家嫂星洲美食 (已結業)

這一個餐就是一碗肉骨茶加一碗白飯，再加一杯熱飲,50幾蚊。佢未到係夠濃既，蒜味也很足夠。肉就用上了排骨，煮得夠腍，連住少少肥，食落都幾滑身。另外佢加左豬潤，菜和豆卜，使到成個肉骨茶更豐富。但我覺得藥材味可以再濃一點，不過這個全是從個人口味出發，而我卻偏愛重藥材味嘅湯底。

今天中午路過念住食番碗星加波叻沙，入左去幫襯，全場有幾張空枱但抬上的已用食具還未執好，我便自己一人坐在其中一抬上等waitress 抹枱及叫野食，但全場只有1 waitress 做野, 我心念唔緊要我等；但點之之後先後有兩個不相關的人坐在其餘的空枱處，此時那waitress 還先為他倆抹好抬及落單，後再有空時才回我處抺枱落單，內心已不是味兒，都算，後食了一碗叻沙，味道用料一般還有味精，都要$100!!都算，最後我已將杯餐飲飲到一半，打算用多約20秒完成我杯餐飲走人之際，杯還在口邊，個waitress 走來說要我搬位好讓靚枱俾人，正常人都超興！！ 仲要收10%charge ,搞錯！😡😡😡

Lunch time 同同事一起吃～ 推荐肉骨茶系列～汤味浓而不咸，有猪肚、朱润、猪软骨，都几入味。还有其它选择包括喇沙、冬阴功、还有各类卤味小吃可以选择。不过米线分量不多，吃不饱

今天視察新工作地點，路過獅子石道，本想食隔離一間餃子店，但他們歺牌上的菜式太花巧，對餃子這個個主題有些喧賓奪主，決定過門不入，行過兩間鋪，見到“魚湯”這兩個字，雙眼直發光，它是我的至愛。原來星加坡不只喇沙，還有魚湯。九龍城區午飯市不多人，很多店子都很缺客，這間也是，只有數枱客，環境衛生相當乾淨。選了這個蕃茄海鮮魚湯米粉，蕃茄不多，有鮮魚/炸魚可選，識食的我當然是選鮮魚，雖然只有3塊厚魚塊，但肉質非常有口感，不是一般龍利柳，是靚魚，個魚湯好味，可能大家會認為是味精的功勞，哈哈，若是的話，這個味精都是高級貨吧，我一點也吃不出妖精味來。如果米粉是幼身的(像超力銀絲)便更好。

同朋友黎到九龍城想食兩間嘅餐廳都無間（因為係年初四）即興見到呢一間門口貼咗好多相，諗住應該好好食，就入咗去試啦！我哋入到去睇咗一陣Menu個老細問我地係咪第一次來食，介紹左我哋食佢哋嘅招牌喇沙面。其實佢哋嘅價錢都幾貴，仲要今日加二服務費。啫係一碗面要成百蚊 等左都一陣陣，唔算話多人。 撇除價錢同埋等嘅時間（都唔算耐）佢嘅招牌喇沙面真係好正，夠味、足料，真係想成碗飲晒佢，仲有食完唔口渴，no味精！ 值得一試，冇去錯地方。如果價錢很親民一點，回頭指數極高！

好耐都冇係九龍城搵野食，九龍城食星馬菜冇幾多間，海南雞飯就之前都介紹過，咁今日突然口痕，想食下重口味粉面，就黎左呀嫂去試下。佢係四重奏個條街，所以都幾易搵，門口有大大塊board寫住招牌菜，八點半左右都仲有兩圍打緊邊爐（佢用喇沙湯底打邊爐好似幾正咁）一入到staff就畀menu我地睇，只係縮細版既board 同埋有d套餐，但係都覺得唔抵食，所以散嗌左個喇沙面黎試下，但係d staff好煩，係好客既但係係咁叫你試下小食又飲野，其實我都係想食面咋！ 其實味道真係幾唔錯，個湯底好好味有少少辣，飲完唔會口喝，應該唔係味精湯，佢都好好好足料，唯一缺點就係個面底實在太少，真係唔夠飽。食完要去隔離食多幾寸泰國串燒先夠。

