富臨皇宮

营业中

休息中

富臨 8:30pm 夜宵星期日8:20pm到達 即刻安排入座晚飯客繼續吹水 宵夜客唔太多 宵夜羊肉煲1元 & $68經濟小菜茶$12 小食$12 +10%蟶子皇 元貝 沽清。。。$1元古法羊肉煲 $1 1元雞大大煲 重有咩要求 預咗大骨位連肉 只有2嚿有皮湯汁冇乜南乳味 味道一般要跟生菜就要 +$48涼瓜炆班頭腩 $68頭腩位 魚鰭骨 煲仔上 熱辣辣好味 但 醬汁傑 肥膩鐵板黑椒豬手 $68 大大隻 價抵鐵板淋上黑椒汁 香氣四散 煙霧迷漫夠氣勢 微微黑椒辣味 頗油膩肉皮唔太淋 帶番屋企再煮食白花煎饟藕餅 $68 8件 炸藕餅虾膠 鮮味爽口 可能炸油温唔夠高 少少油面鮮竹蕃茄浸時菜(菜心) $58清清地

早幾日前預留乳豬澳龍餐，電話中已經覺得個呀姐啲語氣好似唔憂做咁，跟住同佢講想預留乳豬又話唔洗，到用餐時要求要乳豬又好愕然，我估計廚房無準備，點知上到枱真係得幾件，仲要又凍又淋。成晚無人招呼過，連湯都自己裝埋，睇到個場只係得三份一食客，都搞到咁，如果真係無心做就無謂再浪費人力物力，快啲執粒，支持本地消費但最後都係一肚氣

和爸媽來到黃大仙富臨皇宮酒樓飲茶。酒樓裝潢呈歐洲宮殿風，很有氣派，環境寬敞舒適，並配上華麗的水晶燈，提供多款的滋味點心以及不同的小菜餐點，選擇豐富，價錢合理，質素高有驚喜。叫來多款即叫即蒸點心，雞紮皮脆香嫩，雞香十足，油脂豐腴，齒頰留香。腸粉清新爽口，燒賣色澤鮮明，爽口彈牙。山竹牛肉肉質鬆化，鮮味十足，加上豉油，令味道提升。奶皇包皮面白如雪，入口軟熟，餡料奶香濃郁，還有沙沙的口感，味道甜鹹交融，讓人百吃不厭。可能適逢復活節，有鹹水角與布甸，布甸裝在兩隻蛋殼裡，鹹水角是趣緻可愛小雞的造型，夠晒應節，別具心思。價錢實惠選擇算多，而且食物質素平均，算是區內不錯的選擇。

新年前訂咗隻乳豬初一同屋企人一齊食，攞到返屋企唔剪都唔發覺隻豬肥到應該跑唔郁，佢皮下只有脂肪肥膏，肉可能係有1mm咁厚，塊皮仲要係唔脆，完全將大家初一嘅氣氛帶到最高點⋯⋯⋯可一不可再，極度後悔，諗住喺屋企附近方便取，點不知賴嘢😔😔😔 仲有，酒樓嘅侍應服務態度真係有待改善，完全明白不想同北上消費嘅原因，明眼人都清楚，完全感受到。香港嘅飲食業越嚟越差完全係有原因。Never be back 🤬🤬🤬

因為太遲訂枱，就試吓依間，一試難忘！依世人都未見過呢個格局，啲枱set到密密麻麻，枱凳污糟邋遢，仿如置身喺平民大笪地一樣！周圍充滿陣陳煙味，聽說有人喺廁所食煙，導致空調煙味四散，坐低5分鐘就想走，仲要逼人食套餐，（前一晚打電話問佢有冇散叫佢話有）$3888 垃圾食物！每一碟餸菜食完都要催促，完全冇人執枱，見到啲侍應人手安排完全混亂，冇服務可言，埋單時聽到好多客人不滿，甚至連甜品都唔食就走，有啲計錯晒數，快啲執咗佢算啦！

