富來冰室 (已結業)

$49 午餐火候十足抵食夾大件呢間唔起眼，細細間茶餐廳，今日去試吓，午餐$49嘅黑椒肉片飯，絕對超值你睇吓佢哋嘅餸菜好多，絕對係你落單佢先炒嗰種，唔係三餸飯（一大盤煑好左那種），食嘅時候熱辣辣另外散叫叫咗個涼瓜牛肉飯，都係$49，同樣係火候十足，熱辣辣，苦瓜切片，八成熟，入口好爽，仲有草菇，大廚唔係求其煮熟就算，唔係馬虎了事例湯絕對要飲，加咗$7都覺得超值，完全冇味精鍾意食煎蛋的我，加咗兩隻煎蛋，$15 兩隻，蛋黃超級紅，好味呢間餐廳絕對會再幫襯，同區附近冇邊間又好味又抵食…查看更多

佐敦星期三早上8：15am 經過廟街259號， 此餐廳細細又乾淨， 入內試試早餐。早上人流都9成滿， 全店6張枱。都有5張枱坐滿。早餐得5款， 沒有其他散叫多士， 熱狗。。。一個人叫左B餐炸魚柳， 火腿奄列， 餐包， 熱咖啡。$37炸魚柳有驚喜， 即叫即炸， 有味（ 唔會雪櫃味）， 又滑溜， 讚。奄列唔會好水， 但蛋較老， 唔得滑， 像炒蛋。唔差。:)餐包， 唔像焗爐焗熱， 像煎熱， 麻麻。咖啡， 唔加糖都好飲。總評。食物。 唔差。 7分價錢。 合理環境。 清潔乾淨。 8分…查看更多

多次幫襯這間小店，每次都覺得好好食。用心製作之餘，材料質素亦很好。今次本來想食熱門嘅芝士漢堡包，但老闆話人手不足，所以做唔切無得食。結果選擇了熱狗。但一啲都不失望，熱狗腸有兩條，沙律醬一啲都不酸，以$18來說真的超值，實在好好食呢。有這樣質素的小餐廳，真的要多多支持。…查看更多

點咗份吉列魚柳，餐包，火腿奄列早餐，跟餐熱奶茶。另外餐包可以選多士，奄列可選煎蛋之類，配搭算係幾多。 嚟到有埋生菜蕃茄，茄汁豆，正常野，唔評論。 餐包，係開邊搽牛油煎過，香脆。 火腿奄列係全熟，火腿份量較少。 吉列魚柳，外層非常香脆，魚柳嫩滑，好食！好好食！超級好好食！ 成個早餐先37蚊，我剩係比塊魚都值。 餐飲熱奶茶，沒茶香，奶味淡，茶餐廳奶茶嚟講係唔合格。 綜合嚟講，呢度性價比係一流。下次有機會試下麵餐再更新。…查看更多

因為要等錶師傅八點鐘返嚟, 又要趕住喺8：30pm上堂之前搞掂換手錶電池, 所以就喺附近搵間餐廳坐下, 行嚟行去都冇乜嘢想食, 見到一間都幾企理喺廟街近寶靈街就入去坐低.見到有我最喜歡嘅常餐就叫咗, 因為已經食咗tea就千叮萬囑叫佢要少啲通粉但其實出嚟都分量唔少, 好好服務的侍應哥哥還說已經給少了很多.要講嘅係佢嘅豬扒認真ok, 煎豬扒加麻油香,非常之好!佢嘅餐包是非常有誠意咁烤埋餐包裏面!雞蛋有好香嘅蛋香味,應該係用啲幾好嘅蛋.整體嚟講45蚊一個常餐簡直超值!大推可以去試下!…查看更多

經常光顧這小店。它們的自家製芝士漢堡包是我個人認為全香港最好吃的。漢堡是新鮮牛肉，麵包亦小小熱哄，脆脆的感覺很好吃！加上適當而不太多的醬汁，味道一流。必食！今次亦嘗試小菜套餐，叫了粟米斑塊及豆腐火腩。2個菜式亦非常好吃，見得出他們有心機煮食。一定會再光顧！…查看更多

下午茶餐雞髀大大隻，份量足夠，價錢合理🥰（$37+$3）之前食過常餐正正常常公司附近嘢食唔多，決定下午茶再去試一試佢入去呢間餐廳之前有睇過其他附近餐廳都要大約$40，最平係呢間餐廳$37有雞髀拼薯條雞髀應該係即炸因為等咗好耐薯條都好脆脆但餐廳冷氣極大，唔同位溫度相差好遠記得選好位坐固定menu 外仲有是日午餐（日日唔同）下午茶都有個手寫menu但問店員得知係日日一樣（唔記得咗影相）如果下次再嚟就試吓下午茶乾炒牛意🥰…查看更多

三日內兩次光顧，皆因佢嘅常餐丁面煮得非常出色，係近年坊間少有，出面啲餐廳往往交行貨，煮到啲麵淋bet bet，喺屋企煮好食過佢哋。 ”富來”嘅常餐內，出前一丁烹調時間剛剛好，食到中段甚至尾段都唔會覺得啲面淋，湯底亦是真正出前一丁味，奇怪出面有啲餐廳，湯底並非真正出前一丁味，未知係唔係啲水嘅關係，可能佢哋唔係用普通清水開湯底，雞扒咬開非常juicy， 啲肉唔會乾曬，值得一提既係，廚師將雞扒預先切開一條條，唔會整件上，方便食用，細心！ 多士水準不過不失，我order的是太陽蛋，上枱是燶邊，好！檸茶茶底唔夠濃，少許失色。下次光顧會試雞翼雞髀同漢堡包！…查看更多

相信這小店是家族經營，他們非常有禮貌。食物質素亦出奇的好。午餐方面，價錢平，但非常好吃。小店的手打漢堡包是我個人認為全港最好吃的！很用心製作，手打牛肉好鬆軟，麵包亦toast了，口感一流！必食推介！…查看更多

同兩個朋喺佐敦收工行過一條唔起眼、又冇乜特別舖頭嘅街，見到間應該新開無耐嘅冰室，本身諗住食少少嘢吹下水就算，本來入到去都係諗住食吓雞翼西多飲吓嘢果啲啦，入到去諗咗好耐食乜好，個老闆推介咗啲是日小食俾我哋，啲嘢食嚟到！嘩！超級好味！估唔到一間平平無奇嘅冰室都有咁嘅質素，完全係比得上菜館做嘅嘢，坐得又舒適，價錢又唔貴。值得推介同返去再試！P.S. 啲相偷食咗幾舊先影🙈…查看更多