黑妈妈影唔到相呀，可否帮我打打灯呢？无言感激 ﹗新开泰菜馆当然要试试啦，大埔越开越多泰菜啊，不过质量参差。大家约埋系 Baby 总部开餐，但今晚只得四个食，够唔够呢？泰式烧牛肉沙律，牛好咸又干又硬，沙律好酸，就算捞埋一齐食都系麻麻地。炒椰菜，泰式酱油略甜，味道质感以蚝油，不过甜味较重，配上椰菜不过不失。碳烧老虎虾，高质爽弹，时间刚好，不干不硬，散发著烧烤香气。炒金边粉，葱同芽菜我又唔食，甜河粉唔啱我口味呢，一试无妨。泰式咖哩蟹，只蟹坚系好新鲜，好有鲜甜味道，蟹肉弹到不得了，非常结实，肉汁滴晒出黎而带海水咸香。咖哩椰香浓郁，幼滑不辣而甜，合格。咖哩鲜鱿配薄饼，真系返朴归真呢，食下普通野。鲜鱿果然鲜，咽咽韧韧又不失弹弹的口味，鲜甜沾上椰香咖哩，都好好味。咖哩鲜鱿配薄饼，新配搭咖哩鱿鱼薄饼卷同样美味，薄饼完全索透咖哩汁再放入口，每一口都充满著有大量咖哩汁，好好食。白灼虾，简单就是美 ﹗睇清火喉同时间，一熟即起，虾肉超爽弹，一剥壳虾汁激射，非常新鲜肥美可口 ﹗泰式冬阴功汤，十分重香茅味道，微酸微辣而椰奶味突出，我主要想饮重酸辣味的。泰式烧春鸡半只，最初谂住会好似红辣椒咁劲甜又肥腾腾又油淋淋又腍劈劈，但最后发现完全系天与地呀，有丝曙光射住 ﹗鸡肉嫩滑而充满弹性，非常有赵口，皮光肉滑够干爽，烧得够晒香口，好味道唔会甜笠笠 ﹗家家泰比我第一次食进步左好多倍㖞，加油 ﹗香辣肉碎生菜包，简单易做又好味，真系好难会煮得唔好食既。肉松炒得干爽够香口，不乏肉汁。拌入香叶、青葱、干菜、辣椒、青柠，酸酸辣辣好开胃，用爽脆多水生菜卷住食特别滋味。蒜蓉咸菜炒芥兰，咸菜炒芥兰？几有趣，试试。酸酸甜甜咸菜跟芥兰一齐食都几特别，醒胃醒神，芥兰爽嫩、咸菜爽口多汁。泰式生虾刺生，傅统配上生蒜片、指天椒及苦瓜片，我最喜欢。以前最多都系夹住蒜片辣椒食，家家泰还提供埋苦瓜呢，蒜片苦瓜夹得几好味㖞，全部夹住一齐食，配上泰式酸辣汁更添风味，香香辛辛辣辣又甘甘。虾肉够晒新鲜，质感爽口带黏性，味道清甜可口，加上泰式酸汁劲惹味。红咖哩炒蟹配薄饼，似乎佢地个油镬唔够热㖞，蟹味虽然好鲜，但肉质已经变霉了，其实整个咖哩加埋蟹都好好味，系蟹肉失手啰。专登叫薄饼点咖哩食，超好味 ﹗得 4 块薄饼边够喉呀，又贵又少，唯有去买白面包啦 ﹗幼滑咖哩配上浓郁面粉香既薄饼，口感又咽咽韧韧，味道够晒绝呀，咖哩还散发著微微鲜蟹味道 。椒盐斑马濑尿虾，虾肉霉霉地，腍劈劈但鲜甜，海水味浓，肉汁多到射出黎。巨形大碌一定要用猛火走油架 ﹗浪费左条咁正既濑尿虾呢，百几蚊一只架 ﹗仲咩今晚咁豪呀？每人一只斑马濑尿虾。…查看更多
...不过真系好细碗得几啖仔...但都系甜咗dd...整体黎讲..味道不错但有d贵...服务ok..
, 薄饼只有数块, 根本唔够可以食晒D 咖喱
