26
7
2
港铁沙田站 A1 出口, 步行约12分钟 继续阅读
所有分店 (1)
电话号码
26998333
付款方式
Visa Master 现金
食记 (46)
等级1 2020-05-23
0 浏览
因为黄店,所以嚟支持。 第一次饮茶,伙道态度非常差。但心想,伙记态度唔关老板事。相隔3日,再嚟支持试晚市鸡煲+边炉,问心性价比高,伙记态度亦好好。信心即刻返嚟。相隔4日,今晚再带家人嚟食片皮鸭2食,非常失望,一只约八寸嘅碟,佢话已经有一只鸭嘅片皮,搵经理问一问,佢答我哋「系呀,呢到一只㗎啦,细鸭嚟㗎嘛」!大佬,我哋嚟支持,你咁样赶客,唔系挂。点撑落去啊!再嚟个碟凉瓜炆鸭。又系八寸碟。😔 大佬,商品说明条例呀😒完⋯⋯ 继续阅读
(以上食记乃用户个人意见 , 并不代表OpenRice之观点。)
等级3 2020-05-16
0 浏览
2点到唔使等位,星期六日都有午市套餐,叫左8个点心送2个点心。另外有特价生菜鱼肉汤,本日$13,星期六日加$2。仲有特价虾肠。点心味道不过不失,传统点心选择,够热辣辣同大份。乳鸽够脆够入味。街坊酒楼,价钱公道,值得支持! 继续阅读
(以上食记乃用户个人意见 , 并不代表OpenRice之观点。)
等级3 2020-05-12
0 浏览
环境:👣👣食物:😋态度:😡卫生:😫性价比:👍真系凭实力告急! !值得一赞,烧鸡同绿豆沙好ok😍环境:我明白开咗好耐,望落唔新系OK的,但我一坐低就系咁比野咬,好痛苦⋯⋯食物:绿豆沙已经系好好食,其他嘅就唔太啱我食罗⋯⋯朋友话凤爪闻落去有d酸,唔知系咪坏左;叫檬粉黎米粉⋯⋯菜苗虾饺包到同我包嘅一样,足料爆馅,真系爆出嚟😃态度:我自问已经唔该前唔该後,点解大部分店员都要西我面,然後经过亲我个位都撞到我张櫈,个位唔够阔,我已经再缩入咗,其实可以拉开格离枱无人坐个张櫈,而唔系不停撞我张櫈?我唔知究竟咩色衫先有资格收我张order纸,行过唔理我理解,但行过嚟唔出声望住我张枱,然後我递比你问系咪可以比你嘅时候,唔系劲西咁同我讲:「放系枱面啦!」,然後好型咁单手签张纸,再拎走。依家我问你拎钱?要你签Cheque比我?卫生:全程望住煎炸位个姐姐好落力,乜都落手做,连炸完嘅云呑,煎完嘅尖椒萝卜糕都用手拎上碟😃😃餐具嘅卫生就更加唔洗讲啦,有迹有油都正常嘅~ 继续阅读
(以上食记乃用户个人意见 , 并不代表OpenRice之观点。)
等级4 2020-05-03
809 浏览
多帮衬下区内小店,就唔会全部都系连锁餐厅啦。今日去开附近,放弃新城市既连锁餐厅,行多几步去左沥源既街坊酒楼。原来酒楼有两层,所以唔驶等好耐就有位。虽然地下果层唔算大,但系都会花地方做无障碍通道,俾街坊都可以推坐轮椅既老人家黎饮茶,好有人情味。饮茶餐牌竟然有好多套餐,点心餐、小食餐等,花多眼乱。我地叫左一个二人餐,有一个粉面饭、小食、两个点心。另外再加多三个点心,三个人够哂食。鲜虾菜苗饺非常大只饱满,入面真系有好多原只虾仁,爽口鲜味。烧卖既肉质都非常弹牙,而蒸排骨都好足料,味道较惹味。咪睇呢窝米线个样无特别摆盘,但真系其貌不扬。呷一口汤发觉真系超级鲜咪既鱼汤,加埋番茄酸酸甜甜咁好开胃。 配料有鸡脾菇、鲜冬菇、胜瓜、芹菜、番茄,仲有超多鲜鲩鱼片,全部都系新鲜原材料,而唔系用人造野好似鱼片果d,其实真系好健康又好鲜味。 三个人一人起码有三碗,但可以食哂连汤都唔留一滴,唔油唔会滞有机会想试埋晚市小菜,见大家写到片皮鸭好吸引咁 继续阅读
(以上食记乃用户个人意见 , 并不代表OpenRice之观点。)
早市入场开台午市时间离开,所以要收取午市茶芥费用都尚算情有可原, 只能讲下次再早少少入场,提早於早市完结之前结帐就可以解决。但系茶芥人头数费用乱收才是重点问题。要知道加一都是总费用来计算。如果一不小心有少少偷懒冇去睇下张帐单就真系分分钟会造成你俾多笼点心嘅价钱出去都唔知咩事。晨早饮杯茶食个包系好多家庭每个星期的指定活动之一,酒楼於不同时段划分出早市、午市、下午茶市当中的额外收费,如:茶芥、加一等琳琅满目。 计好条数再对下张单,就唔怕畀人呃。 继续阅读
(以上食记乃用户个人意见 , 并不代表OpenRice之观点。)