚先同埋佢D套餐都要睇清楚 可能佢地無良到套餐仲貴過正價

有時出外用餐，茫然唔知想食咩又或者太多提議/要求時，富園就可幫到我……「是旦」茶廳餐是友輩起的代號。 全因它選擇之多，梗有一款啱，價錢街坊價，味道不賴不折不扣的茶廳風味，三百幾個位、旁邊還有$10一小時的停車。淨係早餐就有西式通粉、三文治、沙律、奄列、特色包餐、早餐粥餐、通粉、潮州湯麵、酸辣湯麵、小食供選擇。晚餐仲多，選擇以種類分，計有套餐、碟頭、鐵板、咖喱、小炒、煲仔菜/飯、蒸魚餐、燴飯、湯飯/麵、煲飯/麵…… 數到有排數。今朝食左個茘灣艇仔加炸兩餐只係$30真抵。