影片
港铁蓝田站 A 出口, 步行约5分钟
继续阅读
电话号码
21570228
营业时间
今日营业
08:00 - 21:00
星期一至日
08:00 - 21:00
公众假期
08:00 - 21:00
公众假期前夕
08:00 - 21:00
以上资料只供参考，请与餐厅确认详情
食家推介
昨晚见有新菜单，立即入去睇吓，见到款干烧伊面，心想无难度，应该无问题，即本一试，都等咗大约20分钟，见到个女人拎出嚟放低，我第一句「点解碟面咁肉酸嘅」？ 但叫咗都要食的，筷子夹落去完全唔系干烧伊面的感觉，再食落去，根本就系将个伊面渌熟咗加咗几片冬菇几条韭黄用啲熟油捞匀佢就咁摆上碟😵💫大佬呀，隔离大快活啲嘢都好食过佢，$58 你就咁捞个面出嚟就话系干烧伊面😡真系唔会再有下次啰！
继续阅读
冇食过咁差嘅茶餐厅，之前食过一次，今次体验真系极差😅今次叫常餐，叫咗番茄香草肠米粉，你会expect番茄米粉系蕃茄汤底，佢清汤一旧蕃茄都冇不特只，佢喺肠仔上面淋番茄酱！系番茄酱！？我真系个吓O咗嘴，蕃茄冇粒唔紧要，我唔会预计佢系连蕃茄汤都冇，就咁淋番茄酱喺上面，捞下都冇，真系好失望。（冇影到原况，张相系我自己手动捞咗啲蕃茄酱落汤嘅样）餐厅卫生都唔ok，碟边有污垢，我叫蕃茄米粉但系我碗野入面有一条雪菜一条韭菜☠️
继续阅读
平日下午茶时段，唔洗等位直入餐牌内容同其他茶餐厅大同小异嗌咗个茶餐迷你蕃茄汤餐肉通心粉+炸鸡髀+冻咖啡落完单2分钟，鸡髀先到然后咖啡同通心粉都到齐如图所见，通心粉份量细就不在话下蕃茄汤底甜到痴线，完全要隔咗啲汤先食得落啲通心粉啲通心粉应该就系即食通心粉，口感一般餐肉有5-6粒骰仔size大，无煎过，唔够香鸡髀size正常但无咩味，同埋好多肥膏咖啡又系超甜，可能嗌少甜先会系正常甜度钟意食甜野嘅你或者会岩食
继续阅读
本人于6月16日上午大约1115时进入蓝田启田商场2楼咖啡馆食早餐时,而当时餐厅内坐约八成客人,于是我进入餐厅内并有一名女侍应招呼我坐下一处。正当我准备向该女侍应下单时,同时有一名短头发女侍应喝止我，问我有冇系门口取飞呀！因为我当时进入餐厅时并冇职员阻止我亦无职员叫我取飞,同时进入餐厅内亦有一名女侍应招呼我坐下,亦冇问我有冇取飞。而该短发女侍应十分无礼貌地喝止我，并大声问我取咗飞未？并叫我要即时离开出去门口再取飞等候,这时我觉得十成难堪，而这种招呼客人的态度很另人反感！主要是餐厅没有做好把关，入内时没有指示，门口收银员无叫我攞飞，行入餐厅，职员亦没有问而直接带我入坐，我亦不是第一次来此餐厅，从未试过要先取飞后入坐，所以我都唔知要取飞，如果餐厅改了要攞飞，我一定跟规矩做事，今时今日的香港有这种劣质服务态度实属可悲！等同赶客，唔会再帮衬
继续阅读
星期三中午12:30，我同唔够两岁的小朋友行入餐厅，餐厅当时只有7-8成座位满，男侍应要求我哋做一张二人枱，同小朋友面对面坐，我表示小朋友细，未识自己食，我要同佢一齐坐，所以想坐一张四人卡位，佢话，我哋坐咗一阵间有四个人我冇位比人。我望一眼附近，话拍摆两张双人枱咪有，加上我哋食完就走，可唔可以体谅下。佢依然拒绝比我哋坐四人枱！！其实仲有有多大枱差唔多食完就走，该男侍应（唔知系咪老细）为咗方便自己做野，唔理客人需要，做法好冇品！
继续阅读