影片
今晚8月17号晚鱼唔熟，好离谱，完全唔食得，大家睇图小心，不能接受，完全想欺骗市民大众，唔卫生，食坏人食肆最基本既要求都做唔到，难食小事，食坏人大件事，乜都求奇做，无道德
继续阅读
唔知啲人系咪食神上身，以为自己入左米芝连餐厅咁黎评，真系唔公道啰。黎左好多次嗌两𩠌饭拎走，次次都顶爆个盒，成年男人食都饱到上心口。唔止份量多，𩠌亦多！（支竹鱼柳有成8-10旧鱼）而且未试过食到难食既𩠌，干净企理多选择。我好钟意食炒蛋，中式炒蛋黎讲，我觉得系高水平。炒咁大盘蛋，每次都系嫩滑有蛋香，师傅功不可没啦！两𩠌饭仲连埋例汤、或咖啡茶。例汤日日唔同，足料有汤渣无味精，咖啡茶系有惊喜，系好饮有奶香既港式。而家啲懒靓茶记，$60几蚊迷你焗饭可以食唔饱，常餐既炒蛋变煎蛋皮。呢间平民两𩠌饭店，我唔会话蔗渣嘅价钱食到龙虾既味道，但味道、份量对得起个价钱有突，抵赞！仲未讲，平时啲两𩠌饭店嗌三𩠌饭，系每样𩠌俾少啲你，份量又系一个盒。呢度听到你嗌三𩠌饭，系即刻拎个吉盒同你装𩠌。十分公道！性价比之选！
继续阅读
第一次写外卖食评，一个人唔煮饭就会买外卖，有选择困难的人真系唔应该拣三送饭， 有蒸鱼，有薯仔咖哩， 有肉饼 ，炸鸡棒， 南瓜，几款菜。。。最后拣左鸡翼， 朱扒，粟米鱼块。白饭自己一个盒， 其他三个送， 唔理系咩味咩汁都一个盒，一分钱一分货，要求唔可以太高。唔热既白饭，好彩都唔干唔硬，加埋粟米汁就好好多。朱扒好大块，肉质算嫩滑。老抽豉油鸡翼放左落粟米鱼，味道变得好奇怪，又咸又杰又有甜味。整体三款食物连白饭都唔够热。返屋企几分钟脚程，唔会咁快冻卦，所以我觉得唔好味。
继续阅读
今晚去咗深水埗黄金商场𠮶边睇电脑，买完嘢之后个肚又饿了，所以唔使讲，梗系要去食饭，就去咗家家美食开餐，自选两𩠌配白饭$32元(配冻热饮品或例汤)，再加𩠌每款加$8元，几抵食，我叫咗煎肉饼同蘑菇鸡扒，鸡扒肉质OK，味道可以，不过肉饼就偏硬，唔算太好食，白饭就不过不失，冻奶茶够哂冻，奶嘅份量啱啱好，唔会盖过茶味，而且呢度嘅用餐环境算干净，又比较静，更设有单边坐位，适合独行侠嚟开餐，平民食堂咁嘅质素合格有余
继续阅读
今日经过深水埗试一试三𩠌饭。虽然分量多,我觉得冇一样嘢好食。例如番茄炒蛋, 水分太多。牛筋牛腩,又咪唔够。幸好当地环境舒适比较静,冷气又够。不过我谂新年嘅时候未必带家人。要食嘅当然想食好少少。例如施茶餐厅。
继续阅读