影片
以上资料只供参考，请与餐厅确认详情
街坊福建小店，老板好有礼，服务亲切，知道熟客口味，好有人情味。今晚食左福建海鲜卤面，好足料，有虾，蚝，啲汤头鲜味，面亦有咬口，60蚊仲有饮品。系可以回头嘅小店。
继续阅读
之前经过见到炖汤只系$40就想试试今日去到发现所有嘢都好平！排骨紫菜炆饭加个乌鸡汤，套餐只系$70 咩事啊？汤好清甜，炆饭劲大碟但轻松食得哂，好味！云吞面 $32 有十粒小云吞皮蛋$20 料靓 汁好味！追加多个糖不甩，细细粒，花生粉好似唔甜，唔是出面吃的版本，都几好食完好舒服，无味精嘅！元旦试到呢间新嘢真系好满足呢下次会试埋卤面 炖羊肉汤 同埋饺子呢个价钱系亲民，楼面又好礼貌，讲真味道唔输俾甫田，系有少少吊脚就真
继续阅读
🔹️家味馆🔹️ 朋友介绍系深水埗呢间唔错既餐厅由两兄弟一同开业 是主打福建菜式喜欢小店既原因 其中一样就系一份人情味同朋友说笑倾谈 坐得好自在 🍚渔民紫菜排骨焖饭粒粒分明既饭粒包裹满酱汁 不干身带点湿润其他既配料蚝、排骨都好入味 🍜家乡渔民海鲜卤面好丰富既卤面材料有红萝卜、肉丝、香菇、洋葱、鲜肉还有虾、蛏子、蛤蜊、虾面条根根分明裹满了汤汁，一下吸入口中好爽最后食到汤都无得剩😝 🥢铁板焗蛏子好过份既蛏子 过份既多汁朋友咬蛏子时 啲肉汁弹到我件衫🤣 🥢原味小云吞 15只 🥢原味小云吞 20只🍤炸鲜肉小云吞小云吞系列真系不禁Encore皮薄细粒 一啖一粒 真系唔经唔觉自己自私地KO一碗🤣完全无共同分享既意欲 🧁家乡麦煎煎饼甜甜地，有芝麻粒香口点缀有点儿时妈妈既味道😋
继续阅读
经过呢间餐厅门口，畀佢贴出嚟嘅相片吸引，再装一装里面嘅食客嘅食物，卖相唔错啊，就决定入去一试。渔民紫菜排骨焖饭 连饮品 $49一上枱出晒烟，香喷喷，闻到已经好想食。食落去，似中式嘅意大利饭，唔水唔干，劲高质。味道有浓厚嘅紫菜味，完全有齿甲留香嘅感觉。最钟意系佢完全唔油腻，一碟大约有两碗。荠菜鲜肉饺子 （8只） $35一咬落去，内馅鲜嫩多汁，荠菜的清香与肉馅的鲜甜完美融合。汤底清甜，落埋枱上嘅辣油，吊埋味，一流。老酒花雕蒸蛏子 $65一个炖盅咁上，侍应姐姐会提埋客人点样食。佢好贴心咁提我地一定要饮埋d汤，话唔饮汤等于食汤渣。圣子清甜，啖汤真系一绝！所有精华落晒入汤，配埋红枣杞子加老酒，成件事好滋补。家乡蚝仔煎 $55千祈唔好畀佢个样呃到你，就系黑色地方先最好食！佢黑色唔系因为㶶或污糟，系因为佢用紫菜垫住嚟煎。个蛋煎到好香口，加埋啖啖蚝仔，好好食！如果一定要弹，就系个蛋㶶边会更好食。呢间餐厅坚高质，性价比又高，service又好好。最钟意系每碟都热辣辣上枱出晒烟，样样细细份，唔会觉得滞，感觉系食得健康嘅！呢间会成为我饭堂之一了。
继续阅读
之前响一个美食讨论群组有谷友介绍此小店下午茶，呢排放假中，就特意由港岛东坐巴士去试吓先，顺道行街😊今日拣咗一碗小云吞汤（约15只）、炸小云吞（约8只）同热豆浆（可拣冻）2款食物都好食呀👍小云吞汤底有炸蒜粒、汤底热辣辣👍炸云吞即炸，香脆又热😋豆浆唔甜，啱我口味😀此下午茶套餐$39，抵呀！楼面姐姐有礼，店舖在大街转角位，店舖地方唔挤迫，今天天气好好，喜欢坐卡位同望街境嘅我食得更舒适满足呀😊
继续阅读
您可能会有兴趣的...