富園冰室

营业中

休息中

今日同男朋友去大水坑行吓，馬鞍山之中我地未去過we go mall~ 一於嚟行海邊順便拍拖我哋本身13:45入座，揀吓揀吓點知過咗兩點原來冇咗午餐，男朋友本身好想試嗰個唔知咩燉排骨湯飯🤣🤣唔緊要，下次!下午茶個Menu就平啲，不過我覺得牛雜好似就跟套餐有碟菜好似抵啲都係+$6熱愛牛雜，而且好耐冇食嘅我嗌咗碗牛雜粗麵，更牛筋， 不過吳家好似好啲🤨🤨因為好似牛雜會變小左，金錢肚得三嚿仔 牛費都好細究個湯有少少鹹，不過溝咗水之後幾好味飲咗好多🙈🙈🐒之後有少少口渴，可能有味精不過正常個湯加水之後好味 如果唔係喊，麵質就OK幾好味不過整體就復興馬鞍山街市嗰間好味啲 環境就呢度優勝得多我哋兩個都冇食早餐所以勁肚餓，嗌咗個凱美集材煲，男朋友好鍾意個湯係咁飲，應該落咗堂？好甜。所以幾好味，啲菜唔會話炒到好多油咁樣幾好。不過佢就太快熄火，大部份菜都好硬好硬。 西蘭花椰菜花都好大嚿唔斬咁。 仲有菜心小棠菜。 係小棠菜細棵啲，所以林少少其他嗰啲真係老人家都食唔到㗎有幾個大蝦乾同埋魷魚乾幾好味 極少量嘅迷你元貝 懷疑成煲得一粒柱仔不過唔緊要啦，食得我哋好happy茶餐廳收$82有少少貴 因為佢海味不多見到隔籬

其實之前夜晚食飯嘅時候，叫小菜之餘，另外都有叫牛腩牛腸河食。咁啱買完餸就過嚟食碗粉先返屋企，撞啱下午茶時間就睇吓有啲咩選擇。見到佢雙拼裏面冇牛腸就問侍應姐姐可唔可以落腸腩河。侍應姐姐話冇試過咁樣轉過，不過叫我考慮牛腩拼牛雜，我諗左一下，牛雜裏便除咗牛膀冇乜興趣之外，其他都係會食嘅。因為個人口味唔係咁鍾意牛膀嗰種口感。碗粉嚟到嘅時候簡直係佛心，因為佢牛腩嘅份量係出色嘅，牛雜竟然每樣都有兩件。第一下梗係食咗最唔想食嗰樣嘢先，但係塊牛膀又無我想像中口感咁嚡，都係可以接受。另外腸依然冇肥膏感覺良好，牛肚都炆得好腍。另外牛肺都係我至愛之一，呢個都入味。下次下午茶一定要再嗌呢個佛心雙拼。

喺呢個商場度搵食嘅話，富園係我首選。呢間餐廳嘅茶餐可以食到六點，就啱時間去食就直頭可以當食晚飯。佢嘅食物選擇好多，粉麵飯伊麵樣樣齊，價錢都係一樣。咖喱汁焗牛腩飯咖喱汁好夠味，送飯一流。牛腩比較肥，如果唔介意其實食落就好香。唯一失色就係啲飯比較腍。沙嗲肥牛炒伊麵上枱熱辣辣，沙嗲汁都係好濃味，啲肥牛份量都好多，有好多件，伊麵炒得都唔錯，軟硬適中又夠入味。其實仲有好多菜式我都想試，以$46加杯嘢飲又坐得舒服，我會再嚟☺️

大家如果唔係嗌上餐快餐麵餐，中午嗌小菜起碼你要預咗等九個字，等到就嚟餓死，砂鍋雲吞雞$138唔係好抵， …. 好想嗌牛雜麵餐，但係男朋友話唔好今次試吓新嘢 又怕太多其實應該唔會，因為佢個雲吞雞其實好少嘢，得幾粒雲吞少少娃娃菜，雖然話半隻雞但係勁多肥，唔怕油嘅男朋友都不斷劈油雲吞就幾好味，不過根本就可以嗌佢雲吞麵餐洋蔥雞扒汁焗飯原來就係類似蕃茄汁，個汁好好味我好鍾意不過怕肥，炒飯底都唔錯不過唯一嘅問題就係其實佢啲肉真係好少，個雞扒其實好似得四件，薄薄地，雞皮嘅話真係冇咩肉係食飯飽不過環境同服務態度都好好….下次會嘗試其他餐廳，或者食飯食開嘅嘢要喺呢間