未試過食餐飯嬲到特登開acc鬧爆！富臨5宗罪1. book位坐food court本身係團年飯，所以早1個月book位，7點，2圍，訂位顯示為當日食飯第一個訂位聽從指示6點45已經到場攞位但係竟然唔係坐3樓，而係要坐係2樓，本身food court嘅地方去坐！！老人家係度費事要佢行來行去就無辦法店長解釋: 唔知book位先就要安排先2. 叫餸先知只有套餐可以叫，但係隔離枱3人就可以叫小菜訂座同確認訂座都未有提及一定要訂套餐而現場嗌套餐要另加300長腳蟹餐更加無啦啦要再加300，而餐牌係無寫要加300，純粹酒樓職員自己話要加店長解釋: 溝通不足3, 翻叮再翻叮嘅冰凍乳豬皮已經韌到食唔到，豬頭背面焦黑，無肉只有肥膏未食過咁垃圾嘅乳豬店長解釋: 唔信會係凍，唔知點解會咁4 無一樣小菜係熱，連微暖都唔係每一樣送上嚟係凍味精重多油出去食預咗，但係中菜最基本要夠熱，清蒸長腳蟹係凍嘅，蒸魚係凍到有腥味，燒雞都凍琼油，所有小菜毫無鑊氣可言，就算叮返熱都無係大家都要著羽絨嘅日子，食一餐全凍嘅中餐，非常特別嘅體驗店長解釋: 唔信會係凍，唔知點解會咁5. 服務極差上菜亂上，唔止一樣小菜我哋要係另一枱自己拎返

酒樓設於黃大仙的商場內，是街坊食市，十分親民。早上看完日出便到此飲茶，点菜上菜十分快，旁邊全為街坊街里。但食物超級實惠，很多孖寶都30多元，食物味道一般，而且食物長時間蒸著，很多都過度蒸熱，食品又爛又無味。菜肉雲吞，我就少有地嘗到如此的厚皮，腦海中，那厚雲吞皮真連香港街市都找不到，令雲吞又硬又實，不可能評為好吃。棉花雞是比較神奇的一個点心，重蒸的次數太多了，連芋頭條也夾不起來，全都蒸爛了！還好粉果、腸粉、牛肉沒有被蒸到這程度，否則不用吃了。。

最近冬天，富臨推出羊腩煲，作為羊肉控當然立即來食😝😝💠古法羊腩煲 $268份量很多很大份，有濃郁的醇香，羊腩肉質酥爛，入口即溶，羊肉味也足.羊腩軟嫩，配料還有腐竹、馬蹄等等，食完全身暖笠笠☺️☺️💠野山參燉水鴨（盅） $118 有濃郁的香氣和苦甜味，有甘香，水鴨肉質鮮嫩,燉煮後肉質鮮美多汁😍湯汁濃稠，口感豐富😋湯和渣也是份量很多，雞肉和豬肉也是夠稔又多汁.💠明爐乳豬 $188豬皮酥脆，肉質鮮嫩，口感非常有嚼勁，肥瘦適中，再加甜醬和糖一齊食味道更佳☺️

熱門中式酒樓🥰 餐廳裝潢呈雅致，環境寬敞舒適，人流多 好熱鬧，好適合家庭、朋友聚會👍🏻 食物方面提供豐富粵式菜餚，仲有生猛海鮮，食物質素高 有驚喜！💖💖💖食評💖💖💖古法羊腩煲（大） ($268)✨必點！幾乎每台都有羊腩煲😍 湯汁味道好濃郁，以慢火燉煮的方式製作，令羊肉變得極為軟嫩。湯汁加入了各種香料和中藥材，味道出色，好入味😋 羊肉大大件，還有馬蹄及支竹，份量好多，十分飽肚，配飯食一流👍🏻 炭爐燒乳豬（例） ($168)✨炭火燒烤而成，表皮好酥脆，肉質嫩滑。乳豬外皮有燒烤香氣，充滿風味😋 配搭醬料好好味👍🏻野山參青欖燉水鴨（盅） ($118)✨好大煲燉湯😍！營養價值高且材料豐富的湯品，湯料有水鴨、雞肉、豬肉、雞腳、野山參和青欖，肉質鮮嫩，燉煮後更加滋潤。為湯品帶來了特殊的風味和口感，美味又健康👍🏻🥜花生 ($13/碟)✨

最近天氣轉凍啦，係時候要食羊腩煲補補身，食完真係會暖粒粒～古法羊腩煲，好大煲呀😍有羊腩、炸枝竹、馬蹄、冬菇等等！滾起後，已經聞到好香，冇羊臊味，羊肉好淋好入味，連皮帶肉，點少少腐乳醬，就最夾啦，其他食材都入曬味！明爐乳猪，皮脆肉嫩，啖啖肉，冇咩肥膏，點少少乳猪醬，好食！野山參燉水鴨湯，好足料嘅燉湯！一打蓋已經聞到好香，睇得出好足火候，有野山參、水鴨、雞腳及排骨等食材，燉到好淋，飲落鮮甜回甘，滋補養生，好飲而且好大煲，足夠3-4個人飲～

