家家美食

营业中

休息中

今晚8月17號晚魚唔熟，好離譜，完全唔食得，大家睇圖小心，不能接受，完全想欺騙市民大眾，唔衛生，食壞人食肆最基本既要求都做唔到，難食小事，食壞人大件事，乜都求奇做，無道德

唔知啲人係咪食神上身，以為自己入左米芝連餐廳咁黎評，真係唔公道囉。黎左好多次嗌兩餸飯拎走，次次都頂爆個盒，成年男人食都飽到上心口。唔止份量多，餸亦多！（支竹魚柳有成8-10舊魚）而且未試過食到難食既餸，乾淨企理多選擇。我好鐘意食炒蛋，中式炒蛋黎講，我覺得係高水平。炒咁大盤蛋，每次都係嫩滑有蛋香，師傅功不可沒啦！兩餸飯仲連埋例湯、或咖啡茶。例湯日日唔同，足料有湯渣無味精，咖啡茶係有驚喜，係好飲有奶香既港式。而家啲懶靚茶記，$60幾蚊迷你焗飯可以食唔飽，常餐既炒蛋變煎蛋皮。呢間平民兩餸飯店，我唔會話蔗渣嘅價錢食到龍蝦既味道，但味道、份量對得起個價錢有突，抵贊！仲未講，平時啲兩餸飯店嗌三餸飯，係每樣餸俾少啲你，份量又係一個盒。呢度聽到你嗌三餸飯，係即刻拎個吉盒同你裝餸。十分公道！性價比之選！

第一次寫外賣食評，一個人唔煮飯就會買外賣，有選擇困難的人真係唔應該揀三送飯， 有蒸魚，有薯仔咖哩， 有肉餅 ，炸雞棒， 南瓜，幾款菜。。。最後揀左雞翼， 朱扒，粟米魚塊。白飯自己一個盒， 其他三個送， 唔理係咩味咩汁都一個盒，一分錢一分貨，要求唔可以太高。唔熱既白飯，好彩都唔乾唔硬，加埋粟米汁就好好多。朱扒好大塊，肉質算嫩滑。老抽豉油雞翼放左落粟米魚，味道變得好奇怪，又咸又杰又有甜味。整體三款食物連白飯都唔夠熱。返屋企幾分鐘腳程，唔會咁快凍卦，所以我覺得唔好味。

今晚去咗深水埗黃金商場嗰邊睇電腦，買完嘢之後個肚又餓了，所以唔使講，梗係要去食飯，就去咗家家美食開餐，自選兩餸配白飯$32元(配凍熱飲品或例湯)，再加餸每款加$8元，幾抵食，我叫咗煎肉餅同蘑菇雞扒，雞扒肉質OK，味道可以，不過肉餅就偏硬，唔算太好食，白飯就不過不失，凍奶茶夠哂凍，奶嘅份量啱啱好，唔會蓋過茶味，而且呢度嘅用餐環境算乾淨，又比較靜，更設有單邊坐位，適合獨行俠嚟開餐，平民食堂咁嘅質素合格有餘

今日經過深水埗試一試三餸飯。雖然分量多,我覺得冇一樣嘢好食。例如番茄炒蛋, 水分太多。牛筋牛腩,又咪唔夠。幸好當地環境舒適比較靜,冷氣又夠。不過我諗新年嘅時候未必帶家人。要食嘅當然想食好少少。例如施茶餐廳。

嘩，超多餸菜，兩餸飯2元，包湯或豆漿，咖啡抵食超多選擇要左金沙骨和咕嚕肉，兩餸夠份量飲埋凍豆腐好棒下次再食，我會叫外賣，因為通常晚飯時間系坐無虛席，周圍都是男士居多

近月經過發現新開兩餸飯店，再望望門口餐牌的價格更令人有驚喜，HK$32元兩餸飯跟：冷熱飲 或 例湯，如果額外飲例湯、或額外加一碗白飯均 HK$8元，冷熱飲品額外 HK$13元，仲有豆漿可選擇添 !上星期途經時由櫥窗外向內望，見各樣餸菜均企理，有肉有瓜菜，亦有各式炸物。而且最重要係茨汁唔重，望落唔油膩。今時今日香港地食個午飯，一般都要 HK4X 元起，就算元朗區食個兩餸飯加飲品或例湯，都已經超過 $4X元了! 何況 HK32元有凍飲???今日下午二點特登去深水埗，為左就係要嘗試一下，我叫左【冬瓜 + 梅菜肉餅飯 + 凍奶茶 HK32】，堂食非常多客及擠逼，我好難先搵到一個二人枱，有一個客人正在用餐中，我禮貌問一下冇人就坐低。以 HK32元呢個超值價，真係冇咩要求，但味道都真係唔錯，白飯亦足夠一個成年男士胃口。最驚喜係杯凍奶茶竟然比好多茶餐廳好飲，冰唔會太多、茶味足夠及奶都夠香滑，我個人會俾 70分。冬瓜份量算多及新鮮，滿意! 梅菜肉餅可能放太多生粉，好似一件硬身糕點堅韌，可能要用刀叉品嚐，但味道其實都可以的 ! 店內枱凳及地面都好乾淨企理，各員工都好有禮貌。發現近水吧櫃枱外有廁紙供客人使