影片
食家推介
富嘉厨艺好。江湖无以后。闻风客人至。难敌九月九。问君为甚么。熟客挤门口。衰嘢唔好提。今日送君走。环境甚干净。茶记式结构。中午正时候。服务街坊友。事实少帮衬。现在好内疚。小炒好味道。海鲜称不朽。例汤五点前。汤渣有莲藕。套餐包你饱。冷气热死狗。我本新人类。隔离曹国舅。星洲擅炒米。唔辣无人吼。叉烧都唔放。临别同我斗。好彩份量够。食咗唔会瘦。次次都好食。呢匀打折扣。排骨有水准。唔叫是阿寿。朋友快快食。慎防隔离偷。落肚好实际。甚么是朋友？粟米烩肉粒。选择真太旧。出土老文物。餐单居然有。一吃令人笑。再吃唔使忧。回忆去年时。有志做特首。倾偈plan旅游。资料好鬼厚。此去何时聚。记得将进酒。天若有情天亦老。炒埋一碟休讲究。
继续阅读
探寻工厦隐藏版呢间食堂，真系一个惊喜！🤩 走入去，气氛舒适得嚟有啲家庭式嘅感觉。我地点咗几样招牌菜，驰名嘅姜葱生蚝煲一上桌就飘香四溢，生蚝肥美，姜葱个味啱晒捞饭。炸乳鸽金黄香脆，肉质嫩滑，完美至极，啖啖肉咁诱人！😋猪油渣炒菜劲香，口感之好，豉汁蒸鱼云滑溜鲜甜，海鲜豆腐蒸蛋白更加系滑嫩得黎保持咗鲜嘅原味，简直系丝滑极品。青瓜炒大肠爽口脆味，完美平衡咗丰富既菜单。蚝仔粥粒粒分明，既浓郁又唔腻，成碗吸晒我哋每个人嘅注意力。每道菜色香味俱全，令人满足到唔想停口，每啖都有惊喜🌟。无论系和家人朋友聚会，抑或系一个人嚟享受个静谧美食时光，都一流。记得带埋近啲嚟体验呢间隐藏版美食食堂嘅魅力啦！
继续阅读
同班朋友去完海洋公园，之后我地就去左香港仔嘅富嘉食堂！位于香港仔工厂大厦嘅富嘉食堂， 一入去已经全场爆满，由于楼底都比较矮，所以所以呢度好嘈，根本倾唔到偈!我地叫左日式烧汁炒乌冬 $85椒盐豆腐 $86豆腐食落有阵臭豆腐味，怪怪咁!杂菌浸鱼肚 $96呢个鱼肚好厚，好好食，呢个我强烈推荐薯仔牛柳粒 $138薯仔有炸过，牛柳都好好食豉椒炒蚬 $108 D蚬好细粒富嘉小炒王 $128另外仲买左菠萝咕噜肉，椒盐鲜鱿，每一碟𩠌都细细蝶,可以食好多款!
继续阅读
星期六早上和好友参观薄扶林牧场后，感觉有点肚饿，那里的Pizza Express要11:30am才开！记得有朋友向我提过香港仔有间在工业大厦的餐厅食嘢几好，可以自备海鲜去煮！决定去试吓！因为早，并不是太多人，座位大、干净舒服！首先送上例汤！我们点了两道菜，姜葱蚬介鱼腩煲和姜葱生蚝煲！可乐是好的配搭！唯一有些遗憾是叫了两样很类似的菜式，下次要试吓他们的招牌菜！如果姜葱生蚝煲再于多些姜就更好。眼阔肚窄，吃唔晒，两人分了两份晚上和家人分享！
继续阅读
朋友系香港仔地胆，𠮶日出开香港仔，佢就话带我去食好西，所幸，好西真系好西。鱼皮我平时唔系几食，但系朋友话呢度嘅姜葱鱼皮喺必食之选，咁我就试吓啦，点知真系食到停唔到口，佢嘅鱼皮一啲都唔腥，唔会滑潺潺。估你都估唔到，鱼皮嘅质感竟然系爽脆。加埋姜葱同甜豉油一齐食，我话俾大家听我系打包左一份返屋企嘅。（不过返屋企之后味道真系有距离，所以都系堂食好）金沙鱿鱼，个咸蛋味非常之香，绝对唔系出边𠮶啲所谓金沙得少少咸蛋就算。佢个咸蛋仲唔知用咗咩方法令到佢系流沙嘅，coat咗喺炸鱿鱼嘅面度，就算热气都要继续食。另外挂住食唔记得影相嘅系乳鸽同埋沙姜鸡脚。乳鸽都炸得香脆，不过我本身对乳鸽一般，但系我啲朋友都食到舔舔脷。沙姜鸡脚非常入味，选脚趾都在所不惜。其中一个招牌菜系蜜糖薯仔牛柳粒，呢个就相对头两个菜式较为失色，亦都同我食开嘅另一间小炒有距离。牛肉有啲银，薯仔亦都唔脆。豆腐海皇羹就好一般，生粉多咗啲，材料唔太够。本身朋友话呢度个石锅芥兰好好食，不过因为我唔太钟意食芥兰，而非常之钟意食豆苗，就问店家可唔可以做石锅豆苗，店家话可以。上菜嘅时候的确好香，但系豆苗都系适宜用蟹肉或者瑶柱扒多过石锅，所以个味道唔系好夹。最后就算已经好饱，但系都加咗个豉椒炒双蚌米粉底。双蚌冇咩特别，但系个精华系个米粉，煎到香香脆脆，再点埋啲豉椒汁，饱都要继续食。最后要一提嘅系，以上嘅食物系我哋三个女仔一餐之内叫嘅，虽然食净少少打包左，但系都真系好夸张。（后记，我哋之后仲去咗食糖水）
继续阅读