星期五晚想同男朋友出去搵美食，睇食評呢間唔差，熱熱地又唔想食飯咪黎誠下呢間喇沙囉!入到舖頭，店員不停sell你食三百幾蚊既火鍋，我望下個餐，就係半隻雞加一款菜同幾粒丸或者幾條腸（有丸就唔可以有腸😏），野飲要加跟著我見隔離枱話唔夠飽要加餸。我地就決定唔食佢，最後叫咗一碗招牌喇沙同一碗招牌蝦面，跟住店員又勁sell一碟炸三寶（$88）。好啦，食物黎，先講湯底，好淡，我問佢有無辣椒油，佢話無，又問唔夠味咩？你下次要叫大辣！我心唸我叫時你無問過要咩辣囉，再到餸，Menu寫好多，點知牛丸貢丸各半粒，豆卜一開四，半隻蛋。個炸拼仲慘，3款食物完全食唔出有咩分別😰總結，又貴又唔好味

as a singaporean, i always wondering where i can have the athentic singaporean here, today i found one.tonight we have ordered two set, recommended by the owner, 家嫂, fish soup noodle with meatballs and seafood laksa. given that we are hungry today, this is really delicious, especially the fried spring rolls.we have definitely try again.

來到高質小店林立的九龍城，每次都很難選擇去哪一間大快朵頤。嗯，星洲美食？有不少名人留下倩影，價錢卻很合理，人均不用$100。有點意思，就試試這間。餐牌一堆都是米線/ 火鍋，正不知點什麼好，聞到鄰座剛上桌的喇湯米粉香氣撲鼻，好吧，決定是你了。誰料一等，等了35分鐘還未到，另一桌的食客都已在投訴。湯底理應一聞煲好，煮一碗粉有咩理由可以咁慢！？侍應態度愛理不理，服務質素令人已對這裡大打折扣！湯：喇沙湯呈濃厚的橙黃色，一上桌濃郁椰香已撲鼻而來，令人流晒口水，食指大動。先嚐一口湯頭，真的好香濃！極濃的椰香，配合香料及適當辣度，厚身湯頭。令人不禁一口一口地喝湯，辣到出汗都停不了口，食慾大增！料：正常，沒有什麼impressive，都係靠個湯carry麵：米線米粉兩溝，兩種質感配搭得挺有意思總評：7.5/10和拉麵一樣，湯頭是整碗麵靈魂。喇沙濃湯煮得好，已經贏了，目前香港無咩邊間個湯有佢咁好（去新加坡食另議），我俾8.5分。上菜速度同服務質素扣1分。

一句講晒: 好，失，望 。1. 侍應態度同服務有待改善- 晚市都唔算多人未至於做到踢晒腳，幾個侍應都黑黑地面。(可能生意唔多好啦)- 非常hard sell, sell 唔到你嗌多啲又黑面。- 落單慢，埋單都係慢。2. 價錢同食物份量唔合理，食物味道一般- 我同朋友兩個人分別嗌咗喇沙同肉骨茶，大概$7x一碗 (再加一)，喇沙係有椰味，但冇乜香料味，朋友食完之後係咁話口渴又勁飲水，睇嚟對於落味精餐廳絕對係大方嘅... 一上菜見到我碗肉骨茶，我以為係我朋友嗌嘅喇沙送嘅例湯添呀陰公... 好細碗，得兩舊細骨同埋少少豬雜.... 同食湯渣冇分別。3. 略嫌趕客嘅規則- HKD50 最低消費- HKD50 外帶食物或飲品附加費. (如果你唔係好猖狂嘅話，其實好多餐廳都隻眼開隻眼閉，但有冇必要個價mark $50呢? 茶餐廳通常都係$20啫如果我冇錯嘅話。利申我冇帶嘅，只不過有感而發啫)其實我相信大部分食客都睇得出，食得出一間食肆有無比心機做... 而我對呢間餐廳嘅感覺係，佢好急住回本，完。

