影片
富临一向都价廉物美，今日同老公去左一间唔系好就脚既富临，我地系香港仔出发，搭107坐到总站就系啦！今日我地饮下午茶，睇下张纸，普遍都11.8/13.8/14.8，价钱唔靓，几亲民。古绵马拉糕: 金黄色马拉糕一向都系老公最爱，糕点热呼呼，而且好软熟，层次分明，佢最中意就系食边位，甜度亦适中。四宝滑鸡扎: 四宝包括火腿，冬菇，棉花(鱼肚)同鸡件。厚厚既火腿，加上大大既冬菇，爽口鱼肚再以腐皮包住，札成一卷。火腿咸咸地，鸡件就油左d，令腐皮索晒d啦！北菇棉花鸡: Unexpected！棉花鸡底居然系一堆芋头，起码有成四，五件，宜家食棉花鸡还是芋头？味道同鸡札差唔多，但都系比较油，早知系食芋头我净系叫鸡札算啦！极品烧鹅濑粉: 大大碗十分超值！14.8咋！有六件烧鹅，仲有菜食tim！烧鹅皮脆肉嫩，啲肉好有味，唔霉又唔韧，fit晒一人份量。
继续阅读
Megabox虽然多食肆，但今日我行远少少，去左企业广场富临。渔港饮下午茶。下午茶两点开始，今次坐左入厅坐，大堂已经爆晒，不过都系厅好，够静，冷气又够冻鲍汁炆凤爪: 鲍汁唔入味，唔知系咩汁，无乜味而且份多，凤爪炆得唔淋，硬硬地唔好咬，凤爪都无乜味。香茜牛肉肠: 牛肉唔明显，变左一堆牛肉蓉，牛肉偏咸，但肠粉好滑唔厚，几通透，加埋肠粉豉油之后几好味。鲜虾菜苗饺: 饺皮薄，一望就可以睇到入面既馅，饺皮黏性高，唔会一夹就松散。菜同虾足料，$11.8有四粒相当超值。芝麻流沙包: $14.8有三个，黎到已经见到啲黑色点点系包面，feel到啲芝麻好似想迫出黎咁。唔使讲咁多即将咬啖先，啲芝麻超级多，真系好有流沙feel，食到我成个口都系。蚝皇鲜竹卷: 啲汁有啲咸，鲜竹卷有三条，几黏唔易松散，不过就比较油。下午茶，唔食咁多野啦，饮多两杯铁观音吧！
继续阅读
原来富临集团呃d客人系已经有前科…报纸上见到惠顾晚市即送清蒸沙巴珍珠龙趸 入去前问过系咪送佢话系 之后坐底食埋条鱼食埋个白饭 埋单佢话要叫一个小菜先送 仲话：叫个小食都好丫之后我就谂住坐返低谂住睇下有咩食 但真心无样啱食 之后忽然有个著住黑色西装既人过尼同我讲：阿婆尼都嗌个小菜啦 我心谂：你依家歧视阿婆会穷d？ 我就答佢：阿婆同后生同叫唔叫小菜又有咩关系？佢就话：张coupon上有写要惠顾晚饭 我答佢：你又无写要小菜，白饭唔系晚饭？一个人食个白饭加条鱼咩都够啦 我叫条鱼果阵你又吾讲？佢话：你咁样我地会好蚀 你可以埋单走既 不过我要揾店长出尼 我心谂：蚀唔起唔好做呢d优惠啦 我话：点解要揾店长呢？人地稻香讲到明一蚊鸡就真系一蚊鸡 你地咁样做生意唔得架㖞跟住佢话：一人让一步 你嗌多个小菜我送个甜品俾你啦最后叫多左个炒粉丝真心咩都食唔落 一肚气 嗌个送唔系问题 但问题系张coupon无写 然后依家感觉就好似俾人坤咁 所以一定要打上尼 ps. 条鱼都几好食既
继续阅读
今日午餐，我们选了公司楼下的酒家，因午餐时间只有一小时，不好行得太远，要争取吃的空閰地点是九龙湾富临渔港，连锁店的酒楼，会是比较经济底食。不会太差。酒楼装修稍为暗和旧，座位有卡座及堂座，一般般水准冇什么惊喜，最重要是价钱和品质成正比。可能近期股票跌幅大，茶客明显比之前少，所以一到步立刻有位。侍应开茶及送来点心纸. 我们叫了很多点心:蟹子烧卖，够热, 肉质好, 一般水准.煎堆仔, 好松脆, 芝麻又香, 好睇好食. 必食推介 鲍汁凤爪, 凉拌云耳, 两款未味汁也好. 凤爪很淋, 云耳爽而醋汁惹味开胃.萝卜酥, 表皮没有层次, 内料太淋, 不理想 煎萝卜榚, 煎得香, 又有腊味粒, 不错套餐是一哥义烧拼一窝汤米粉，叉烧都好香好甜好味道, 入口疏化, 唔会硬及实, 肉质够淋, 有些麦芽糖, 又有菜芯, 没有味精 肉丝炒面, 炒面很香脆, 配料多, 味道好, 入口一流荷叶饭, 有冬菇粒, 肉粒, 调味好, 有香荷叶味 甜品双皮奶. 蒸得时间刚好, 很滑不太甜. Good.大家饱饱, 高兴茶聚后又上班了.每人85。抵食.
继续阅读
同事生日去了富临饮茶, 我一直都对富临食物有保留, 觉得好麻麻的. 今日我们叫左好多点心, 有烧腩仔, XO酱炒肠粉, 叉烧包, 南瓜煎堆, 虾肠, 叉烧肠, 鳯爪, 寿包, 虾饺, 上汤浸豆苗, 菜苗饺, 潮州粉果, 马拉糕....烧腩仔我觉得唔够脆, 但都唔肥的, 算廋, 肠粉OK, XO酱唔够惹味, 叉烧及鲜虾肠都好味的, 虾够大只及爽口, 煎堆好味, 够晒薄, 好香, 如果热D仲正呀, 黑糖马拉糕好好味, 好香又唔甜, 够绵呀, 估唔到的. 粉果麻麻地呀, 个皮好痴, 一夹起就烂咁. 寿包都几大个, 入面系半只咸蛋黄, 莲蓉几滑身, 好味呀. 个包都几幼细的.之后叫甜品, 嚟左一碗芒果凉粉, UM....点解系暖身的, 唔系冻架咩. 我问仕应凉粉系咪冻食, 佢话系, 我话但系一D都唔冻, 佢话系雪柜攞出嚟的, 但真的唔冻, 所以我退左.呢度食物唔太出色, 但服务仲唔出色, 仕应系黑口黑面, 冇反应及青情的, 总之系完全感受唔到服务热诚的一间酒楼.
继续阅读