容記小廚

营业中

休息中

住喺土瓜灣嘅街坊，先會知道呢條崇潔街特別多嘢食，今日媽咪唔想煮飯，就同佢哋去試吓呢間《容記小廚 》先😋！招牌碌鵝 $158（下庒）鵝肉肥瘦適中，可以自行選擇上庒或下庒位置，味道甜甜地帶滷水香氣，夠哂入味🍚送飯一流，果然係招牌菜👍🏻！晚市三人套餐 $208包括咗💁🏻‍♀️啖啖肉嘅沙薑雞半隻、蒜蓉粉絲蒸扇貝、腐乳通菜和無味精靚湯👍🏻包埋白飯和飲品！豉油王鵝腸 $108可能加咗芽菜關係出咗水，所以味道有點失色！啫啫白鱔球 $138即點即炒再上鍋，食得出鑊氣十足，外皮帶脆口，魚肉鮮嫩，好好味😋必食推介！

最近同屋企去咗土瓜灣嘅一間粵式小菜館，雖然餐廳外貌好低調，但係成餐晚飯嘅感覺又，坐得舒服，小菜特別，有幾款餸仲有住家菜嘅味道。首先係佢哋嘅招牌菜脆皮咕嚕肉，肥美嘅咕嚕肉加上三色椒、蘿蔔同洋蔥，甜酸度拿捏得好好，開胃又滋味。辣子雞夠哂香辣，配合炒腰果非常惹味香口。白灼金菇肥牛雖然簡簡單單，但令食完仲想再食。肥牛配塔蔥、金菇、芽菜，呢個組合幾少見，但係好啱送飯。老火湯幾足料，落咗霸王花、蘿蔔、豬肉、眉豆，熬得好入味。臘腸炒芥蘭，夠哂鑊氣，芥蘭翠綠爽口，臘腸肥瘦適中。最後係招牌家鄉碌鵝，真係唔可以錯過嘅功夫菜，碌鵝要先用鵝油、花生油在鍋中滾動煎香，再用老滷燜滷一個小時，鹵水味香濃，令人回味無窮。飲品檸檬茶同埋檸水。

陪老媽子探完人 佢話好耐冇去崇潔街一帶 我哋於是去嗰度揾嘢食 發現唔少街坊去一間住家小菜館買外賣-🧆家鄉小炒王餐牌上有各式各樣嘅小炒 我哋第一次嚟 叫小炒王最穩陣 樣樣一啲 有爽彈大蝦仁 炒腰果韭菜花菜脯粒充滿口感 鹹鮮惹味 啱晒餸飯🍚-🥠鹹魚煎肉餅喺屋企食阿媽嘅蒸肉餅食得多 外面食飯叫呢個餸嘅話 會揀煎嘅版本☺️ 件件煎得香口 細細件易夾啲 肉地結實 點啲喼汁食🧂 味道更鮮美-🥘碌鵝鵝切件唔大不過鵝肉有淡淡嘅陳皮香 鍾意吮骨吮味嘅會更like 鍋底油潤原來有鵝油花生油擦過

已經連續2晚幫襯佢哋(第一晚外賣，第二晚堂食)～推介家鄉碌鵝、蜜汁鱔球、椒鹽鮮魷、風沙雞、老闆娘炒飯、辣子雞、薑蔥炒蟹（非常好食，非常新鮮），例湯都好好飲，屋企人都大讚(連屋企個廚神長老都讚好食，有鑊氣)，價錢又相宜，會繼續幫襯，支持小店

老友住在紅磡，提議在崇潔街一家港式小廚晚膳，步入小店時，女店員殷勤有禮，安排入座，老友點了幾道菜，女店員迅速奉上自家製清涼卻不甜的五花茶及暖笠笠的例湯（粉葛排骨湯），足料無加添。椒鹽魷魚鬚~薄薄的粉漿把魷魚鬚包著，啖啖肉，外面酥脆內裡鮮嫩，有豐富口感，香脆惹味😋酸菜燜鵝~酸菜配鵝肉是對好拍檔，適量的酸菜可減輕鵝肉的油膩，不酸不鹹卻又香濃美味，恰到好處😋啤酒紫蘇燜鴨~啤酒醇香能使鴨肉鬆軟，不老不韌，紫蘇葉清香，增添其風味😋離開這家地道粤菜小廚後，老友陪伴慢步前往土瓜灣地鐵站，便各自回家，謝謝她的厚待

容記小廚飛龍辣子雞辣子雞賣相雖然係滿滿嘅紅辣椒，但辣味恰到好處，雞肉外皮香脆，口感佳。每一口都食到濃郁嘅香料味。脆皮咕嚕肉脆皮咕嚕肉係一道經典嘅廣東菜，外皮炸得酥脆，厚厚一層甜酸醬汁裏面肉質柔嫩，仲有炒香嘅三色椒，菠蘿，洋蔥等提味。白灼金菇肥牛白灼金菇肥牛做法簡單，卻突顯咗食材鮮味。肥牛肥美，金菇滑口，芽菜清爽。非常適合炎熱嘅夏季。臘腸炒芥蘭臘腸炒芥蘭，芥蘭脆綠，口感清脆，臘腸有嚼勁，香氣四溢。呢道菜唔會太油膩，令人食得健康滋味。碌鵝「碌」喺廣東話係滾動嘅意思，所以做法係先用鵝油、花生油喺鍋入面滾動煎香，再用老滷燜滷一個小時，令鵝肉更入味。鵝肉肥而不膩，肉質鮮嫩。搭配滷水汁，令整道菜更加美味。品嚐味道香濃嘅菜餚之餘餐廳更加提供凍飲，同埋老火湯，非常圓滿。