坐落在九龍城的家嫂是其中一間明星食堂，門口貼滿家嫂和明星的合照。家嫂星洲美食主打叻沙，完全不吃辣的，亦有滷水飯和魚湯米線選擇。記得頭幾次去食家嫂都是晚餐，晚餐價錢一碗最普通的家嫂叻沙都$70-80一碗，不包括飲品。價錢唔算平。今次見有午餐包飲品都是$47 up, 所以又走入去食。今次點了星洲冬蔭米線，配玫瑰荔枝茶($47)。另外再額外點了一份小食生菜($12)。這款米線已配牛丸，貢丸及墨魚角。由於本人不吃牛肉，所以牛丸換來多半粒貢丸😑略嫌有點不夠大方。湯底有鮮味，但確實唔可以用泰色冬蔭公嗰種味去比。你當食星泰fusion 咁樣啦。值得一讚係個湯，無味精，真材實料。👍食完唔會口乾，搏命搵水飲😁至於個小食生菜份量較少，如果係跟餐+$8 咁會合理一啲。😅至於玫瑰荔枝茶，完全飲唔到荔枝味。可能因為個湯太濃，而個茶又唔甜，結果，飲飲吓覺得好悶。整體其實唔差，相信我會再回頭嘅

九龍城友成日推介。今日要去訂蛋糕 順便去試下。大失所望而回。鮮魚湯米粉～米粉幾爽口 魚湯第一口 覺得唔錯 都甜的。但好快就覺得有重白胡椒的味道 愈食就只是有胡椒的味道 搶曬風頭! 鮮魚片唔腥 但口感一般 唔滑。相信奇重的胡椒味是為了去魚腥味。配料有兩條菜 豆卜 冇咩特別～喇沙湯粉～先講豬腩肉 好老 一點都唔嫩滑。鮮蝦 唔太新鮮。湯底椰汁味濃 偏辣。魚片好普通。整體是好一般！唯一真心讚的是 薏米水 好足料 加埋鮮薑 幾好飲。不會再去 重點是因爲～ 味精好重 食完狂飲水都唔掂。

服務差態度怪食品麻麻今日好地地心情好入家嫂揾家嫂 攪下笑姐…本來想食個下午茶，點知個老闆娘不停推介正價餐…我話唔洗…就變左被強調茶餐和正價餐既分別，好似硬性推銷咁唉，早知睇下食評先啦，原來唔止我一個有類似既遭遇本來聽日要返工已經好慘，宜家仲要連個靚既下午茶都攪成咁香港人壓力真係好大呀

朋友話呢間喇沙米線同火鍋好食，就去左試下，我地一行三人選擇食火鍋。原來呢間食店頗有名氣。牆上貼有很多食家同明星黎食過既相，粒粒巨星。　　老闆娘健談豪爽，而且好好人，佢介紹我地試下喇沙同魚湯湯底，果然無介紹錯，喇沙湯底非常香濃野味，真心講係我食過咁多間喇沙湯最好味既一間。(下次要黎試下佢既喇沙米線！)　　首先黎左碟炸魚皮，食落香脆好味，平時最唔鍾意食魚既我都食到唔停口，正!!!  跟住杯薏米水亦好好飲，係個驚喜，再黎個香炸拼盆，香口好食，我地三個人叫左6隻鮮蝦，烚熟後鮮甜爽口，值得encore！ 仲有粟米係超級鮮甜！ 索左喇沙汁既豆卜勁好食！ 豆腐非常幼滑，魚蛋、貢丸、牛丸彈牙。 本身好怕出街食菜，但呢度既菜新鮮乾淨，當然亦放心食左好多~  食到最後連喇沙湯同魚湯都飲埋！　　值得一讚係老闆娘好人之餘，職員們態度親切有禮 原來呢度有胡椒蟹食，要提早預訂，搵次要黎試下Ｐ.S.: 我朋友話如果有魚食就更完美喇。

喺九龍城周圍行，最多嘅就係泰國菜，好偶然見到有間食喇沙麵。老闆娘好熱情咁樣款待，推介佢哋好出色嘅大蝦米線，冇諗過咁爽甜！另外叫咗碗肉骨茶好有香味，豬什、排骨好新鮮。 整體上可能比附近店舖價錢高一點，但是物有所值！