影片
营业时间
今日营业
18:00 - 00:30
星期一至六
18:00 - 00:30
星期日
12:30 - 00:30
以上资料只供参考，请与餐厅确认详情
最钟意呢度唔使自己落手落脚烧，佢嘅烧汁系精粹所在，再加埋佢嘅自家调制辣粉，同埋啲肉全部冇腌，我比较钟意。依家越来越多选择，牛肉最推介就系牛肩胛，猪腩仔都系值得推介，食落啲肉系脆口嘅，另外新出嘅虎虾都好好味，如果钟意食鱼嘅话可以试吓脆肉鲩，同埋鲷鱼，有啲食到停唔到口，仲有馒头仔，烧到脆卜卜，小朋友超钟意食，价钱都10分相宜，成人$250，小朋友只系$150，仲要冇收加一，饮品任饮，呢个价钱可以去边度揾？
继续阅读
我哋早一个星期打电话去book咗枱，好彩有book到枱，一去到好多人食紧之前有食过几间类似嘅都系细间啲嘅，呢一间空间感大啲，坐得舒服，我哋安排咗坐对窗口位置，仲好㖞仲舒服唔好睇佢转得咁慢，其实落咗一半肠仔鱼蛋𠮶啲跟住落一半肉，食完啲肠仔鱼蛋等多一阵啲肉就熟大家好忙不停咁一熟咗一条就摆一条落去佢有好多粉粉俾我哋用，有少少辣嘅孜然粉、麻辣粉等等我哋两个人加埋应该食咗50串串烧左右嘢饮选择有柠檬茶、杨协成、有啲佢哋自己整嘅无糖茶，但系冇可乐我个friend唔开心咗，哈哈，我就饮茶一刻嘅柠檬茶好饮嘢食都几好食，陈皮鱼蛋好弹牙，鸡翼好细心系单骨鸡翼方便烧，肉类其实因为烧烤嘅关系烧大概都系差唔多味道，气氛好好，食得好开心一人$250冇+1都几抵呀，员工服务态度好好，个姐姐担心我哋未食过呢一间所以讲解得好清楚
继续阅读
位于深水埗嘅长沙湾自转烧烤放题！只要 250 蚊一位，仲免加一，任食两个半钟，超抵食😋！呢度有全自动串烧炉，完全系懒人福音。串烧选择超多，肉类同海鲜每样都有十几款，任你食到饱。仲有一大个雪柜，放满唔同嘅酒同饮品，想饮咩拎就拎。比起大陆嘅白玉串城，呢度一啲都唔输蚀。以呢个价钱可以享受咁丰富嘅美食，真系少一个返大陆嘅理由啦🤩！
继续阅读
长沙湾/观塘懒人自转烧烤放题 系传媒推介必食烧烤😱 劲多唔同选择 $250/位 免加一.最吸引一定系佢地烧烤炉 够方便串烧只要放系炉上面等一阵就食得选择都算多 基本上鸡牛羊猪鸭都有齐好似牛咁 已经有5款选择⭐️牛肩胛 ⭐️西冷 ⭐️牛舌 ⭐️牛肋腩 ⭐️牛板腱但我更加钟意佢地烧海鲜 有11款一定要试吓⭐️烧白鳝 ⭐️鲷鱼片 ⭐️脆肉鲩👍🏻可以烧到鱼皮脆脆地 👍🏻脆肉鲩鱼肉都爽弹👍🏻虎虾轻轻落少少盐烧 已经好好食.枱面有几款调味料 可以按喜好自行添加饮品方面有几款冷泡茶同罐装饮品.整体价钱唔贵 $250/位 免加一 任食2.5小时如果5位以上 仲可以任食3.5小时 加分好适合叫埋朋友聚会 3.5小时慢慢食.#密密烧 (深水埗)(观塘）地址：深水埗东京街50号地舖观塘康宁道79-89号康宁大厦地舖
继续阅读
未食已经领教到服务差😡😡2位去食晚餐，当时得𠮶3，4枱客，佢就叫我哋坐门口位置，我哋问仲有冇其他位，佢就指去面壁位（系咪傻㗎我系2位，唔系1位），我再问可唔可以坐落地玻璃𠮶边，佢就阿吱阿咗态度劲差话要人多先坐得（重点佢大把位，们口位系4人枱，我要求坐的位置都系4人枱）𠮶位员工男人真系9唔搭8正式赶客走，香港有你呢间舖真系搞死晒，唔想做生意就早啲折埋佢啦！
继续阅读
您可能会有兴趣的...