土瓜灣朋友帶咗我哋幾個嚟呢間感覺有啲懷舊嘅港式粵菜餐廳食晚餐🤣坐低就有例湯，好似係「薏米煲雞腳」🤣「蓮藕燜腩仔」：豬腩肉大約65%脂肪35%瘦肉，燜煮得好腍，幾乎接近入口就溶咁滯😋，仲有啲燜得好入味嘅蓮藕可以食🤣「土魷蒸肉餅」：即叫即蒸熱辣辣，見到又食到有土魷，肉餅仲好似係手剁嘅👏「招牌碌鵝」：好鵝味🤣「小炒肉」：用青椒同埋豬肉炒，炒得好香口🤣「豬什煲」：不同部位嘅豬內臟連埋蒜頭薑蔥蔥頭洋蔥等一齊煮，都係香口🤣

醬香鹿茸菇炆大鵝鵝肉炆得剛剛好，醬汁和材料都煮得足夠入味，鵝油同蔥薑蒜都好香，撈飯一流🍚馬蹄土魷蒸肉餅馬蹄唔會好爽脆，肉餅不會太實，清清淡淡，以魷魚的鹹香提味，家常的味道，隔離兩枱都有點，街坊之選！炸子雞雞肉炸得非常香脆，脆到連骨頭都可以食，香香辣辣，好有鑊氣！小炒皇有魚乾、蝦乾、魷魚🦑、蝦🦐，加入薑絲洋蔥🧅腰果菜圃大火猛炒，非常足料，韭菜花不會過老，仍然嫩綠💚～#foodiblum港式

土瓜灣崇潔街素有食街之稱, 食友報料有一家庭式手工菜館插旗, 一行數人速速到來探店👏住家式佈置, 實而不華, 人在門外已見女話事人殷勤開門接待, 服務態度高階👍撚手菜式都掛在店中牆上, 客人一目了然👏先來餐飲：凍檸檬茶及自家製五花茶好茶食友評檸檬茶是用多種茶葉混製, 非一般用茶精平凡之作, 有水平心機茶水出品, 值得品嘗, 言談間得知是女主事人親手炮製😋無糖五花茶清涼解熱, 大餐前的好飲品👏人人有份的免費例湯, 粉葛排骨湯, 冇用味精, 口味清新😋繼而點了幾道巧手手工菜:椒鹽魷魚鬚, 熱氣騰騰, 外脆內爽, 烹炸火候到位😋土魷蒸肉餅, 又一驚喜, 用上新鮮豬肉, 聽說日銷二十斤, 口感造工果然非凡😋招牌碌鵝， 鵝肉入味軟硬適中， 拌飯佳品😋新上榜菜式 :福建紅燒豬手， 又是另一種口味，味道更勝南乳炆😋酸菜炆鵝， 平凡住家菜口味 變不平凡😋辣子雞， 雞肉內脆外軟， 麻而不辣， 送啤酒佳選😋啤酒紫蘇炆鴨， 鴨亦都是好 材料， 紫蘇味香，鴨肉鮮美，佐米麵主食正😋蕎麥麵作主食， 配料清新爽快😋忽見鄰枱來了一大盤壯觀的 鮮蝦鮑魚海鮮盤， 借位拍下一張相， 今次冇食等下次食👏坊間小店果然高手在民間

📍容記小廚 ⭐️有媽媽味道嘅中式小店今晚想食中式小菜，決定去土瓜灣幫襯呢間家庭式小店。呢間小店小菜價格親民，仲附送白飯同埋冇味精嘅靚湯，非常經濟實惠。✨ 招牌碌鵝 $78👍🏻👍🏻👍🏻碌鵝即是用原隻鵝落鑊，然後再用醬油在鑊中不停碌，令佢入味。肥大肉厚嘅鵝，又腍而且仲暖暖地，鵝味十足😋✨ 椒鹽魷魚鬚 $88👍🏻👍🏻👍🏻呢個椒鹽魷魚鬚 🦑炸得好香脆，內裡嘅魷魚鬚彈牙爽口，加上椒鹽嘅調味，做到金黃酥脆✨ 西蘭花炒花枝片 $108👍🏻👍🏻 👍🏻花枝片爽口，西蘭花🥦炒得剛剛好，唔會太硬亦都唔會太棯，入邊有少少韮黃和芹，炒得都好香口✨ 椒鹽九肚魚$118👍🏻👍🏻👍🏻熱辣辣又夠晒香口，脆漿唔厚好好食，同時炸到連骨都可以食埋，入面白色魚肉好有魚香味道😋👍🏻👍🏻👍🏻👍🏻（最推薦）- 👎🏻（可以唔使試）