天氣涼涼就好掛住羊腩煲❤️，富臨皇宮平時都會間中同屋企人黎食下飯，做冬都好岩黎～個場好大，坐得闊落又舒服古法羊腩煲(大份)羊腩煲真係一食就暖入心頭，羊腩炆得好入味，但又唔會過份軟腍，份量都好多下，好足料，入面仲有冬菇，馬蹄同枝竹等野山參燉水鴨湯湯頭好清甜帶甘，一飲就有好滋補既感覺，入面仲有勁多料，鴨肉都好腍身嫩滑，成隻鴨都係齊到，飲得又食得😍明爐乳豬(例牌)外皮好香脆，食落超滿足，啖啖既豬香，非常好食😋

屋企人落單時冇為意，之前個客有寫嘢，同一樣野食有兩個order，嘢食嚟到發現多咗，咁就以為侍應送錯嘢，叫佢吔收返。以為處理咗啦，點知突然兩個侍應將幾碟點心放喺枱度，有個拿住張落單紙話真係有落到架，仲同隔籬嗰個講，好彩我攞張單對返，唔係就俾人屈咗。之後全程冇人來講過一句唔好意思，或者搞清楚發生咩事，只要唔係佢地做錯就得，同經理返應個陣佢凈話冇問題呀，呢個係你吔落嘅單呀。真心，唔好來呢間食野，無啦啦可能食到一肚氣。

📌富臨皇宮天氣轉涼，最期待就係食羊腩煲富臨皇宮係一個好選擇，坐得舒服而且又有燒味、小菜等，啱晒我口味🤗🔖羊腩煲羊腩軟腍入味而且啖啖肉，羊羶味恰到好處，個汁都係重點，越煮越香濃，加個白飯超正🍚配料豐富，有枝竹、馬蹄、冬菇、粉葛等，吸收晒醬汁精華🔖明爐乳豬乳豬皮脆肉嫩，點乳豬醬同砂糖，鹹鹹甜甜口感相當唔錯🔖野山參燉水鴨湯水鴨湯好足料，一盅嘅份量夠晒4人分享裡面仲有鴨腿、鴨肉、雞腳等，味道清甜又暖

📍#富臨皇宮 (黃大仙)黃大仙龍翔道120號新光中心3樓♡人均消費: $672 @ 2▪️▪️▪️▪️▪️▪️▪️▪️▪️▪️▪️▪️▪️▪️又到咗每年一度食羊腩煲嘅季節🤓🤓🤓 今次就同屋企人去試吓酒樓嘅羊腩煲🤪✨#古法羊腩煲💰$268羊腩煲炆得好入味！羊腩冇咩羊臊味，鍋底裏面亦有知足、竹筍、馬蹄等等材料，最欣賞佢個腐乳夾埋羊腩一齊喺Perfect match。✨#化皮乳豬💰$188乳豬皮口感香脆，肥瘦適中，yummy!!!!!✨#野山參青欖燉水鴨（盅）💰$118燉湯非常足料，一大盅湯水每人都可以飲到三碗，好飲又滋潤，燉水鴨仲有原隻鴨髀～ 夠晒滋味。▪️▪️▪️▪️▪️▪️▪️▪️▪️▪️▪️▪️▪️▪️

富臨皇宮 📍黃大仙龍翔道120號新光中心3樓秋風起🌬️我鐘意食羊腩煲～暖暖胃🤭🥢今晚帶埋屋企人去左富臨皇宮食羊腩煲佢地好多分店嫁～今次去左位於新光中心分店好近黃大仙地鐵站🚇好方便啊🤭🐖明爐乳豬～例牌～乳豬皮夠哂香脆🐏古法羊腩煲～原煲上😆足料又夠大份有大量羊腩、馬蹄、冬菇、枝竹等配料食羊腩煲加配埋生菜🥬真係正🦆野山參燉水鴨湯～平時好忙無咩時間煲湯所以去親酒樓一定會叫燉湯滋補一下呢款湯水養陰潤燥～食完羊腩煲飲返啖靚水湯😆見佢地呢期做緊優惠🈹不時有多款優品推出黎緊做冬諗到係邊到買飯聚餐未？富臨皇宮黃大仙呢間分店～空間感好大～座位闊落👍🏻坐得幾舒服#羊腩煲 #中菜 #做冬