Hi，啱啱千辛萬苦打咗認真嘅一篇食評諗住警惕自己下次小心揀才 點知OpenRice 個appshort咗彈咗出去，而家重新寫過今次寫重點算啦今次揀咗兩菜 套餐，但係其實只係送咗碗白飯同埋禮堂，自由選材會比較Flexible牛雜例牌非常之細份，只有一件牛膀、牛費三至四件 牛肚就多啲好似幅圖咁，但係根本就嗌$50份牛雜粉麵套餐，仲要送一點碟菜仲好用山菜墊高少少 🤏都仲係細份呢幅圖就係所有份量特登攤開晒呢個要等半個鐘左右 南瓜好大打卡一流好靚 汁味道唔錯 海鮮材料極少 兩隻青口，兩隻走過有嘅蝦，一啲西芹 喺底下同埋魷魚 同埋蟹柳如圖海鮮份量係極少 南瓜份量極大，而且不太甜 比較沒有味道整餐嘅感覺就係食碳水化合物不過服務態度同埋環境，依然好好上次奇怪嘅侍應今次唔見咗 可能已經冇做了🙈下次來食一定要小心選擇菜式，不要選小菜可能比較化算

香港越來越少好食牛腩，以前細個時周街都好易食到好食的牛腩，但依家即使食到好食的，過一段時間又變得唔好食，相信是餐廳唔肯用靚材料所致。富園最令我欣賞的就是下午茶的金牌牛腩飯，牛腩鬆軟入味，每咬一口均有濃厚的牛味，牛腩汁滲入白飯再加上有兩嚿冧曬的白蘿蔔，簡直滿足味覺之餘，又滿足腦袋興奮，精神為之一振，故此每逢假日均等下午茶去幫襯。雖然服務無咩特別，尤其是收銀嗰個ee，每次比錢都黑晒口面，但唔緊要啦，只要牛腩能夠保持水準就可以了。

外賣一盒北菇蒸雞，食得嘅得三四舊，其餘雞頸骨頭，離哂大譜，係咪見外賣就可以甘不負責！之前已經係甘，量少不說，價錢又貴，停了一排無幫襯，後來改善了，誰想又變翻轉頭，以後絕不再幫襯！

屋企人去宂街，費事要佢哋煮就去附近食晚飯，呢間好耐冇食，就過嚟回味下。叫咗個二人餐，裏面包兩個小菜，top up多一個小菜都夠三個人食。個例水都幾好飲，最緊要係飲完之後會口乾。蘆筍炒帶子，都尚算中規中矩。鐵板黑椒牛柳，呢個性價比相當高，大大塊有厚肉，肉質無嗱得好犀利㗎感覺。個癬雖然唔係好多。啲白鱔我哋就中咗尾嗰段，但係呢個價錢都係冇投訴，加上佢啲肉質冇泥味其實已經好好。食小菜食到咁上下有少少唔夠喉，心囉囉攣想食牛腩河，點知冇河粉，剩係得粗麵，都照叫。個面底好多，牛腩都好慷慨又大件又厚又腍，同埋個精粹就係個辣椒油啲辣椒籽辣得超過癮，呢餐相當滿足。

此店屬馬鞍山區內評分數量較多而且高分茶餐廳/冰室，適逢假日，同朋友一齊去試。星期日茶餐時段，見入座率長期保持8成滿以上，可見餐廳受附近屋苑客歡迎。服務上屬正常一間茶記，唔好期望員工會有任何特別禮貌的招呼同反應就可以了。環境方面有心機做佈置坐得舒服。餐牌選擇款式多，粉麵、廚房、水吧一應俱全。食物方面所叫的食物賣相都係精神飽滿 ---乾炒牛河 - 味道正常略欠鑊氣，屬中規中矩。焗豬扒飯 - 醬汁芝士味道醒胃，但飯實在太過濕軟唔香口，有少少扣分。豬扒夠淋，但一條大骨霸佔了大約三分一的篇幅，失分位。花生醬西多 - 正常發揮，夠大份夠飽滿，味道沒有什麼特別。奶茶、鴛鴦 - 奶茶較優勝，奶茶味夠；鴛鴦帶有酸味。茶餐收費顯得性價比高，住附近確實收貨，特登嚟就未必了。