海鮮獲氣小炒之《容記小廚》土瓜灣崇潔街一條唔係好起眼既街道，一於體驗下呢一間隱世嘅海鮮小炒餐廳，餐廳裝修不算豪華，但絕對有驚喜，手拍青瓜：前菜手拍青瓜，爽口加上微辣既味道，非常開胃。椒鹽鮮魷：雖然完全冇畀到任何醬汁，但係我同朋友都認為唔需要點汁，因為鮮魷外酥內嫩，十分鮮味，椒鹽香香氣撲鼻。海皇粉絲雜菜煲：雖然望落係比較清淡既菜式，不過粉絲吸收哂食材既精華，連同多款雜菜一齊煮，包括菜心、通菜、娃娃菜等等，口感豐富，比較適合鍾意食菜既朋友， 醬香鹿茸菇炆大鵝：餐廳新推出既招牌菜，我見每一枱都有叫，估計即使係3至4人都一定夠食架，味道方面肉質鮮美，醬汁濃郁好夠味，大鵝咬落相當彈牙，鹿茸菇好香菇味。總結，大家可以支持下呢一啲咁隱世既小店，價錢實惠，炒落夠鑊氣，有風味，溫馨提示，餐廳海鮮小菜係需要提早預訂，如果想食海鮮既朋友仔，記得要喺去之前同餐廳講聲啦。

土瓜灣附近一間不太起眼的小店，店面擺放有很多餐牌，望落都幾吸引。裡面環境類似茶餐廳，乾淨企理，店員好熱情過黎招呼我地坐低，跟住就介紹呢度的特色菜。主要以家常菜式為主，價格都唔貴。開波先黎一碗老火湯，住家飯的必定流程肯定唔少得，今日係紅蘿蔔豬骨湯，湯料足，夠火候，同其他快手湯唔同，直頭係阿媽只味，天氣甘熱黎碗靚湯真係好正，老細都好好人，飲完仲繼續幫我加左一晚，靚湯真係飲多幾碗都得。跟住梗係試下招牌碌鵝啦，肉質好有鵝味，新鮮，染曬焦糖色，好入味，聞落仲有淡淡醬香，油脂分佈均勻，口感滑順、皮薄肉嫩，啲鵝汁用黎撈飯都好正。椒鹽鮮魷就一定要夠爽口，唔可以太老會韌，這個就做得岩岩好，望落金黃色，又脆口，而且冇腥味，魷魚肉夠厚，口感超好，有大排檔個只味！脆皮炸大腸賣相好吸引，外面的皮脆脆的，一口咬下去都可以聽到那種喀啦喀啦的脆聲，入口香脆，随后油脂四溢，唇齿留香！可以食到脆口的炸大腸實在難得！肉食完當然要黎個青菜啦，百合炒西兰花清淡还不失美味，在百合配合下略帶青菜的清甜味，西蘭花又多汁脆嫩，食完一堆肉之後食呢個就岩好啦。總體黎講，容記小廚主打住家菜味道，食材新鮮足料，菜式都帶有溫暖親切的家庭風味，味

之前試過堂食個土魷蒸肉餅已經好難忘，今日心思思想食，行十幾分鐘都要過去買😂估唔到外賣都保持質素最適合我呢啲附近返工買返公司既人本身真係好鍾意食肉餅，所以對肉餅好有要求，食得出係新鮮肉，唔係雪藏肉，比例都好恰當，唔會用過多既調味料去掩蓋本身既肉味！

今晚同朋友飯敍，老闆娘推介醬香鹿茸菇炆鵝，酥炸桶蠔，椒鹽九肚魚，蜜椒鱔球，京式回鍋肉，簡直一流，鱔球重脆冇骨，尤其炆鵝嗰啲汁簡真可以撈一大碗飯食，三五知己食小菜飲酒一流，味道一流直得推介。

今天來到土瓜灣工作，下班與2位同事走著走著，在一條隱蔽的小巷，我們3個人發現了一家剛開不久的小菜館，都肚子餓了就隨便找一家用餐。店的人流不多，有空調，服務很到位，服務員立刻給我們準備是日例湯，紅蘿蔔豬骨湯，沒有味精，很清甜，料足，有住家湯的味道。3個人叫了半隻鹵水碌鵝差不多了，碌鵝有滿滿一碟，鹵得入味，肉厚多汁，肥瘦適中，吃完不會覺得有一絲的膩感。再來一份啫啫鱔煲，端上來熱辣辣的，冒晒煙，鱔大約有7件左右，每件的肉都很厚，吃一件十分入味，而且肥美多汁，是用來送飯的神器。來一份椒鹽魷魚，椒鹽魷魚炸至金黃色，外脆內軟，但不會覺得用了很多油去炸，不會很膩，味道夠鹹，夠入味，越吃越不能停口了。在空調下喝著啤酒享用大排檔的風味小菜，會是另一個可以常來的飯堂。