影片
营业时间
今日营业
06:00 - 22:00
星期一至日
06:00 - 22:00
以上资料只供参考，请与餐厅确认详情
呢排成日过嚟青衣揾嘢食，不过就多数嚟食晚饭，咁啱今日一早过来，本来想去长发𠮶边食茶餐厅。点知架巴士就停咗喺灏景湾落，但费事行返转头，就系呢度食。唔多人但炸野味几重。其实好想试佢个沙嗲牛，但鸡扒同嗲牛一样价，又费事问佢可唔可以加钱加一样野，咁都系拣鸡扒。先试下块多士，有甜味真系好少有，突然想起以前会牛油多士口沙糖食，就得𠮶种feel。个米粉又大碗、汤底又有味，同埋食落去唔系𠮶d「新式」米粉，好食好多。鸡扒虽然块皮唔脆，但系块鸡扒好热又大块又厚真系好鬼满足。－早开左个靓头，心情都特别开心！
继续阅读
最近真系有啲失望，之前好钟意去𠮶间餐厅，但近几个月水准明显下降。早餐𠮶阵，啲面包本来都几好，最近食完唔单止唔新鲜，仲有种怪怪嘅感觉，食完之后个胃都唔系好舒服，真系唔知发生咩事。中午嘅时候，啲饭量系多，但啲𩠌菜真系超咸，食几口就觉得唔想再食。品质又差，啲肉质真系唔够新鲜，食起上嚟好像有啲味道好奇怪。最惨系，下午茶同埋晚餐都冇改善，感觉一切都系用咗劣质食材，真系令人失望。而且，伙记嘅态度越嚟越差，之前最少都会有啲笑容，依家好似随便咁，有时甚至要自己去叫佢哋，感觉好 hea。唔知系咪换咗厨房，定还是管理上有问题？总之，依家去食饭已经唔再有以前𠮶种享受，实在有啲唔开心，希望佢哋可以改善返，唔好再咁下去。
继续阅读
铁板西冷牛扒 配 薯条（$55）本来谂住下午茶餐唔会多，但上枱见到份量著实不少。首先薯条一大碗分开放，唔怕放系铁板好快会腍，粗身波浪薯条外脆内粉，掂。牛扒虽然唔系什么高级货，但肉质可以，唔会韧柴柴，肉味就无乜，点蒜蓉汁一齐食都OK。另外仲有车厘茄、西藩花、粟米、椰菜，十分丰富。如此价钱，真系抵食。星洲炒米（$44）炒嘢有分大细拣，大嘅用大圆碟，细嘅用方平碟。大嘅份量十分足，星洲炒米炒得够干身，有啲镬气，配料有虾仁、火腿、叉烧、蛋丝、韭菜、芽菜、洋葱、青葱，味道香浓但欠少少辣度。干炒牛河（$37）虽然系细，但份量以下午茶餐来说都唔少，牛肉至少都有五六片，干炒牛河炒得更有镬气，河粉唔会痴埋一齐，条条都上哂色，味道亦够，加埋辣酱食一流。西式炒饭（$37）炒饭饭粒分明，配料有虾仁、火腿、香肠、三色豆，茄汁微酸带甜，味道合格。
继续阅读
今晚同屋企人嚟食晚市小菜，平日见佢都尚算有啲客人，谂住OK，但真系冇谂过可以咁难食，系七个𩠌七个都咁难食。白饭完全系硬嘅，食咗两啖即刻胃痛。蒸肉饼同例汤咸到肾病，虾仁炒蛋个虾就完全冇味，蕃茄红衫鱼好似咬紧蔗咁，杂菜煲嘅鱿鱼、鱼块、菜全部食唔出系咩味，中式牛柳同泰式猪颈肉用刀都切唔开咁切嘅韧度⋯⋯咁都够胆死做餐厅，唔怪得香港冇人留港食饭啦！甜品入得嚟茶餐厅食晚饭预咗唔系酒楼嘅质素，但真系冇谂过可以咁难食。环境已经唔算干净，枱凳都系抹到张纸巾黑色。我哋话叫蒸䲝鱼嘅时候，侍应话冇，净系得返蕃茄煮红衫鱼，食到大半我哋见到隔篱枱出咗条蒸䲝鱼，我大嗌咗一声：「点解会有䲝鱼？」之后就再冇一个侍应经过我哋张枱，全部兜路走。
继续阅读
最近我订了福建炒饭外卖，对这道菜其实抱有很高的期待，因为这间餐厅的评价一直都不错。不过，当我收到餐点时，却感到非常失望。炒饭的配料大部分都是火腿，甚至还有鸣门卷，这让我觉得与传统的福建炒饭差距甚大。而且最令人困惑的是，里面竟然完全没有冬菇，这在我印象中的福建炒饭里是不可或缺的元素。整体来说，味道实在让人难以下咽。另外，我还点了猪扒炒意粉。这道菜的猪扒只有三块薄薄的小片，让人觉得非常不够，味道也只是一般，并没有给我惊喜感。整体用餐体验并不理想，与我对这家餐厅的期待相差甚远，真心不推荐这两道菜。如果你在寻找好吃的福建炒饭，建议还是另寻他处。希望餐厅能在未来改善菜品的质量，让顾客能够享受到真正的美味。
继续阅读