宮崎肉本鋪 (已結業)

这家餐厅以宫崎和牛为招牌，提供A5级别的宫崎和牛拼盘，拼盘中包含了肩里肌、肩口肉、牛肋肉、内后腿肉、外后腿肉以及五花腩等多种精选部位。我们选择了价值698元的特上放题套餐，该套餐主打6款A5宫崎牛，其中更有2款可供无限量享用。此外，还有超过60种小食和饮品供选择，所有美食都系任叫。最钟意佢除咗肉之外仲会有一啲季节限定嘅内脏，今次我哋有牛肝，鸡就有鸡肝鸡芯，每一款都经过精心挑选，保证新鲜同质素。牛肝煎得外脆内软，入口即化，带有浓郁嘅牛香味；鸡肝则细腻滑嫩，鸡芯爽口弹牙，两者都系不可多得嘅美味。餐厅仲会根据季节变化，不定期推出唔同嘅内脏选择，每次嚟都有新惊喜，令人期待不已。对于钟意食内脏嘅朋友嚟讲，呢度绝对系一个不可错过嘅好地方！不过俾啲贴士各位食肉兽，除咗肉以外啦都一定要食一啲沙律菜，绿色嘅食物先可以保持战斗力。估唔到佢连熟食都咁好，当中最欣赏佢嘅系和牛饺子同埋烧茄子。和牛饺子外皮煎得金黄酥脆，一咬落去，内里嘅和牛肉馅鲜嫩多汁，肉香四溢，令人回味无穷。而烧茄子则烤得恰到好处，外皮微焦，内里软滑，搭配特制嘅酱汁，味道层次丰富，令人食到停唔到口！最后补返个茶渍饭，又解腻，又满足。…查看更多

早排心思思想食烧肉，去咗主打宫崎和牛嘅餐厅食返餐！我地拣咗$698嘅特上放题，主打6款A5宫崎牛，其中2款可以仼食，小食同饮品方面有超过60款，都系无限量任点任食，真系食肉兽嘅终极享受呀！ 最正系同生日订座有多30分钟，都几抵！俾$100/位仲有得全年任饮啤酒，好吸引餐厅安排我地坐卡位，有维园景色，最紧要系私隐度一流，一边食一边望住个景，心情都靓晒！首先嚟嘅A5宫崎和牛拼盘有肩里肌、肩口肉、牛肋肉、内后腿肉、外后腿肉同五花腩，每块肉都油花好靓，油脂分布完美！除咗烧肉，最爱鸡嘅内脏，例如鸡心、鸡皮、鸡肾，口感好特别！特别系鸡肾，劲爽口！仲有好多野食都超正，例如炸生蚝，咬落好juicy ！仲有自家制A5宫崎牛饺子，呢个真系我最近食过最好味嘅饺子。仲有烧茄子，都好惹味，做得好出色！仲有白粟米、秋葵、牛油野菌，有锡纸装住出嚟食，非常方便。最后甜品，我最钟意食泡芙同Mow雪糕，都系必食之选，奶香浓郁，口感绵滑。宫崎肉本舖 (铜锣湾)铜锣湾糖街25-31号Sugar+ 6楼@miyazaki.nikuhonpohk地点打卡: 宫崎肉本舖 香港店#宫崎肉本舖 #铜锣湾美食 #烧肉放题 #和牛 #日本菜 #放题…查看更多

之前去过日本宫崎佢哋啲牛好正㗎😍原来香港有烧肉店系主打宫崎牛，好吸引呀！晚上出左半放题，价钱抵食好多。一坐低店员好快就比左碟肉我哋，有牛肋肉、外后腿肉、盐葱鸡腿肉、肩口肉、外后肩、七味豚肉，侧边仲有唔同种类蔬菜🥬视觉效果一流，觉得餐厅真材实料😋装修新净抽油烟机系统劲，食完唔会好大浸油烟味。肩口肉超靓，肉质厚实成块雪花❄️😋大火烧一阵就食得，脂感十足。七味豚肉肥瘦分别，比较薄身所以烧熟后好爽口👍🏻山贼汁九州和牛米饼🍘上边有满满酱汁和牛配上脆米饼，和牛有啲脂肪好香，小食黎讲一流。七味鸡肾、七味鸡肝、日式黑豚芝士肠、野菜盛合等等都系任叫任食，推🌟和牛黑松露饺子、芝麻手羽、饺子馅料满满，配上酸酸甜甜酱汁好好食！A5宫崎牛一之藏牛骨汤拉面🍜入边有超多和牛，汤底味道清！最后仲有甜品推荐3.6牛乳布丁，质感柔滑奶味香浓。宫崎肉本舖铜锣湾糖街31号6楼…查看更多

我都黎食过好多次，平均每3-4个月就黎！但今次体验极差！要令我写评价🙁首先，唔知系咪红日过后，1月2日晚黎食，前台带位长发女同事话无$698个餐，得$898以上。咁我见今期open rice 做紧优惠卷 88折 购$100 ,入座前我就问呢位女同事系咪有得用？佢话「我哋无做优惠㖞，个优惠完左架啦」 到入座后，我就觉得奇怪，明明优惠截止到二月尾，而且系同多间铜锣湾餐厅合作。之后，埋单既时候，另外一位同事就话可以用🥹咁我就即买即用啦！但竟然听到，一开头带位嘅长发女同事细细声问帮我哋埋单嘅同事，点解比我哋用个优惠？？😅 究竟呢间餐厅同open rice 做优惠活动 系随机比顾客使用，定还是唔可以用？ 体验感十分之差。另外，我哋一入座已经order晒熟食，入座后45分钟都冇上过任何熟食，包括汤。全场当时得两台客我哋系第一台，但都可以漏单。😰食物质素方面都差咗好多，牛肉除咗头盘之外都唔值呢个价钱。熟食就还好嘅，因为本身我都钟意呢间餐厅嘅熟食。最后，我都见呢间餐厅转过几次服务员，而服务越嚟越差，比牛角嘅价钱贵，但服务同食物质素仲差好多！唔值！！今次嘅体验我唔会再喺呢半年内再黎！…查看更多

今晚女朋友同我庆祝生日，知我不嬲钟意食牛，所以bk左呢间喺铜锣湾、专食宫崎和牛嘅餐厅，门口有晒奖状同证书，未入已经知好掂今次叫左宫崎A5樱花牛极上烧肉套餐，对住维园食特别开扬，用app点餐超级方便第一round咩部份都试啲，除咗基本嘅西冷之外，仲有肩口肉、五花腩、牛肋肉、肩里肌，无咁油脂重嘅外后腿肉、内后腿肉都有！店员建议我地由深红色食到赤身粉嫩，咁样先可以感受到和牛牛脂嘅变化。油脂比较重嘅肉，配上Wasabi系最好，可以中和返个油脂，即刻可以食多几旧除咗和牛，其他嘢食都好有特色，建议试以下呢几款日式小菜：蟹味噌甲罗烧淮山松叶蟹肉沙律胡麻豆腐菠菜沙律鸡皮饺子黑松露饺子日式酱烧茄子最后甜品有密瓜雪糕同埋牛乳布丁，两款都超好食，为呢餐饭画上完美句号…查看更多