香港傳統嘅茶餐廳愈來愈少，反而開咗好多冰室。唔知大家會唔會食茶餐廳嘅辣椒醬呢？如果有嘅話，應該會發現好多茶餐廳為左節省成本都唔再放一大樽出嚟，而係轉咗用細包裝。今日我去咗馬鞍山嘅富園冰室食早餐，就食到最好食既嘅港式茶餐廳辣椒醬。第一次去一間茶餐廳食早餐，我都一定會先食佢嘅沙嗲牛肉麵，呢樣每間茶記都有嘅嘢食。而最特別嘅係，唔知點解，茶餐廳入面嘅沙嗲牛肉麵都係B餐，我食過好多間都係咁。沙嗲牛肉麵幾好食，牛肉嘅沙嗲味夠濃，湯底加入左花生醬同花生碎，另外個餐仲配牛角包；而呢個餐嘅精華係辣椒醬。佢仲係保持住傳統茶餐廳一大樽俾人任落。每一間茶餐廳嘅辣椒醬就好似韓國餐廳嘅泡菜一樣，味道間間都唔同，因為每間都有自家製嘅秘方。呢間餐廳嘅辣椒醬加入咗蒜蓉，而且辣度適中，加埋落碗麵真係好好食，大家可以一試。另外，扒餐都好大碟，沙律有加麻醬，吉列魚柳既千島醬係水準之上。不過，我仍然推介返沙嗲牛肉麵，真係一絕！

呢間茶餐廳位置比較偏僻，喺恆安地鐵站要行至少七至八分鐘先去到，不過佢嘅早餐的確幾好食，行遠啲都值得。其實佢位處嘅商場開咗幾年，裏面啲餐廳不斷咁轉，佢係少數其中一間由商場開張做到依家，都證明都有唔少捧場客。每次嚟都會叫秘製回鍋肉米粉，佢啲回鍋肉係自家製，有少少麻而唔算太辣，啲豬肉肥瘦相間，炒得夠惹味。另外叫咗個鮮茄羅宋湯通粉，湯底應該煲咗一段時間，好濃郁入味。跟餐配嘅牛角包有溫度又夠脆，相比一般茶餐廳凍冰冰嘅餐包高幾皮👍

今午叫了外賣午餐，乾炒海鮮烏冬加例湯，要約 60元。例湯可以，但主菜卻大失所望，整盒烏冬很滿，但主要是烏冬及蔥，海鮮不有細虾毛，半吋長都無的尤魚，以及一些蛋絲及5 mm都無的蜆肉，又小又少，整盒有大約 95%+是烏冬，而啲烏冬又粉又有酸味，食水太深，賣相差，又要只用現金，又要自取外賣，服務太差，難怪生意越做越差！

一早同個仔仔去呢間富園食個早餐🤤我比較鐘意佢嘅歐陸早餐，仔仔就食咗個火腿通粉餐，另外叫左個吉列魚柳歐陸早餐，佢嘅吉列魚柳香脆內軟，味道啱啱好，唔會太喊，咖啡奶茶還可以，整體可以啦，服務員態度好，環境乾淨。

下午茶餐廚房推介11.蒜香排骨蒸陳村粉$46今日入左馬鞍山we go mall到行街，去咗商場地下間富園冰室到食下午茶，見到餐牌都有好多選擇，我見自己好耐冇食過陳村粉，我就揀左「蒜香排骨蒸陳村粉」食，飲左杯熱檸茶，等左一陣好快就送到黎枱面。我就覺得不過不失啦，但就唔係好夠汁，陳村粉吸得好快，我都有問侍應再拎汁，侍應好好人都有比我，我就厭佢唔夠蒜香味（蒜蓉），咁岩幾粒排骨都冇乜肉食，得啲骨。熱檸茶就冇特別正常嘅！

喺「富園冰室」撞正一餐食，體驗到呢度嘅地道港式風味，實在係惹味到不得了👀！首先，佢嘅「經典肉醬意粉」就已經係呢度嘅招牌之一，意粉夠晌，肉醬煮得豐富香滑，呢度嘅廚藝真係唔使蓋，食落去感覺得到每一啖都夾雜咗家鄉嘅味道。再講講「招牌鴛鴦」，嚟到富園，唔點一杯嘅話，真係有啲虧待自己。個鴛鴦夠哂香濃，咖啡同奶茶嘅配比攪拌得剛剛好，啱啱好嘅味浓度，即喝感覺滿滿的幸福感，一啖奶香甘香，絕對係恩物。跟住嚟個「自家制檸檬茶」，簡直就係解渴消暑嘅好選擇。檸檬片嘅酸香跟住茶嘅微苦，掂嗒嗒！飲落去啲茶味夠鮮郁，檸檬嘅清香提提神，真係夠晒解渴☀。飽餐之後，「菠蘿油」作結實在係滿足！外層酥脆而內裡嘅菠蘿醬香軟唧唧，味道非常協調，一啖又一啖，令人停唔到口！真真正正，富園冰室體驗到了港式茶記精髓，下次再見面，我一定再黎過你🙌。